¹ Sésu a buru gu dimbu di Béthlëm, tsélu yi Sudé, mu dikiési dibila fumu Hirode va dinyianga. DiKiési Pésu divioga, va yulu diburu di Sésu, dikabu dibatu babatsaghela ghu tsélu yi lest, babayikenge bagnètse, barughe ghu dimbu di Sérusalëm. ² ba tombe batu re; wu tse buru, uke bila fumu ba Sifu a nde gunyi? Yétu ditse laba dignètse ghu tsélu yi lest di lounsa yétu re: amaburu, na yétu dimaruga ghu wughobise yandi. ³ Va yule fumu Hirode tsangu, abasulu ne kabu, na batu botsu ba Sérusalëm. ⁴ Hirode a gukighe ba nguze ba bavégitsi ba malagu, na atombe yawu re: Christi aka buru nde ghugni, na ve yambile babighitsi?. ⁵ Bayagula yandi re: gu dimbu di Béthlëm gu Sudé, na va yambila mubigitsi Miché. ⁶ Ne Yu! Béthlëm, mutambe wu Suda, yinde dimbu di duma, mumbara gu mbugagu mutu umosi wughu bile yivunde. ⁷ Kérvana Hirode atsitse gu disuèle batu bababèna tsi ba bagnètse mugnigugulu di Kiési dilaba yawu dignètse. ⁸ Kére a ne yambile yawu re: yendanu gu Béthlëm mu yélabe mbure yi muane. Vake laba yénu yandi, ruganu gu yambile me, mure, ne ma maka yenda mughobisa yandi. ⁹ Kérevane batu bayenda gu dimbu di Béthlëm. Kérevane, balabe yimuile. Dignètse diyènda ghu mawusu mawu, kuanga ne va yitsighe ghi bila muane. ¹⁰ Va laba yawu dignètse, balabe yignunge gi ghinèna. ¹¹ Badèghise ndghu, Bagningene, ne balabe muane, ne nguandi Meri. Ba sume maghonungu, ne bagitsa yândi, ne batsi bule mutu-mutu dimanyi di badole ne ba sake muane. Nu vèghe yandi bivave binatsongu (L'or, l'ensens, la myrrhe). ¹² Kéravane nzambi alubuse yawu gare ndosi re: diya gabughe ghu Hirode. Vana, ba bonga nzila yi tsusu mu gabuga gu tséngiâwu. ¹³ Va gabuge yawu, gianze gi Nzambi gi sundigile SuséFu gu ndosi, ne ayambile yândi re: Telema, bonga muane ne Nguandi, Rinanu gu tsengi yi Isypyte mu mbare Hirode ake sindige baghole bândi mu ronde boke muane. ¹⁴ Ne dibati dièna, Suséfu a rambuga, abonga muane, ne nguandi, ne bayenda ghu Isypyte. ¹⁵ ba tsagale gune kuanga ne vefu ivunde ghi tséngi Hirode. Kérevana, baburugu gu Isypyte. Mambu mena ma labane mu supule ma bigu ma yambila mubigitsi wu zambi Osé re: "matse tsitse muanami mu pule gu Isypyte. ¹⁶ Hirode ne ghi wunéfu, a bangule re batu bandi, batse dungimise yandi, kérevane abonge kabu yi yinena mumbara a tase re Sésu ake gu Béthlëm. Hirode asin dige bagole bandi mu yenda boke bane botsu; bande marèghe, ne ghu bilime bibéyi. Hirode a yétsiga ngu ne bilima bi Sésu, ne va yuluândi, ne bayikitsi baba landa digniètse dimarèghe di laba yawu. ¹⁷ Va vagha Hirode mambu mèna, re di supughulu di mambu ma rendu kale ne mubigitis Sérémi ghu Béthlëm dimbu di Rama re: ¹⁸ Baghiétu gu Rama ba bilenga ne mindunga. Rachel, yivunde ghi baghiétu bèna, alilenge mbili, mumbara bândi bafu. Batu bavure rumbise yandi, te ase rumbenga! mumbara bane bândi botsu bafu. ²⁰ Va Fu Hirode, Suséfu na yitsuku giandi babilenge kike ghu Isypyte. Gianze gi Nzambi ghi rugile Suséfu ghu ndosi ghu Isypyte. ¹⁹ A yambile yândi re: têleme! bonga muana ne nguandi gabuganu muyétsaghele ghu tséngi yi Israël, mumbara botsu babatse bèna mu wu boke muane, batse vu nufu. ²¹ Suséfu a têlema, nubonge muane ne nguandi, ba gabugha ghu tsingi yi Israël. ²² Te, ve yulu yandi re: Archélaüs a kitigile tayândi Hirode va yitsighe ghi bufumu gu musengi wu Sudé, alaba woma muyenda gune. Adore ghu ndosi; marumu ma Fumu. Suséfu, Meri, ne muane ba yenda ghu tsélu yi Galile. ²³ Bayènde ghu dimbu di Nasarèth, mu yé pāke ghune. Mambu mèna malabene, musupulila mambu mayambile mubighitsi re: " Ayi muisi Nasarêth".