¹ Sésu a gnigane ghu ndaghu Nzambi ghu bile mutu une dikake di katame. ² . Batu babeminenge Sésus mu laba gha aghubélusandi mu wisi ukaloghe. Babenenga disughe di tareghila yândi mambu. ³ Sésu a yambile ne mutu ghu ne dikaka di katema re: telema, sikeme va ghane ghare vava. ⁴ Kore vana Sésu a tomba yawu re: nde buédi muvagha digni vo muvaghe dibi muwuisi uka longhi ba Sifua, muyobule mutu vo mubasise yândi re ake fua ? Botsu bane lingame. ⁵ A bémine yawu ne kabu ne ulabe yawu digièba mu mirime miawu mibi wuiri. Kere ane yambile ne mutu wune dikaka dikatame rē : sukule "ghoghu". A sukule wo, revana Sésu a bughe dikake diène. ⁶ Vana Ba pharisi ba lènze pule gu ndaghu Nzambi mu yènde ghu yébéngunu na batu ba Hirode mu tunga fundu yi ubène boke yandi. ⁷ Sésu yane bayikitsi bândi bayèda ghu tungu dimère. ⁸ . Mbili batu tsi batu ba burungha ghu Galillé, ghu Sudé, ghu Séru Salém ne dimbu di Sudé ghu idumé kuanga ne ghu mimbu maghu mwusu Surda ghu misengi mi dukelane ne tire ne Sidon ! piti yi nena va yulu yawu yèndi barughe va mbarandi. ⁹ Ane yambile ne bayikitsi bândi re, benanu ma mbungu maka nakeme mumbara batu ba tse vioghilile mbili ba kone gnigha ma. ¹⁰ A belusenga batu ba mbili re mu dio babétsi baná bamu ghangenge mubène bélughu. ¹¹ Va manyunyi mabi ma labanga yandi basume makotulu va wusuandi bane yâsenga re: yi nde mwuane Nzambi ¹² A kale yawu re: diya sambe me. ¹³ A make mukongu, ra tsitse batu ba sole yândi re bane yènde va mbarândi ¹⁴ Ane sole dighumi ne babaghele babéyi muwu bile nandi, ne usindeghawu mu yènda ghu lonze. Balughe yawunre Bakime ¹⁵ Ane veghayawu dinyiange diwupunze ma gnugni mamabi. ¹⁶ Dighumi ne baghele babeyi sole yandi rebaba : Simu ulughu Pièrre. ¹⁷ Sake muane Sébédé, Sã mua ne nguyi Sake, wu lughungu balughe rè : "muane nzatsi". ¹⁸ Ne Andere, Fuilipe, Betelémi, Matié, Toma, Sake muane Alfé, Tadé, Simu utsitsungu Sélote, ¹⁹ ne muane wu Side Iscariota wu ghaba yandi. ²⁰ Ba yende ghu ndaghu, batu ba mbili bane ghukeme, remu dio bakusughu ubila ghugha yi. ²¹ Va yulu bakinde bandi nane bane yitse ghu bongèndi bane yambile re: Ande ne misuba ? ²² Barenditsi ba burughu ghu Serusalèma bayambile re: ande ne magnugni mamabi, yandi aka punze magnugni mamabi mu bungudu bu yivunda ghi dému. ²³ Sésu a tsitse yawu botsu ghu yandi Ame yambile yawu kene nongu. Tséngni Sate ane ngudu yi uluana ne Sate? ²⁴ Batu bane tséngi mosi, bagha vaghana ne tséngi yène, ighu ghude. ²⁵ Koke batu ba ndaghu yimosi, bagha vaghana, yawu ne yawu, baghu yaghene basake tsinge. ²⁶ Gha Sate agha bile ne dipasu mu ya bène bufumu buandi busake ghare. ²⁷ Ghandi, ghu sandi mutu uke rungule gningene ghu ghare ndaghu mutu une bungudu, ne uyibe bivave biandi ghu gha mane tungandi marèghe Kere vana ne yibe. ²⁸ Mayambile yénu imuanze re mabi ma batu botsu maghu singu kokolu, nise uvongulu ²⁹ Umuvongu wu dignugni di sungeme disake singe kokolu, te mutu wuèna a ghukobe ghu dibi di mubu ne mubu. ³⁰ Sésu ayèmbile nane, mumbara a yabenga rè: ane dignugni dibuènzi ³¹ Nguandi ne bane ba nguandi, ba kite yandi. Bane sindighe, mutu muyé tsitse yandi. ³² Batu ba mbili ba tsinge yandi bane yambile yawu re : nguaghu ne baghéghi baghu bayi ghu kane baghone bène yu. ³³ Sésu ane yaghule re: guèmi ne baghiéghi bami nde ghi ? ³⁴ Va bémine yandi baba tsinge yandi, ayambile nawu re: beminanu baba re guami ne baghéghi bèmi. ³⁵ Wotsu uke singe mambu ma nzambi, mutu wuèna re muane guami, bule buami ne guami.