¹ Sésu a baghu ne dignugni ghu ighangi ghu yé mangu ne diabre. ² A mine kughi mu maghumi mamane ma tsufu, ne maghumi mamane ma mabati, va wusu vana a ghangu ne nzale. ³ Sate a ne ghoghule va mbarandi ne mu yambile re: Gha newu ngiènze yi muane Nzambi, yambile ne mamagni mama makalughi mapè. ⁴ Sésu ane yambile re : "ghu sandi, me sake vaghe mumbare Nzambi ayambile ghu ghare mirèndu re: "Mutu a sake bile mognu ke mu uyi mapè, nde ne mabighu motsu maka puli ghu mune wu Nzambi." ⁵ Vana diabera a yènde nandi ghu Sérusaléme, dimbu di buédi, ne mu sunze ghu muanze wu ndaghu Nzambi, ⁶ ne mu yambile re: Gha ne wungiènze yi muane Nzambi, vèle isake duku mumbara, di réndu re: 'A ghu rume bianze biandi, mu ukièle yu, ba ghu nangule yu, bare ghuarise yu mu makake mawu mure isâ ghube dibaku mu dimagni. ⁷ Sèsu a mu yaghule re: Ma tse buse! Ma sake vèle, mumbare koke, ghu tèndu re: "Isa ke mange Fumu Nzambiaghu. Koke, ⁸ Diabere ne wu yènde nandi ghugha yulu mukongu, ne mu ritseghe bufumu buotsu bu bulongu ne buvuandi buawu:" ⁹ Are mu yambile re: "Maghu vèghe yu biotsu bine, yi gha sumilema makotulu newu lènde me" ¹⁰ Ghandi Sésu ane mu yambile re: "yènde, sate! mumbara di rèndu re: "yi ghobise Fumu Nzambianghu. Yi salilenge ke yandi pinze. ¹¹ Revana, diabere a sise yandi, kere vana bianze bire ghoghule, ne bio bine salile yandi. ¹² Dikiési di bile Sésu ghu muséngi wu sudé, bayikitsi ba Sā Batiste bayitse yambile Sésu re : Fumu Irode ama gningise Sā ghu tsaghu. Re vana, Sésu a ghabughu ghu Nasareth, ghu tséngi yi Galile. ¹³ Are burughe Nasareth ne wu yènde ghu tsaghele ghu dimbu di kapernaüm. Capernaüm a nde ghu mbare mubu wu Galilé ghu tséngi yi Ibandu ghi Sabulon, ne NaFtali. ¹⁴ Mama ma pula mu re biotsu bi lonze mubighi Isaï bike labene. ¹⁵ Muréghi wu Sabulon ne muréghi wu Neftali. Nzile yi mubu ghu vale ne Surda, Galilé tséngi yi bapayi ¹⁶ Batu babi batsaghele ghu ghare divisme bare labe ivèle ghighi nène, ne ghu babe bile matsaghele mu muséngi ne ghu posi yi difu, ivèle ghire pule. ¹⁷ Bande va dighuère dina, Sésu va bile yandi ghu Capernaüm a bande wu lonze re Kalughanu sisanu mabi ménu mumbara bufumu bu yulu bu koke bèbele ¹⁸ Va yène yènda yèndi mu tungu mubu wu Galilé, a labe bane banguyi babéyi. Simu pière ne Anderé muane nguandi, ba yala disinge ghu mubu, mumbare yawu balobitsi. ¹⁹ Sésu a yambile yawu re: "Binganu me, maghu vaghe yénu balo bisi ba batu. ²⁰ Koke bane sise masinge mawu, bare bingandi. ²¹ Va yéne ghoghulu yandi, ane be labe bane benguyi babéyi ba mosi, Sake muane wu Sébédé, ne Sã muane nguandi, ba bile mu mbungu yawu ne Sébédé tayiawu be Londenge masinge, are tsitse yawu. ²² Re ba sise tayiawu ne mbungu, yawu koke bane Lande yandi. ²³ Sésu a yènde mu tséngui yotsu yi Galilé yane batu babane, ba lonza batu mu mabundu, ne wutsamuna musamu wu Fumu, babélusange ba bétsi ne bikata bi bile ghune. ²⁴ Udumusu wandi wu dughulu Siri yotsu, re babéghila yandi baba bêlenge, baba base ne misongu mi mosi, babe base ne badému, bikate, tsighe, Sésu a béluse botsu. ²⁵ Piti yi mbili, yi bingenge yandi musingi Galilé, ghu Dékapole, bisi Sérusalem ne bisi Sudé ne babe tsélu yi Surda.