1
Ba sabugha simu mudiba, ghu tséngi yibisi Gadarenien.
2
Va sunde Sésu mu mbungu, mutu wu basu ne dignugni di buanzi, abengusune yandi, a pule ghu magnima.
3
Mutu wena atsaghalanga mu ghane ghare ba songu.
4
Ghuse bi mutu wu rungula utsighisa yandi, mwuisi bapange. Bavure tunge yandi bioru, ne bapange, nene miange, a tabulenge biotsu ke wu tabule. Ghuse bile mutu wu bile ne ngudu yi mu tsighimisi.
5
Gnangu ne dibati, a bilenge ku ghu magnime ne muyulu mikongu. A yasanga pepe, a dukungu ne mamagni ma méngu.
6
Va laba yandi Sésu ghu vala, a nangule mbangu mu ye bengunu nandi, ne yandi asuma makotulu va wusu-andi.
7
A buamughu pepe re, Sésu Mwane Nzambi yi ghu yulu, manghu dinde ne dighi ? Ma lende yu mudine di Nzambi, yiya kiliseme.
8
Sésu a ghabusile yandi re: dignugni dibuanzi, pule mu mutu wuwu !
9
Sesus a tombendi re: dine diaghu ndegni ? Ayaghule re: dine diami Nzoku, mumbara yetu magnugni ma buanzi disa dikembi ghu ghare mutu wuwu.
10
Kore vana, magnugni mamabi malènda Sésu ghugha logha rē: ya yènza yétu ghu vala.
11
Mu dighere dièna, dighande di bangulu bayanga ghu diliku.
12
Vana, magnugni mabiva ma lènde Sésu rë: singe rê digningeni ghu ghara bangulu? Sésu asinge.
13
Kere vana magnugni mena mavate mu mutu wène koka bane gningana ghughare bangulu. Dighanda dibile bèbele ne tosini beyi tsi bangulu, balikughu ghu ghare mudibe. Ne yawu balike.
14
Baba kielenga bangulu, ba tsamughu ne tsangu mu mimbu ne mu madeki. Batu bambili barugha mu ghibama mudio.
15
Bayènde ghu Sésu, badeghisa mutu ubile ubasu ne magnugni ma badému, a ma bélughu, ne ba ghibama.
16
Baba kiéghulu vana, bagnighule bambatsi mambu mavioghe mu mutu wena ubila ne badému.
17
Batu baba rughe ghuna ba lende Sésu re: burughu ghu tséngi yétu.
18
Va pèke Sésu ghu ghare mbungu mu muéndu, mutu wubianga ne magnugni mabiva va marègha, ayubule Sésu re: sïngise ma mu yènde naghu ? Te Sesus a busea mu yènde nè.
19
Ghandi ane muyambile re: yende ghu mbubiaghu, yambile yawu motsu ma Nzambi atse sale mu yu. Re mutu wèna a yènde.
20
Na yandi a yé mugnalu mu dighumi dimimbu motsu ma tséngiawu. Are yambilange batu botsu, motsu mavaghu yandi ne Sésu. Batu bayulu mayambile yandi, na ba ghibama.
21
Va sabughe Sésu tséluyina ne bayikisi bandi mu mbungu disimu dina, piti yimbili yitsinga Sésu, babile ke mitele va mbara mudiba.
22
Ivunde ghi mosi ghi Ndaghu Nzambi, ndughandi Saürus, va labandi Sésu, aghudema va tsi bioru biandi. A lènde Sésu mbili, nu uvaghe re: mwanami wumughiètu wu ghone bèle, yandi asake tsinge nuwufu.
23
Kokolu rughe ghu ndaghuami yisunzi makake maghu mu yandi ake belughu nu wudila mognu. Koke Sésu yane bayikisi bandi bareyende nandi.
24
Piti yi mbili yi landa yendi, bambili ba bembulunungu nandi.
25
Va ghana gharawu, ghu bile mughiètu wumosi wubelènga muvuva mu dighumi di bilima ne bilima bibeyi.
26
A roke ne bilongu bi banganga, a ghaba badole botsu ba bi nandi mu mbeduène ghu gha dibighu. Ubela ughuasanga ku ughuase.
27
Va yuluandi tsangu Sésu, aghoghula ghu nzimandi va yènda yèndi ghu ghara piti, nu ughangila iduare ghi Sésu.
28
Vana, a tase rē : gha maghangile nisi ke dipepi di ilinga ghiandi maghu bélughu.
29
Va ghangile yiandi, muvuva wu kègni, gnuru koke yine lènge ni ya ubélughu.
30
Vavena Sésu, a yaba rē: bungud butse vata yèndi . Na yandi ane ghièlughu ghu kuba yi piti, na tombe yandi rë: awuma ghangileme iduari ghiami nde gni ?
31
Bayikitsi bandi ne muyaghule re: ise ghone laba piti yi ghone bembulunu naghua, ne mane yire bayambile re: uma bembelene me ndigni ?
32
Te Sésu a bemine kube ne kuba mu labe utse vaghe dio.
33
Mughiétu wène ayabe diambu divioghe mu gnuruèndi, ne ayitse ne wome, ne urèghema ne ughudema va tsi va wusu Sésus kere vana ayembila imuanza ghiotsu mudiambu diubèle yèndi.
34
Ayambila yèndi ra: mwanemi, ghitu ghiaghu ghitse yobule yu, ghabughe ne polu, belughu.
35
Mudighuere di yambilenge yandi, batu bare rughe ghu ndaghu yi ivunde ghi ndaghu Nzambi, ba vaghendi re: mwanaghu umughétu amafu, mughi ighone be tsitse Fumu?
36
Va yulu yandi ma yambilanga yawu, Sésu ne uyambile ivunde ghèna re: iya reghama, sunze murime.
37
Are kare batu botsu mu bingandi, mukabu ne Pierre, Sake ne Sā, mwane nguyi Sake.
38
Bane gningane ghu ghare ndaghu yi mukielitsi madile ma Dibundu. Sésu adeghisa batu baba mbili ba yolghenenge, ba lilanga, ne uvuaseghane.
39
Va gninganendi ghu ghare ndaghu, ayembile nawu re: Mwighi dighone yase ne ulile ? Mwana wunde ghiolu, usa wufu.
40
Yawu ba vongulu yèndi, koke ayabe redi uvetisa yawu botsu wu kana. A sale yane tayi ne nguyi mwane, kere vana baba rughe nandi. Bayabe re di ugningane ghu irini ghi bile mwane.
41
Abonge mwana mu dikaka, ne uyembile nendi re: Talitha Kumi divindughulu rë: numbe yi, mayèmbile yu rē: telema.
42
Ne mukasa keke, mwuana atelema nuwu bande muéndu, yèndi abile ne dighumi ne bilime bi beyi. Batu baghibama mbili mu diambu dièna.
43
A ghèndise yawu re: diya yènde ne tsanguèna. Kere ane ruma yawu mu veghe mwuane mughétu kure.