1
Sésu a burughu ghu Capernaüm, a yènde ghu dimbu diburuandi, Nazareth. Bayikitsi bandi bayènde nandi.
2
Wisi uka loghu, a gningane ghu ndaghu Nzambi ne alonzenge batu mambu ma Nzambi. Batu baba yulungu na lonzanga yandi, ba labanga ugni. Bayambilenge yewu-ne-yawu re: a wuwu atse dile buyédi buvaghe bimuile nde ghugni ?
3
Ba yambile re: yandi sagha sarpendia ? Diyatsi guandi mari, diyatsi bane baguandi, Sake, Sos, Side ne Simu yane babule bandi babaghiètu. yawu basaka tsaghile nétua ! Bare punze Sésu.
4
Sésu ayambile yawu re: Nde yimuanze batu ne bayikitsi basusu baka ghobise me mu bitsighe bisusu sagha ghu dimbu diburu me! Nisi bakinde bétu ne batu Babaka tsaghili nétu mubandaghu basaka ghobise me.
5
Nise na béluse yandi babétsi vana, ase barungule vaghe imuile.
6
Aghibeme mumbara base bile ne ghitu mu yandi, ayènde mu mimbu masusu ne lonzanga mambu ma Nzambi
7
Wisi umosi Sésu a tsitse bayikitsi bandi ne ayambile yawu re: aghu sindighe yénu babéyi babéyi muyé lonze bitsighe biotsu. Avegha yawu bungudu bu punze magnugni mamabi mubatu.
8
A yambila yawu re: Duaranu matèmbi, bonganu dipangu vake yenda yénu mugnalu. Ayambile koke re: diya bonge biyi nisi bapéngi tsiwu kièle bio, nisi badole tsi mugnalu.
9
Aghandise yawu muwu bonga biduari biwu vinze.
10
VA yulu vana, ane ba longe yawu re: vake gningene yénu ghu dimbu, gha mutu agningise yénu ghu ndaguandi gningenanu, yanganu, lamanu ghu ndagwène kuanga ne vake burughu yénu.
11
Ghugha bile itsighe ghigha yaku yénu, ne wuyululu yénu, ghubulanu mufufundu wu matambi ménu vake burughu yénu dimbu diène. Didine re bumuégni buvaghe re: batu badimbu diène base yake yénu.
12
Va yènde bayikitsi mu mimbu musindughua yawu, balonza batu mambu ma Nzambi. bayambila yawu re: lamanu paghe mu mabi ménu, kalulanu bitsaghilitsi biénu mure Nzambi Ake singile yawu Kokolu.
13
Ba punza mbili magnugni mamabi mu batu, bane yotsenge mbili batsétsi me babélughu.
14
Kere vane Irode Antipas, ayulu motsu ma vaghange Sésu, mumbara bambili bayambilenge mò. Bamosi batasenge re: Sésu re Sā Batiste atse rambughu ghu difu, re dibandu ana bungudu bu Nzambi mu vagha bimuile.
15
Bane koka batasenge re: Sésu re Mubighitsi wu kale Ili wu Nzambi a tunge ndaghi re: maghu mughabuse. Bamosi bayambilenge re: hé-hé nde mubighitsi gha babighitsi botsu bababile ve kale.
16
Fumu Irode Antipas, va yulu yandi na yambilenge batu, A tase ya bène re: Mutu wu ghone vaghe bimuile a kusughu bila Sā. Matse rume baghole bami muyé tabule yèndi muru, te atse fuangughu!
17
Va maregha, Irode ayongha Irodias nisi na biange yandi mughatsi muane guandi Fuilippe.
18
Sā ayambilenge Irode Makiési motsu re: Mabighu ma Nzambi mase ghone vèghe yu dignange di uyonge mughatsi muane guaghu gha aki mognu. Irodias asimbisenge Irode mu usundnze Sã ghu tsughu ! Irode yabèna asindighe baghole ghu Sā. Bane change Sā ne muvera ghu tsughu
19
Te Irodias a rondenge wuvinde pinde, abènenge mutu uku muboke, te ase rungule muboke mumbara Sā abilenge ghu tsughu, Irode asuèghe ya vale ne Irodias.
20
Irode a vagha nane mumbara a labenge woma wu Sā, mumbare Sā abile Mutu wusungeme, uvèghe mognu wuandi ghu Nzambi. Irode a labenga koke paghe mu diambu di Sā, mumbara arondenge yulu mayambilenge yandi.
21
Vavene wisi wumosi, Iroda avaghise diyayi di diburu diandi, arughise bivunde biotsu bitséngi yi Galilé, Bivunde biotsu biba ghole, ne bi dimbu di Galilé mu yi.
22
Va pula dikiési di wuyi, muane mugiétu wu Irodias agningene ghu ghare ndaghu. Are ghine va misu ma Irode ne batu bandi. Yawu botsu bala ugni mu mughinu wène. Irode a yambile ne muane wène re: Vondeme biotsu bika rondayu, maghu vegheyu bio.
23
Maghu vegheyu biotsu bike Vonde yu me, maghu vegheyu nisi yipasi ghi bufumu buami.
24
Numbe mughiétu a vate bambangu ne yènde yandi biangha guandi. Are mutanghule motsu mayambile Irode ghu yandi. VA yulu vana, ayubula nguandi re: Matombe Tata nde ghi ? Nguyi ane muyaghule re: Tombe yandi muru wu Sā Batiste ne bagha wo ve yulu yipèle.
25
Muane a ghabughe ne ghu Irode, a ayambile re: "maronde re: yirumi mutu muye ghu tabule muru wu Sā batiste ra arughi ne wò muyipèle.
