¹ Whosu wuna wu kwikila ni Yesu kena khlisitu ka butuka mwena Nzambi. ye woosu wuna wu zola Tata kizola pi mwana who butuka mwena yandi. ² Tala mukuma kiaki tuzaya ni tu zola bana ba Nzambi: thangwa tu zola Nzambi pi tu sadila tsiku zandi. ³ Hakana, tala zola mukuma kia Nzambi: Yuka tulemvuka tsiku zandi. Ye tsiku zandi zeku pasi. ⁴ Khiau whusu wuna wo butuka kwna Nzambi kinunga tsi thotu. Ye tala lunungu lwa tsi thotu: lukwikilu lwetu. ⁵ Nani wuna wa nunga tsi thotu? Kena wuna wu kwikila ni Yezu kena mwana Nzambi. ⁶ Mu talenuu wuna wisa ye mamba ti menga: Yesu-khlisitu. Kisiku kaka ti mamba, kasi ti mamba ti menga. ⁷ Khiau bena ba tatu ba bita kimbangi: ⁸ Pefi, mamba ti menga. Ba batatu bena ba kuwakana. ¹⁰ yuka twa yamba kimbangi kia batu, kimbangi kia Nzambi yi luti ngolu. Khiau kimbangi kia Nzambi kena ni wa hana kimbangi kia mwanandi. Whosu wuna wo kwikila mwana Nzambi kena ti kimbangi mu kati kia yandiendi. ⁹ Wosu wuna kisiku kwikila Nzambi kimukumisa mutua luvunu, khiau ka kwikidiku kimbangi kikahani Nzambi mu kuma kia mwan'andi. ¹¹ Ye talenu kimbangi khienu: Nzambi katu heka luzingu lwa mvula ye mvula, ye luzingu lwena mu mwanandi. ¹² Wuna wena ya mwana kena ya luzingu. Wuna keku ti mwana Nzambi keku ya luzingu. ¹³ Yi lusonikila mambu mama mupila ni lwa zaya ni lwena ya luzingu ya mvula ni mvula kwena benu lukwikila mwana Nzambi. ¹⁴ Hakana, talenu luzolu lu twena yayu mu twala yandi bwena ni ta mulomba kosu kima kina bwosu bwena luzolo lwandi, ki tuyuka. ¹⁵ Diaka, yuka twa zaya ni kitu yuka biosu bima tu mulombi, tu zaya ni twa mongebia. ¹⁶ Yuka mutu moni pangiandi kisala disumu kisiku nata ku lufwa, kafweti samba ye Nzambi ka muheka pangi wuna luzingu. Yibambuka kwena bana ba sala masumu manatokoku ku lufwa. Kwena ye masumu mi nata ku lufwa, yisiku zonza ni lwa basambila mukuma kia masumu mana. ¹⁷ Kosu mambu ma mbi mena masumu kwena ti disumu di natakoku kulufwa. ¹⁸ Tuzaya ni wuna wa butuka mu kinzambi kasumukakoku. Kasi wa butuka kwena Nzambi kiditanina khiau kena wa kuguluka ye mutuambi fwaniku ka musala mbi. ¹⁹ Tuzaya ni twena ba Nzambi ye thotuamvimba yena mu tsia ngolu za satana. ²⁰ Kasi tuzaya ni mwana Nzambi kisi ye ka tuheki mayela mu kuzaya wuna wena wa kweleka. Pila mosi betu twena mukati dia wuna wena wa kweleka, mu kati dia mwan'andi Yesu Khlisitu. Kena yandi Nzambi wa kieleka ti moyu wa mvula ye mwula. ²¹ Bana ba zola, katukenu mu biteki.