¹ Velabe Sésu bapiti bène, anakeme ghu yulu mukongu, nu tsaghale. Bayikitsi bandi bayé mu daghise. ² Ne yandi abande ulondze yawu mabighu mame: ³ Miula ghu yawa babane bufughe mu dignugni, mumbara bufumu buyulu ke bila buawu. ⁴ Miula ghu babane mugniongu, mumbara baghu popusu. ⁵ Miula ghu babasighême, mumbare baghudile mukuagni wuawu re: mutambe. ⁶ Miula ghu yawu babana fu ne nzâle ne yibuile-ghi bumbadze bu sunghighe mambu, mumbare baghu yukure. ⁷ Miule ghu yawu bange dingièbe, mumbara, yawu baghu labu dingièbe. ⁸ . Miula-ghu babane mirime mirèle mumbare baghu labe nzambi. ⁹ Miula ghu babénitsi ba polu, mumbare baghu tsitsungu re: bane ba Nzambi. ¹⁰ . Miula ghu yawu babana kolu mu yimuadze, mumbare bufumu bu yulu bukebila re buawu. ¹¹ Miula ghu yénu; gha batu bana sēnge yénu, ne wu tsundise yénu, vo wufurighile yénu mambu ma minongu minongu mu dine-diâmi. ¹² . Labanu ugni, ne bilanu ne ignunge, mumbare musènde wénu ghu yulu, wuke bile wumunēne. Mumbara, nane, re na ritsughungu bayikitsi babila Ve kale magnugni ne batu. ¹³ Nave kiébu mu bighuyi; re na ve ronde Nzambi ghu manénu dibundu, mure dibili ghu batu ba boulongu; the, gha kiébu yime tsiémuse wugni wandi; Yo isake bébile ne tsongu, vengu keke wuvère yo mutsi mure ike tsarungu ne batu. ¹⁴ . Na veka vaghi yivèle ghu batu, ghu diviseme, nana re nake bilengue yénu ghu ghane ghare bulongue. Dimbu dirungu ghu yulu mukongu, dise rungule suème. ¹⁵ Munongu wu mosi, batu ba rungule bange lêmbi, ne wu ghudighe yo ghu tsi mulumbua? Baghu tsighise yo nde ve yulu yikobughulu, mure ivèle ghike dughulu, ne wu tsombuse botsu baba ghu ndaghu. ¹⁶ Munongu umosi; yivèle ghiénu ghi tsombusi ghu wusi batu, mure bake labe magni ménu, ne mure bake ghobise Teyénu yi ghu yulu. ¹⁷ Diya tase re matsitse ghu burule mighièle, ne babighitsi; ma se rughe mu burule bine biotsu, te nde mu ukundze sué́kighe mambu mène. ¹⁸ Nungièdze mayambile yénu re: vaki yulu ne tsi vave yi gha vioghe, ghu sake bile gniuku nisi ma dibighu dipésu dighu burulu mu mighièle kuanga ne vake supughu mambu motsu. ¹⁹ Re dibandu, wuke sumune mughièle, nisi maghudèke, ne wuke lonze ba mbatsi mu vaghe munongu umosi, aghu bile mutu wudèke pèpe ghu bufumu bu yulu. Te wotsu wuke vaghe, ne wu londze bambatsi na ghone vaghe yandi, aghu bile mutu wu muène ghu bufumu bu yulu. ²⁰ Ma sighimise yénu re, mabaghèle ménu gha masa vioghilile ma ba Scribe, ne ba Fuarisi, yénu disake rungule dile bufumu bu yulu. ²¹ Yénu diyulu na yambululungu ba babile mu dikiési dikala. Re: iya boke mutu, ne wotsu wuke boke mbatsi, baghu mu télighe va wusu mighaghe. ²² Te me ma yambile yénu re: wotsu wuke labe mbatsi kabu, akusughu télughu ve wusu mighaghe. Ne wuke yambile ne muane nguyi re: yisane tsongu, mbé aghu tsighusu va wusu fundu yi bivovi bibinène, ne wuke yambile re: Ivasi! mbé a ghu véru ghu mbawu yighatsi. ²³ Munongu umosi, yire baghe yivèle, mu vèghe manzolu ghu ndaghu Nzambi vane ne vane, ire bangule re: muane nguaghu a ne diambu, ne kabu naghu, ²⁴ Sise dilaghu diène ve wusu ndaghu Nzambi, ne yènda ghu ghabuse kokolu ghu muane têyaghu! kérevana rughe ghu vèghe dilaghu diène. ²⁵ Kundze sunguighe mambu yine wuyi ka nuani, vake bile yu mu nzile, muyende ghu