¹ Va ne bile Sésu kike ghu dimbu di Nazareth. Sā wu tsitsungu re mubatisi a yende ghu ighangi ghi muséngi wu sude. A lonzenge batu baba rughenga vave ne. ² A se loghe ne uyambile re: Sisanu mabi, mumbara mzambi a ghu ritsighe yénu re yandi re fumu, ne aghu tsimbu yénu dighase sise vaghe mabi. ³ Va bande Sā ulonze, vavene mabighu matende Isaï mubighitsi ma yélémine re: “Di yulu dufi di mutu ghu ighangi dibuamughu ghu botsu re: Kunzanu nzile yike yake yénu fumu va ke rughe yandi!” Ghukighanu biva biotsu mu muitsu wandi!. ⁴ Sā a duare kape ghine mignogui mi samu ghana ghibile ne mubighitsi Ili, A duarengue mutsighi wu ibande mu dilungu. Bighuyi biandi bile ke mabange ne dibendu di daghisenge yandi ghu ighangui. ⁵ Baba tsaghelegue ghu dimbu di Sérusaglem, ne mbili babe tsaghelenge ghu sude, ne ba mosi ba mbili ba tsaghelenge ghu tungu muabe wu surde, ba yitse yulungu musamu wu sã. ⁶ Va yulu yawu wo, ba yabe re di wu tube mabi mawu.Ne a yabe re di wu batise yawu mu muabe wu surd. ⁷ Sã a labe nzoku bafrisi ne be sadusi ba rughe ghu yitse batusu. A yambile yawu re: “Itsuku ghi bagnoghe bane mianguele! utse rimbule yénu mu rine kabu nzawbi ika rughi nde ngni? Di ya tase re yénu dighu rungughu mu rine. ⁸ Gha yénu digha sise mambu ma mabi ne wu nguiènze, kaghu ritsighanu milunde mingiēnze mina bure yénu ⁹ Mbéke mase tsimbu re Nzambi a vaghe re a sake libene diburu di Abaram. Ghandi di ya tase yénu bène re va yénu diburu di Abaram, Nzambi a sake kilise yénu nise yénu di bétsi ne mambu ma buanzi. Sa nane! Ane ngudu yi wukaluse diburu di Abaram ne mamagni mame. ¹⁰ Nzambi a sake tsige ne we kilise yénu, time gha mutu wu gho bande tabule mikange mi muiri wu gha bure. A ghu tabule miri miène ane yoke ghu mbawu. ¹¹ Mu ma, ma ghone, batise yénu ke ne mambe pinze. Me ka batisi ke gha batu bame sise mabi mawu. Te mutu wu ne bungudu bu uvaghe bi muile a sake tsingue ne wu tsombughu. Atse vioghilileme, ma sandi nise ne ngudu yi gnagnule matambi mandi, ne uduare mò. A ghu batise yénu ke ne Dignungni di Sungeme ne mbawu. ¹² Ane isagnulu ghiandi ve dikake bèle nu wu sole mubi wu buédi ne ipupeti. Akoke bèbele ne wu burule ipupeti, ne wu kièle mubi wu buédi. A ghu baghe mubi wu gnève ghu ndaghu na ka vaghi muvaritsi, ne wu sunze mi buédi va itale ke ne uyoke baba bive nake yoku bipupiti ghu mbawu isaka tsime. A ghu yoke benge bukagni, gha na ka yoku dikunze ghu mbawu yi gha tsime. ¹³ Dikiési diéne, Sésu aburughu ghu Galilé ne ghu Surde ghu Sã, mu ubatusu nandi. ¹⁴ Va Sésu a tombe Sā yare batise ma, Sā ase singe, ne muyawbile yandi re, yire wu batise me! Yu yisa ne mabi ake yi mitse labe me nde mughi? ¹⁵ Kerre Sésu a mu ayaghule re : Batise me, mumbara dighu vaghenge ma naghu botsu babéyi ma sungeme na ronde Fumu. Vana Sā a singe mu mubatise. ¹⁶ Va yulu vana, Sésu ane pule kèke ghu ghare mambe. Va wusu vane yulu yiotsu yire tsibughe mu yandi. A labe re Dignungni di Nzambi dighulumugha gha dibémbi. ¹⁷ Re vana Nzambi a yambile ghu ghare yulu re: “Ya re muanami wu dironde ma sunze ghitu re mu yandi.