¹ Bana, yi lusonikila mambu mama mu pila ni lusadioku masumu. kasi yuka mosi wu sumuki, twena ye nzonzi ku twala tata, Yesu Khlisitu wa mboti. ² Kena wu wa dihana bosu kabu dia masumu ma betu, kekuni ma betu kaka, kasi mu kuma kia thsi thotu yoosu. ³ Mu buabu tu zaya ni tu mu zayi: yuka tu lemvuka tsiku zandi. ⁴ Wuna wu zonzi ni: "yi mu zayi Nzambi", kasi kisiku zitisa tsiku z'andi, kena mutwa luvunu ye basonga meku mu kati diandi. ⁵ Kasi koosu wuna ki lemfuka mu ndingandi, mu masonga, mwena mutu bewuna mu luzolo dia Nzambi yi lungisa mboti mboti. Mu bwabu tu zaya ni twena mu na yandi. ⁶ Wuna wu zonzi ni kena mwana Nzambi ka fweti tambula bwosu bwa tambudi yandi endi Yesu. ⁷ Ba pangi ba zola, yisiku lusonikila tsiku ya pa, kasi tsiku ya ntama yi balulonga banda luyantiku. tshiku ya thama yena ndinga yina lua yuki. ⁸ A ta bwabuna, yi lusonikila tsiku ya pa, ma mena mu kieleka mwena Yesu pi mwena benu, kiawu piba yi mani, yi mwinia kieleka hulubukikedi. ⁹ Wuna wu zonza ni kena mu mwini, kasi kisiku zola pangiandi kena mu piba ti bu twena bwabu. ¹⁰ Wuna wu zola pangiandi kena mu mwini, pi ata mambu mambi meku mwena yandi. ¹¹ Kasi wuna wumenga pangiandi kena mu piba pi kitambula mu piba; kisiku zaya kwe kikwenda kiawu piba ya mufiki mesu. ¹² Yilusonikila bana, khiawu masumu menu ma luloluki kikuma kia zina diandi. ¹³ Yi lusonikina ba tata khiawu lu muzayi wuna wena mu luyantiku. Yi lusonikila ba ngunza, khiawu lwa mununga mutwambi. Yi lusonikila ba leki kiawu lu muzayi tata. ¹⁴ Yi lusonikila ba tata khiawu lu muzayi wuna wena banda mu luyandiku. Ye lusonikini ba ngunza khiawu, lwena ngolu, ye pi ndinga Nzambi yena mu kati diabenu, pi diaka lwa nunga mutu wa mbi. ¹⁵ Luzodiku tsia thotu yayi to bima biena mu thotu yayi. Woosu wuna wuzodi thotu yayi, zola dia tata dieku mu kati diayandi. ¹⁶ Khiawu mambu mosu mena mu totu yayi, (nzala bima bia lutu, Nzala bima bitumona kumesu, pi ti lulendu lua luzingu) bisikukatuka kwa tata Nzambi kasi bikatuka mu thsia thotu yayi. ¹⁷ Thotu ti nzala zandi zosu ba hioka, wuna wa sala luzolu lwa Nzambi ka zinga kimakulu. ¹⁹ Ba leki, yayi thangua tsuka. Bwosu lwa yuki ni mbeni wa khlisitu ka kwisa, buntwena bwabu ba mbeni ba moniki. Mu kuma kia bwabu, ha tuzayini ni yayi thangu ya tsuka. ¹⁸ Balubuki mukati dia betu kasi beku ba betu. Bwadi bakadi ba betu ba kha kala ti betu. kasi bu balubuki bu songa ni ba kaloku ba betu. ²⁰ Kasi benu lwena ya pefi ya wuna wena wa santu ye benu bosu luzayi masonga. ²¹ Ya lusonikiniku, lo sambu lwa zayiku masonga kasi luzayi msonga pi mu masonga luvunu mweku. ²³ Nani mukwa luvunu yuka keku wuna wu buisa ni Yesu keku khlidisitu? Mutu yndu kena mbeni wa Khlisitu khiawu ki bwisa tata ti mwana. ²² Mu kati kia baba bi bwisa mwana, ata mosi lo wu zaya tata. Wuna wu zayi mwana busonga ni kena pi ye tata. ²⁴ Mu kuma kia benu, ma lwa yuki banda luyantiku mena mu benu. Yuka makala mu benu, lwa kala mu mwana pi ti mu tata. ²⁵ Tala Kilaka ki ka tuheka: luzingu lwa mvula ye mvula. ²⁶ Yi lusonikila mambu mama mu kuma kia baba bizola kuluvidisa. ²⁷ Hakana kikuma kia benu, pefi yina lo yamba yena mu benu pi lweku diyika ye pfunua mutu ka lulonga. Kasi bosu pefiandi yi lu longa mambu mosu yi songa ni mena ma kieleka ye meku ma luvunu, ye bwosu ye lulonga kalenu mu yawu. ²⁸ Ebutwena bwabu bana bama, kalenu mu yandi mu pila ni tangwa di ka kwisa monika, twa kala ti kikesa, pi tu kwatukoku tsoni mu ku kwisa kwandi. ²⁹ Yuka luzayini kena wa kieleka, luzayenu pi ni wuna wu sala mamboti ka butuka mu yandi.