26
Funu, alabe paghe mbili, mumbare ayabenge re: Sã nde mutu wu sungeme. lrode ase be rungule wubuse, mumbara avaghe pangini ne muane.
27
Re Fumu aveghe dirumu ghu mutu mu yende ghu tabule muru wu Sã Batiste. Mutu wène ayende ne ghu tsughu are tabule muru wu Sā.
28
Are sunze wò muyipè.le are veghe numbe mughiétu, muane are yé vèghe wō ghu nguandi.
29
Va yulu bayikitsi ba Sā diambu dièna, Bayènde ghu yé bonghe fumbi ghi Sā ghu tsughu muyé vère yandi.
30
Bakime ba Sésu ba ghabughu yawu botsu ne ghu Sésu.
31
Ba mu yambile motsu mavagange yawu, ne motsu ma lonzenge yawu. Sésu a yambile yawu re: rughanu nami ne wokanu ghu vale va yitsighe ghi manenu pinze, murê manenu diloghi pésu ! Sésu avagha Nana, mumbara mbili batu ba yendenge ghu yawu. Sésu yane Bakime bandi base dilenge dikiési di wuloghe.
32
Yawu bapêke mu mbungu mu yènde ghu vâle mu yitsighe ghi yawu pinze.
33
Nise nane, mbili balabe na yende yawu. Bayabe re: re Sésu yane bayikitsi bandi bayabe ghu yèndenge yawu. Vane baréghilile yawu batsombughu marèghe ve yitsighe giène.
34
Va Sunde yawu mu mbungu, Sésu a dêghise Piti yobène, ne yandi ayulu dighièbe diawu, mumbara ba bile koke gha mandombe ma ghane fumu. Kerevane balonza yawu mambu ma Nzambi.
35
Ne tsisighe bayikitsi ba Sésu baghoghule va mbarendi nu yambile re: mimbu masa bēbele, ne Wisi wusake tsinghe ne wuyide.
36
Yenze piti mure bayendi mu mimbu muyé ghu sumbe bighuyi.
37
Sésu ayaghule yawu re: Ee vèghanu yawu biguyi yénu bène. Ba mu yughule re: yétu disake rungule wusumbe mapê mu Ubuntu piti yiyi. Dirungule wusumbe papē ne nzi badole tsitsi mu bungule mbili piti yiya?
38
"Sésu ayaghule Yawu re: yénu dine mapê makue ? Yèndanu muyé labe! ne bayènde mu yélabe.
va yabe yawu diranghu di mapê, bayambile yandi rē: Ghuyi mapê maranu ne bibère bibéyi bonganu.
39
A ruma ba yikitsi bandi mu tsighise yawu va yulu bisingue.
40
Ne yawu tsaghele batsughu batsughu. ghu bile batsughu ba maghumi maranu, tsina tsibile kame Batu.
41
Sésu a bonge, birini bi mapê ne bibère bibéyi. Asimbule misu ghu yulu ne yandi aghabuse digni ghu Nzambi mu yawu. Kérevana, a tabule mapē birini-birini, ne avèghe bayikitsi bandi mu ghabile batu.
42
Mutu-Mutu a yangage diandi dikabu ne uyukure .
43
Bayikitsi baghukighe dighumi ne Ponzi béyi tsi mapē, ne bibère bisalulu.
44
Ghu bile tosine iranu tsibatu babayi papē ne bibère. Base tale baghiétu ne bāne.
45
Veyulu vane, Sésu ayambile bayikitsi bandi re: nakemanu mu mbungu , réghilanu ghu bétsaïda, bèbele ne mubu ghu Galile. A sale vana, mu gabuse batu mu mimbu mawu.
46
Va mane yandi wu yaghene ne Piti, Sésu a yende ghu yulu mu kongu mu yénu sembile.
47
Ve yide Wisi, mbungu yi bayikitsi ba Sésu
yi bile ve time mubu. Sésu asale yapinze ghu simu mubu.
48
Sésu aLabe rè: bayikitsi bandi basegona rungule uyenze mbungu mumbare mukunge utèleme ghu mambe.Ve maghiélu ma Wuisi, ghu biangenge kike diviseme, Sésu ayende ghu yawu mutèle mu yulu mambe, ne a kusughu uvioghe yawu.
49
Ve labe yawu Sésu aghuitse mu yulu mambe, batase re: nde mukuyi, ne ba buamughu mindunghe.
50
Mumbara ve labe yawu yandi ba ghanghu ne wôme, re Sésu a yambile yawu re: Diyalaba wôme.
51
Ve yulu vana Sésu anakeme ghu mbungu yibile yawu, ne mukunge wu ligheme .Yawu baghibeme mbili mu mavaghangha yandi.
52
Nise na funise yandi mapê ne bibère, yawu base nène yabenghe bungudu bu bianghenghe mu Sésu.
53
Va mane sabughu yawu mubu wu galile mu mbungu, bapule ghu diambu Dulughu re: Sénésareth bare kobighe mbunguawe vâne.
54
Ve sunde yawu ghu mbungu, bisi Sénésareth ba bayabe Sésu.
55
Ne vane bayendenghe nu yambilenga mu mimbu motsu re: Sésu amitse; Batu ba yendenghe ne babétsi bawu ne ghu Sésu.
56
Mbure tsiotsu mu yendenghe Sésu, ne mu mimbu, ne mu madéki, Batu balatsenghe babétsi bawu mu bitsighe,ne mu timekane. bayambilenghe Sésu re: Singhise yétu mu bembulunu nisi mu diboghu Di kapâghu. Babétsi botsu baba bémbulunungu nandi, babélughungu.