¹ Issangumu ghi dibure di Sésu Christi, muane wu fumu tséngi David, ne muane wu Abraham. ² Abraham bile re tayi yiyi Isac, Isaca re teyi yi Sacobe, Sacoba re teyi yi Suda ne bane banguendi. ³ Suda bile re tayi yi Farèse ne Sara nguawu re Thamar. Farèse bia teyi yi Esrome. Esroma bia tayi yi Arame. ⁴ Arame bile re tayi yi Aminadab. Abinadaba re tayi yi Naason. Naason re teyi yi Salmon. ⁵ Salmon ne mughatsiandi Rahab, mughiétu wuse bile wu Israel, abi kinde yi Boase. Boasa retayi yi Obèd. nguyi Obed re Ruth, mughiétu umosi wuse bile Israelite. Obeda a bia teyi yi Sesé. ⁶ Sesé biare tayi yi fumu tséngi David. David re tayi yi Salmon. Nguyi Salmon re mughatsi wu biange wu Urie. ⁷ Salomon bia re tayi yi Roboam. Roboama bile re tayi yi Abia. Abia re tayi Asa. ⁸ Asa re tayi yi Sosafa. Sosafa bi re tayi Soram. Sorama re bile kaghe yiyinena yi Osias. ⁹ Osias abure Soatham. Soathama re bia tayi Akase. Akasa bile re tayi Esékias. ¹⁰ Esékiasa bia re tayi yi Manasé. Manasé tayi Amon. Amon tayi Sosias. ¹¹ Sosiasa bile re kaghe yi Sékonis yane bane baguendi. Babile va dikiési dibaghole tséngi ba Babylone ba bonge itsuku ghi Israel ghu buvighe ghu tsengi yi babylone. Vavena bile re buvighe. ¹² Va vioghe buvighé ghu Babylona, Sékonias bile re tayi yi Salathiel. Salathiela re tayi Sorobabel, ¹³ Sorobabela tayi yi Abiude. Abiudé re tayi yi Eliakim. Eliakima re tayi yi Asor. ¹⁴ Asora bia re tayi Sadok, Sadoka re tayi Achime, Achima re tayi Eliude, ¹⁵ Eliuda ane bure Eliesar. Eliesara u uwubure Mathan. Mathan nu uwubure Sacob. ¹⁶ Sacoba nu uwubure Sosef. Sosefa Bilenge mulumi wu Marie ne Marie re ubure Sésu. Sésu rewuke tsitsu re : Christi. ¹⁷ Matandighe yinzime ghi Sésu nane: dighumi ne bibine ghughare yawu bande Abraham kuanga ne ghu fumu tséngi David. Ghu bile dighumi ne bibine va dikiesi di David kuanga neve baghu yitsuku ghi Israel ghu buvighe ghu tséngi yi Babylon ne vabile koke dighumi ne bibine ghi yinzime ghièna bande dikiési dièna kuanga nave buru Christi. ¹⁸ Yuluanu naréghili vioghe mambu Sésu Christi ne ghi nène buru. Mari nguyi yi Sésu amane solu ne Sosefe mu wubile mughatsiandi, Sosefa vagha nane pute yawu tangi, alabe re Mari aghange dimi ne bungudu bu Dignugni Disungema. ¹⁹ Sosefe wu songe Marié aghobisanga mighandu mi Nzambi. Reve tunge yandi re asake bayonge yandi. Re ase ronde vèghe ya tsogni va misu mabatu. Abène uburughu nandi ghudisuèle. ²⁰ Vabena ya masughé mawu burughu nandi, Ghianze ghi Fumu Nzambi ghi rugha ghu ndosi ne yambile re: Sosefe muanu wu David, yi yala wome mu wuyonge Mari, mumbare mwane unandi wuwuna utse gningena mu bungudu bu Dignugni Disungema. ²¹ Aghu bure muane dibaghala, Dighu tsitse yandi Sésu, mumbara re yandi ughu kobulu yitsuku ghiandi mumabi mawu. ²² Motsu mana madugha mumbare re mambu ma Nzambi ayembile ne mubighitsi wendi Isaï mu wutènde kala re: ²³ Tsibulanu maru ménu, mwuane mughiétu usa mayabe babaghale ughu ghange dimi nu uburu muane wudibaghala. Baghu tsitse yandi re Imanuel, divindughu di dine dièna ra: Nzambi ayi nétu. ²⁴ Joseph arambughu ghiolu ghi bia yendi, Re ane lènze uvaghe na yambulu yandi ne ghianze ghi Fumu. Atsaghale ne Marie gha mughatsiandi. ²⁵ Te ase lame nandi gha mughatsi ne mulumi ngu ne va bure yandi muane wène. Re ane vèghe ya dine di Sésu.