¹ Ma ma kadi mu luyantiku, ma tua yuki, ma tua moni ti mesu metu, ma tua tadi pi ma tua simbi ya moku metu, ma tadidi ndinga ya moyo. ² Luzingu lwa mwana, twa moni lwa pi tuisi ta kimbangi. Tu luzayisa luzingu lwa khonda tsuka, lwa kadi ti tata, pi lwa monika kwena betu. ³ Ma twa mona ti twa yuka, betu pi tu lusamwana ma mu pila ni benu lwakala mu kimvuka ti betu. Kimvuka kia betu kiena ti tata, pi ti mwana Yesu khlidisitu. ⁴ Tu lusonikina pi mambu mama mu mpila ni kiesi kia betu kia kala kiakulunga mboti mboti. ⁵ Tala ndinga yi ta yuki kuna yandi pi yi tu luzayisa: nzambi kena mwini ye mwena yandi mweku piba. Yuka tu zonza ni twena mukimvuka ti yandi, kasi tu zinga ku masumu, tuta luvunu pi twisiku sadila masonga. ⁶ Yuka tu zonza ni twena mu kimvuka ti yandi tu huna pi twisiku sadila masonga. ⁷ Kasi yuka tu tambula mu mwini bonsu yandi pi kena mwini, twena mu kimvuka betu ye betu, pi menga ma mwana ndi Yesu mi tusukula mu masumu mosu. ⁸ Yuka tu zonza ni tweku masumu tu luhuna betwetu, pi masonga meku mu kati dia betu. ⁹ Kasi yuka to funguna masumu betu, yandi kena wa mboti ti wa masonga mu tu kulolema pi ku tusukula mu mambu ma mbi. ¹⁰ Yuka tu zonza ni tu salakoku masumu, tu mu kumisa mutwa masumu, ye nding'andi yeku mwena betu.