¹ Va vioghe mua batsufu, Sésu a ghabugha ghu Capernaüm batu ba yulu tsangu re Sésu amagabughe ghu ndaghu. ² Ba rughe bambangu ne yawu baghukeme va bile yandi. Va bile yawu mbili, ndaghu ibase, ghuse be bile bitsighe, nisi va mure ndaghu. Sésu a lonza yawu musamu u Nzembi. ³ Dikabu di babaghele, ba yitsile Sésu ne dibaghele di yikate, upapu mu yipoyi. ⁴ Ba se rungule u gninguene nandi ghu Sésu, mu nzoku piti yi bile vane, ba nakeme nendi keke ghu yulu ndaghu ne yawu ba tube mune ghu muanze ghu yulu Sésu; ba sundise ikate mu yipoyi ghiandi malambeme va wusu Sésu. ⁵ kere vane Sésu a laba re mutu wuwu a ne ghitu mu ubélughe. A yambile ikate re: “Muanami, mabi maghu matse singulu kokolu. ⁶ Bivunde bi mighaghe mi ba sifu babi vane ma tsaghele. Batasenge. ⁷ Tséngni mutu wuwu a rungule yambile nane? A ne yikali ghi usènge ne Niambi va ghone yambile yandi nane! Nzambi ya pinze re u wune digniange mu burule mabi. ⁸ Sésu ghu ghare matase mandi, a mane ditighe matase motsu ma yambilenge yawu ghu fundu. A tombe yawu re: mughi yenu di ne matase mane? ⁹ Ghio nde ghi ghi ke konde me uvaghe ndeghi? ke mu uvaghere mabi maghu mama singulu kokolu! vore teleme! bonge ipoyi ghiaghu! yendenge. ¹⁰ Me ronde yénu di yabi re muane mutu a ne digniange mu singile batu kokolu mu mabi mawu mu tsiyi. Kere vane a yambile ikate re ¹¹ Teleme bonge ipoyi ghiaghu yènde ghu ndaguaghu. ¹² Ikate a teleme, ne anangule ipoyi ghiandi va misu ma batu bostu. Ba bile yawu botsu ne igniungue, ba yimbilenge nzambi re ne ve yétu disame laba diambu di munongu wuwu. ¹³ Sésu a burughe ghu Kapernaüm, a re yende mutungu mudibe wu Galile, batu ba mbile ba yitse mu laba yendi, ne yandi a lonza yawu mambu ma Nzembi. ¹⁴ Va viogha yendi a labe Levi muane Alfe. A bile matsaghela va itsighe ghika bongu Lépu. Sésu a yembile nandi re: “woke nemi.” A tele nu lande yendi. ¹⁵ Va yulu vana, sésu a yende ghu ndaghu Lévi mu yeyi. Mbili batu bonge mabi, ne babongitsi ba lépu bayi nandi bayikitsi bendi. ¹⁶ Bivunde bi mighaghe mi be sifu, babe ghu dibundu de ba Farisi va labe yawu re Sésu a ghone yi ne bange mabi, ne babongitsi ba lépu, ba ye tombe bayikitsi bandi re: mughi a ghone yi ne unu ne babane mabi ne babongitsi ba lépu ? ¹⁷ Va yulu Sésu ma tombe yawu. A yaghule bivunde bi mighaghe mi ba sifu re: batu bapolu basandi ne nzale mubughitsi nde babaka béli, re babane nzale mubughitsi. Ma se rughe ghu bene babasungeme. Te ma yitse nde mu bene bange mabi. ¹⁸ Mu dikiési diene, ba yikitsi ba Sa-bâptiste ne dikabu di batu badibundu di ba fuarisi ba minenge kughi na ke vèghi yawu ne kale. Ba mosi va ghaneghara wu ba yènde ghu Sésu ne tombe yandi re: bayikitsi ba Sa ne ba fuarisi baka mine kughi. Mughi, bayikitsi baghu base ka mine kughi? ¹⁹ Sésu a yaghule yawu re: Mutu a gha ma yonge mughietu ba mbatsi bandi baka mine kughi gha yi nawa? Dikiesi diotsu dike bi mulumi nawu basake mine kughi. ²⁰ Te mu wisi wu mosi bakeburululu mulumi. Mubatsufu tsiéna baghu mine kughi. Sésu a konde yambile yawu re: ²¹ Ghu sandi mutu uke rungule wulonde irênde ghi tsande yi mone va yulu diséngi; mbe yi mone ighu kake yidisengi, ire ghuase raghe. ²² Mutu ase rungule wu yitile malamu mu batsuve tsi toghe, mbé tsighu bulighe, ne malamu maghu yitighe, ne batsuve tsire tsiémughe. Te buédi nde mu wusunze malamu ma mone mu ba batsuve tsi mone. ²³ Wisi uka loghi ba sifu, Sésu yane bayikitsi bendi, ba nangenge mu banungi tsi baputu. Va yéne yenda yawu bayikitsi ba doke dikabu di baputu. ²⁴ Dikabu di ba fuarisi ba labe bi vaghenge yawu, ba yembile Sésu re: Bemine! Ba me sumune mughièle wu basifu mu diambu di saba mughi ba na vaghe nane? ²⁵ A yaghule yawa ra: “Ne ve yénu vane disame range, mirendu mu diambu di David ne batu bandi bababile nandi va bile yawu ne ndikiesi di bile yawu na nzala? ²⁶ Mu dikiesi dile Abiatar a bile ivunde ghi mupère. David a gninguene ghu ndaghu Nzembi, nu vonde mapè. Ivunde ghl Mupère a veghe yandi mape maghandusu ghu pasi batu véngu ne mipère yawu bêne. Ne David a yi dio, kere vana a vèghe botsu bababile nendi. ²⁷ Sésu a sighi mise yawu re: wisi wuka loghu wu solu nde mu yamune batu. saghe mu uvaghe mambu mka rondi saba. ²⁸ Mu kunze yulusunu, muane mutu re fumu, ne yi saba.