mutsundu, mure akére suékighe yu va wusu babaka tabuli mambu, mure wu yika nuani akére sundze yu mu mioghe mi ivovi, ne ivovi aghu funde yu ghu mululu bukile, ne, bane vère yu ghu tsughu. ²⁶ Yabe re: yi gha yiéndzu ghu tsughu, isake vatusu, mumbare isake bé rungule vavane biotsu bina, na tabule ivovi. Buédi mubila ne polu ne bane ba nguaghu. ²⁷ Yénu di yulu bayiambile re: diya ghangu bukali. ²⁸ Tè mayambile yénu re: wotsu wuke monighe mughiétu ne mu tingu, vamisu ma Nzambi atse mane vaghe bukali nandi mu matase mabétsi nandi ghu murime wandi. ²⁹ Ne gha disu diâghu dimabaghēle dima baghe yu mu Nzile dibi, lobule dio, ne vère dio vale naghu, mumbare manguile nisi nde ilême ghi mosi ghi tsulu, nuvéru, kérevana nusalen ne gnuru yotsu yi gha véru ghu itsighe ghi maghughe. ³⁰ Ne gha dikake diâghu dimabaghele dire baghile yu dibi, tabule dio, ne vère dio vale naghu, mumbare buédi nde ilême ghiaghu ghi mosi ghi bungeni, ghu yitsighe ghi maghughe, mure gnuruaghu yotsu yike yobughe. ³¹ Diténdu re: wotsu wuke pundze mughatsiândi, a muveghe mughande wuke londzi re: yimu pudze yandi. ³² Te, ma yambile yénu re: wotsu wuke boke dionge ne mughatsiândi, véngu mu butsuari, vengon aghu koduse mughiétu wune ngo tsande. ^{35 33} Yienu di bo yulu na yiambulu lu gu mu bakaghe le'tu re yighama kinde mu dine di fumu, buédi il vaghe diambu diène. ³⁴ Nisi nane, diambu dibuédi nde wu sise kinde mu dine di yulu, mumbare ghune re ghu bufumu bu Nzambi. Nisi mu dimbe mubambu mu tsi mumbare wuo nde pandeme ghu tsi bioru bi Nzambi. Nisi mu bule mu dine di Jérusalem mumbare dine nde divule di fumu yiyinène. ³⁶ Koke yia kinde mu dine dit muru waghu nu wu yiambilere, "difabule me muru gha yi yiabe re yisake bene tabule muru wu yibène. Mumba yenu di sake rungule vidze dibake di banangue. ³⁷ Vake yambilengue yu, buédi motsu make pusengue yu ma bili ma sungueme è̀ è vo é é. Motsu make bé sundze va yulu vane mane keke ma mukolitsi sate. ³⁸ Yenu diyulu na tèndu rè: Disu mu disu, dinu mu dinu. ³⁹ Te me ma yambile yènu mere. Diya va dipambi di ghaghene ne mutu wu mubi. Gha sa bile mane, wotsu wuke ghamune yu mbakule mu dibughe de mabaghele mu vèghi ne di mu mboghu. ⁴⁰ Ne gha mutu agha bene mu tsundise yu mu bene bongue kape-nziyi yiaghu. Si sise abongui ne kafe nziyi aghu. ⁴¹ Ne gha tombe yu mu va tosini mosi nandi, vaghe nandi tosinin beyi. ⁴² Veghe ghu muetu wuke tombe yu. Yia buse veghe tsombi ghu mutu wu na bene sombe naghu. ⁴³ Yienu di yulu na yambulu re: Ronde muane tayiaghu ne kole wu ne ibène naghu. ⁴⁴ Te me ma yiombile yiénu re: Bile anu ne dironde ghu bi yani bienu. Ne sambileuguanu mu gnuiru bongue wu tsundise yénu. ⁴⁵ Nane dighu kalughe bane ba tayienu wu ghu Nzambi Pungu. Mumbare aka ghisi wui ghu bababi ne ghu baba yiélimine; ne aka noghise fule ghu baba sungueme ne babane ikombe. ⁴⁶ Vinguere, yi gha bile ne inongu ke ne baba ka yiéngui naghu, isaku ghike dengue yu nde ghi mu va nane. Nisi bayiakitsi ba lépu baka veghine nane. Buédi dire vioghi lile yiawu mu va mambu méne. ⁴⁷ Ne yienu digha rembusengue que bane ba nguénu, diambu dinguedze vane dinde vagni? Nisi ba paieus baka vaghi mambu méne. ⁴⁸ Buèdi mu bile ne sèlèlè, nane re na tayiétu yi ghu lu ake ne sélelé.