¹ Diyia sosise dikere sosusu. ² Mumbara ba ghu vinde sosise yénu mu sosise una sosise yénu bambatsi; Ne mududu wu na bonge yenu mu pisa rewo uke pise ne yénu, ³ Ne mughi yi ghone monighe irini ghi dikunze ghighu ghare disu di mwane tayi, te ise ghone labe ibosu ghighu ghare diaghu disu. ⁴ Tségni irungule yambila mwane tayi re, sise maburuli dikunze dighu ghare disu diaghu, va yu ne ibosu ghu diaghu disu? ⁵ Divedi ! ine burule ibosu ghi ghu ghare disu diaghu kere vana yi ghu labe yivele muburule dikunze dighu disu dimuane taya. ⁶ Diya veghe bignieve ghu bamonde. Diya vere misange mienu va wusu bangulu mure bakere tsare misange miene, basa ghabughu ghu yenu mu kaghe yenu. ⁷ Vondanu ba ghu veghe yenu, benanu dighu daghise, dumanu baghu dibulile yenu. ⁸ Mutu wuotsu uke vonda aghu veghu, ne mutu uke bena aghu daghise, ne koke uke duma, aghu tsibulu. ⁹ Ndegni va puase yenu gha mwanandi ane vonde yandi dipe ane muveghe dimagni? ¹⁰ Vo agha vonde ibere aghu veghe yendi gniogha? ¹¹ Avane, nisi na labunu yenu bababive, diyatsi uveghe bivave bi buedi ghu bane benu, Tsegni teyienu yighu yulu aghu rungulu konde uveghe yenu bivave bi buedi bi yenu dika mu vondi? ¹² Kaghu, vaghilanu bambatsi motsu mayenu dikarondi re bavaghile muyenu, Mumbara mamene remaka lonze ghu ghare mughande wu mighaghe ne mi Babighitsi. ¹³ Gningenanu ghu ghiabutsu ghi suele, mumbara ghine sanzele re nzile yiroghe yika baghi ghuka bungunu, mbili baka vioghe re muyo. ¹⁴ Ghi mbaghe re ghiabutsu, ne ghisuele re nzile yika beghi ghu mognu, Ne ke dikabu dipesu dike lande nzilene. ¹⁵ Rambilanu babighitsi bawufure, baba na rughile yénu, ne bidimu bisusu gha babatabe te kaghu yawu nde bimbungu bika yi yawu. ¹⁶ Yenu diyabe yawu mumilunde miawu. Bagninge baka doku mu muiri wu batsenda, vo ilili ghi ka doku ghu muiri ususua? ¹⁷ Re mudio, miri miotsu mimigni mika buri mibi mimigni, te mibiva mika buri ke mimibi. ¹⁸ Ghu sa muiri ubuedi uka buri milunde mi bole, rena muiri ubola usaka buri milunda mimigni. ¹⁹ Miri miotsu misaka buru milunde mibuedi mighu ghangu ne uveru ghu ghare mbawu. ²⁰ Remunane, Yabanu re: baghu yabu remumilunde miawu. ²¹ Sa botsu babaka tsitsima re : Fumu, Fumu, baghu gningene ghu buyumunu buyulu, vengu babaka vaghe dirode di Tayi yi ghu yulu. ²² Mbili batu wuisi wuen baghu yambilenge re: Fumu, Fumu, yetu dise bighenge mu ndughaghua, upunze gniugni mabive ne vaghe mbili mambu ma bimuile mu ndughaghua? ²³ Van maghu yambile yawu imuanze re : mase yabe yenu, burughuanu va mbaremi, yenu bonge uvaghe mambu mabive. ²⁴ Re mudio wuotsu uke yulu mambu mami nu uku kiele mo aghubile gha mutu une buyedi, wu runge ndaghuandi va yulu dimagni. ²⁵ Fule yire noghe, gnidu yire base, mukunge ure ghubeghene mundughuene, te neyo isi panzighe, mumbari yo yi rungu va yulu dimagni. ²⁶ Mutu wotsu uka yulu mabighu mami, ne ubuse kiele mo aghu bile gha mutu wune misube urunge ndaghu va yulu museghi. ²⁷ Fule yire noghe, ghure bile gnidu, divughe nu ughubeghene ne yo nupanzighe yotsu. ²⁸ Va Sésu amane yambile mambu mandi, piti yi vure ghibame mu ilonzitsi ghiandi. ²⁹ Mumbare yandi alonzenge yawu ne ngundu yi gienze gha mutu uyatsi supule mo ne saghe gha barenditsi.