¹ Dirambilanu mu uritsighe batu re: yénu diyi basungame, mulabene mbé yénu disaka dile misènde va mbare tayi yénu yi ghu yulu. ² Vake veghe yu manzolu, yi ya sigha mumbanda na ka vaghi bange déti ghu ndaghu Nzanbi ne ghu mimbambe re bake sighu na batu. Nu wungièndze mayambile yénu re : batse mane dila misènde myawu. ³ Tu yénu diya vagha gha yawu, gha yénu di ghuène veghe mufughe manzolu, batu ba ya yabe. ⁴ Vana ditse vèghe mifughe ghu disuèle. Ve yulu vane, Tayiénu yi ghu yulu yi ghone labénu aghu sakénu. ⁵ Yénu gha dighuéne sambila, diya bile gha bènge déti, mumbara baka rondi, usambile mitèla ghu ndaghu Nzambi ne ghu bapange ba mimbamba, mu labane ne batu. Nu wungiènza ma yambile yénu batse mana dènge misènde miyaghu. ⁶ Te yu, vaka sambile yu, gningena ghu irini ghiaghu, dibighe mune ndaghu sambila Tayiaghu yi ghu mbure yi disuèle, re vana Tayaghu yika labe yu ghu disuèla a ghu sake yu. ⁷ Veka sambila yénu diya funise mabighu magha ne tsongu, naka vaghi ba payi, mumbara bake tasa re masambule mawu maghu singu mugnambulu yi mbili. ⁸ Re mudio, diya baghunu yawu, mumbara Tayénu ase tsimbu banzale tsiénu nisi digha mane tombe yandi tsiò. ⁹ Yénu kaghu sambilanu nane: Tayétu yi ghu yulu, Dina diaghu di ghobusu, ¹⁰ Bufumu buaghu busundi. Ne maka rondi yu uvaghe, ma vaghu ghu mutamba gha naka vaghe yu ghu yulu. ¹¹ Vèghe yétu ne mugni bighuyi bi tsufu tsiotsu. ¹² Singile yétu kokolu mu mabi métu na vaka singili yétu botsu ba baka vaghe yétu mabi. ¹³ Kièle yétu mu dimangu, ne yobule yétu mu mambu motsu ma mabi. ¹⁴ Singilanu kokolu ghu yawu botsu baka vaghi yénu mambu ma mabi, mumbara gha yénu di vaghe nana, Tayénu yi ghu yulu a ghu yobule mabi ménu. ¹⁵ Te gha yénu dighase singile batu kokolu, Tayénu asake singili yénu koke mabi. ¹⁶ Ga yénu di mine kughi, diya bile gha bènge déti baka kalusi ba mbalange baghu ghu yabasana ra : ba ma mine kughi. Ne wungiènze mayambilénu, batse mane dile wawu musènde. ¹⁷ Te yénu, gha di mine kughi, yolanu matsi ghu wusu, tsukanu bambalanga. ¹⁸ Re batu bakére yaba re : itse mine kugi, véngu Tayiaghu yi ghu disuèla. Ne Tayénu, nu la yénu ghu disuèla, a ghu sake yénu. ¹⁹ Diya bène ubile ne bukiti bu ghu tsiyiyi mumbara misoba ne gnange baghu bunge buò, ne bayibitsi ba rungule gningena ghu yibe. ²⁰ Kaghu bènanu bukiti bu ghu yulu, ghu misoba ne gnange basaka rungule bunge, bayibitsi ba sake rungule gningene ghu yiba. ²¹ Mumbara mbure yi bukiti buaghu ri yi ve murime waghu. ²² Disu re ivèle ghi gnuru. Kaghu gha disu di buédi, magnuru motsu make ghu iyalale. ²³ Te disu dina bèla, magnuru motsu maghu bile ghu divisme. ²⁴ Ghu sa mutu urungule usalila bivunde bi béyi mu dikiési dimosi, mumbara a ghu kolu wu mosi ne aghu ghu ronda wuna, vó a ghu ghobisa wumosi, ne aghu lènze wuna. Yénu di sake rungulu usalile Nzambi, ne magni mu dikiési dimosi. ²⁵ Re disina ma ghone yambile yénu, diya tase mu mognu wuénu, mu bika yi yénu, ne bika nu yénu, ne mu magnuru ménu, bika duare yénu. Mènge mognu utse vioghile bighuyi ne magnuru matse vioghile biduari ? ²⁶ Rémbuse bagnogni ba ghu yulu babaka saka vari ne ubuke, basa ne yitala ghi usuèghe bighuyi, Tayénu yi ghu yulu ake yise yawu. Yénu di nde mbu nawá ? ²⁷ Va puasi yénu agni ughu rungula ukonde ba tsufu ne matase ma ghone tase yandi. ²⁸ Mughi di ne mbili matasa mu biduari ? Tassanu naka béndi biriri mu ba nungi, bi saka dianze, bi saka rungi biduari. ²⁹ Te mayambile yénu re: nisi fumu tséngi Salomon ghu ghare bundumbe buandi ase duarengu gha yawu. ³⁰ Nzambi gha aduarisi bisinge bi ghu banungi ne mugni bivave ne mugni ne vave ne guali bine veru ghu mbawu, tseni a saka rungulu disa yenu, batu be ne gitu gi pesu. ³¹ Kagu diya biba ne matasa me uzambila re: dih ka yi nde ghi? Dika nbu nde gi? Di ka duara ndegi. ³² Ba basayabe Nzambe re be be ka beni. Te motsu ma di ka rondi ta yetu a yatu. ³³ Bena nu merege nde Bufumu buendi ne usugema keuvana di ghu ningusulu manbu motsu. ³⁴ Di ya yaba kiera mu unemosi mba si unemosi a ke ne mandi, re wisi ne wisi ka na madi.