¹ Talenu khia zola Tata katuheka, mu phila ni batu tela bana na Nzambi, ye twena pi bana ba Nzambi. Mu kikuma kiaki, tsi thotu disiku tuzaya khiau bamuzayiku tata. ² Ba mpangi ba zola, twena banda tangu yayi bana ba Nzambi, ye buna twa kala, bukhakumonika kedi. Tu zaya ni mu tangwa dinab Khlisitu kamonika twakala bosu yandi ye twa mumona bwosu kena. ³ Whosu wuna wena tu kivuvu mu yandi kidi sukula, bwosu pi yandi kena wa bukheti. ⁴ Wuna wu landa kusumuka kisiku kulemvuka ku tsiku, khiau masumu mena kukolama kwa tsiku. ⁵ Luzaya ni Khlisitu ka moniki mu kuma kia kukatula masumu metu, ye mwena yandi mweku masumu. ⁶ Whosu wuna wena muna yandi, kalendoku dihika kusumuka. Wosu wuna wulanda kusumuka kamu moniku pi ka muzayiku. ⁷ Bana bama, luyambudiku mutu kaluhuna. Wuna wusala mambu ma mboti kena wa mboti pila mosi Khlisitu yandi'eni kena wa mboti. ⁸ Wuna wusala masumu kena wa diabulu khiau diabulu ka sumuka banda luyantiku. Hakana mwana Nzambi ka monika kikuma kia kubebisa bisalu bia diabulu. ⁹ Wosu wuna wo butuka mu Nzambi kasala koku masumu khiawu luzingu lwa Nzambi lwena mwena muna yandi. Ka fwaniku kalanda mukusumuka khiawu kabutuka mu Nzambi. ¹⁰ Mu bwabuna luswaswanu lumonika kwena bana ba Nzambi. Wosu wuna kisiku sala mambu ma mboti keku wa Nzambi, pila mosi pi wuna kisiku zola pangi'andi . ¹¹ Talenu ndinga yi lwayuki : tu fweti zolana betu ye betu, ¹² pila mosi ku bwosu Kayinu bwa kadi wa diabulu pi wa hondi pangi'andi. Ye mu khi kikuma ka muhondidi? Khiawu bisalu biandi biakadi bia mbi kasi bia pangi'andi bia kadi bia mboti. ¹³ Luyitukiku ba pangi yuka tsi thotu lumengi. ¹⁴ Tu zaya ni tukatukini mu lufwa mukumonga moyo khiawu tu zola ba pangi. Wuna keku ti zola mu kati dia yandi kena mu lufwa. ¹⁵ Whosu wuna wu menga pangiandi kena muhondia batu. Ye luzaya ni moyu wa mvula ye mvula weku mwena wuna wa hpondaka batu. ¹⁶ Twa zaya zola mu diambu Khlisitu wa hana luzingu lwandi mukuma kia betu: betu pi tu fweti hana ba luzingu betu kikuma kia ba pangi. ¹⁷ Kasi wuna wena ti bima bia tsi thotu, pi mu moni pangi'andi mu pfunu kasi ka mu yukidiku mawa, khia pila zola dia Nzambi kakala muana yandi. ¹⁸ Bana bama, tuzodika ndinga to mu lulumi, kasi mu disalu ti mu masonga. ²¹ Mu bwabuna tuzaya ni twena mu masonga ye twa siamisa mbundi zetu mu twala yandi. ²⁰ Khiawu yuka mbundi'etu yisiku tubedisa Nzambi wu luti mbundu'etu ye ki zaya mambu mosu. ¹⁹ Ba pangi ba zola, yuka mbundu'etu yisiku tu bedisa twena ya kivuvu kia ngolu mwena Nzambi. ²² Hakana khosu kima twa lomba, twa mongekia kwena yandi khiawu tu lemfuka mu tsiku zandi pi kisala mambu mana misi muheka kiesi. ²³ Taleya tsikiandi, twa kwikila mu zina dia mwanandi Yesu Khlisitu ye pi tozolana betu ye betu, bwosu yandi ka tu zola. ²⁴ Wuna wu lemvuka mu tsiku za Nzambi kena mu yandi ye Nzambi kena mu yandi. Ye mu bwabu, tu zaya ni kizinga mu kati kia betu mu nzila pefi andi yina katu heka.