1 Va mana sesu misambu, ayambila balanditsi bandi re : 2 « yenu di yatsi re gu masala tsufu ka beyi mu vaga paka, na muana mutu agu gabu mu boku » 3 Vana, bivunda bi bavegitsi ba malagu na bivunda bi batu botsu ba bengunu gu dikanga di Caiphe. 4 Ba tunga fundu mu uganga sesu na ubokândi. 5 Ba yambila re : « sa buedi mu boka yandi wisi wu diyayi mure batu bak ore cambuga ». 6 Sesu a bila gu Bethanie gu ndagu yi Simon nga makiedi. 7 A bilenga va taburu na mugietu umosi a ruga va mbarandi na yipunga gi muyombu umunema, a yitila yandi wo gu yulu muru. 8 Va laba balanditsi nana, ba gangu na kabu na ba yambile re : dina di bunga tsongu nda gi ? 9 Muyombu wuna mbe ba tse sumbisa wo difunu di wiri mu vega masandi ba dola tsiena. 10 Sesu a yabanga matasa mawu na a yambile yawu re : mugi yenu di na vega mugietu wuna mbela ? atse vaga diambu didinyi gu ma. 11 Masandi ma gu bilanga makiesi motsu va mbarenu, te sa ma. 12 Wu yita / wu tse yitila yandi muyombu mu nyuruandi atsa vage mure gnuru ikore bola. 13 Nungienza ma yambila yenu musamu wumunyi wuna ugu lonzugu bulongu buotsu. Ba gu nyigulanga diambu di tse vaga mugietu wuna mu ubangulanga na yandi. 14 Mulanditsi umosi va gana gara ba digumi na ba beyi, Judas Iscariot, a yenda gu mbuga bivunda bi bavegitsi ba malagu. 15 Na ayambila re : yenu di gu vega ma nde ghi mura maka sumbisa/vega yenu yandi ? ba pise magumi ma reru ma bafura mu vega yandi. 16 Vana na vana a banda bena disuga/mavitu mu gaba yandi gu yawu. 17 Wisi umarega wu ma pè ma ga na bisula/guiba, balanditsi ba sesu ba gogula va mbarandi na uyambila re : yi ronda re balambili yu ilambu ghi paka nde gunyi ? 18 A yagula re :yendanu gu mbuga simbi na bukayi na yambilanu yandi re mulondzi yare diguere diami di koka bebela, ma ronda uyi paka (ma) na balanditsi bami gu mbuga gu. 19 Balanditsi ba vaga na va sesu aruma yawu, ba lamba ilambu ghi pake 20 Va yenda wisi, atsagala va taburu, yandi na digumi na ba beyi balanditsi bandi. 21 Va yangaga yawu, a yambila re : nungienza ma yambila yenu re mutu umosi va ganagarenu a gu gabe ma. 22 Ba laba paga yimbili na mutu mutu a banda mu tomba : nde ma, Fumu ? 23 A yagula re : u tse sunze dikaka diandi nami gu ilambu re wu ka gaba ma. 24 Muana mutu a gu yenda na va rendu dio mu yandi. Te maguga gu mutu uka gaba yandi. Mbe buedi kere mutu wuena a ya buru. 25 Judas urondenga ugaba yandi ayambila yandi re : nde ma, Fumu ? Ayagule yandi re : itse yambila ka ibene. 26 Va na yanganga yawu, sesu a bonga di pè, a sunze miule mu dio na a tabula/giesumune dio. A vega/gabila dio gu balanditsi bandi a yambila yawu re : bonganu, yanganu, yiyine re nyuruami. 27 A bonga yi bungu, a gabusa digni na a vega yawu yare : nuanganu yo, yenu botsu. 28 Mumbara mane/mama ra malungu mami ma inongu ghi mone, mo mayitulu mu uburula mabi. 29 Te ma yambila yen ure ma saka be nu mamba ma bavigne/milunde mi bavigne kuanga na va wisi uka be gabuguila ma unu nenu gu bufumu bu tate. 30 Va mana yawu uyimba, ba yenda gu mukongu wu olivier. 31 Sesu a yambila yawu re : ma gu bila gu yenu botsu na tsisiga yiyi di suga di uvavisa/ulagisa yenu na va tendu dio. 32 Ma gu dimbe mukielitsi ubataba na diganda di bindomba di gu panzigue. Te va yulu urambuga wuami gu difu, ma gu regile yenu gu Galilée. 33 Pierre a kulila yandi re : va bana botsu baka sisa yu, ama, masake sisi yu nisi pesu. 34 Sesu a yambila yandi re : nungienza ma yambila yu, na dibati didi, koku na ghi nekore, yi gu runa ma maruna mareru. 35 Pierre a yambila yandi re : nisi difu di tse rugila ma vava nagu, ma saka runa yu. Balanditsi botsu na yawu ba yambila ke munongu umosi. 36 Vana, sesu a yenda nawu gu Gethsemanie na a yambila balanditsi band ire : tsagalanu vava dikiesi di ka ne kungama ma gu yenda sambila. 37 A bonga Pierre na bane babeyi ba Zebedé. A banda yulu mugnongu na mangogu. 38 A yambila yawu re : murima wami uka na rungile (mugnongu) ngu na va difu. Bilanu vava mu moga nami. 39 Ayenda va divigu na a guduma va tsi na a sambila re : Tate ga yi ronda burula ibungu gina va mbarami konana sa gha dironda diami, te nde dironda diaghu di bili. 40 Abe ruga gu ba landitsi bandi na adessa yawu biolu, ayambila Pierre re : yenu disa rugula umoga nami nisi diguera dimosi ? 41 Moganu na sambilanu dikore laga gu dimangu, dinyunyi dika diguara (uyelimina, ngu) te musonyi uka udeda. 42 A be konda sisa di mubeyi balanditsi bandi na a sambila re : ibungu guigui ga gui sa rungula buruga va mbarami gu ga numa gio, dironda diagu di bili. 43 A be konda gabuga gu yawu na a desa yawu biolu mumbara misu mawu ma tsira na ukoka. 44 A be konda sisa yawu disisa di mona di mureru. A ye sambila na mabigu ka monamo. 45 Sesu a gabuga gu balanditsi bandi na a yambila yawu re : ma laba ka paga mumbara yenu di biolu. Laba digwère di ke gabu muana mutu mu makaka ma bonga mabi dikoke bebele. 46 Telemanu,wokanu uka gaba ma a na gogula. 47 Dikiesi di yambilenga yandi, Judas, mulanditsi umosi va ganagara ba digumi na ba beyi atsombuga.Piti yiyinena yi batu baburugunga gu mbura yivunda gi ba yokitsi ba malagu na binunu bi tsengui ba pula yilonga nandi ; ba ruga na batolu na mayenga. 48 Mutu uka gaba sesu a vega ilimba yândi re : u maka sambena nandi re yandi, di ganga yandi. 49 Vana na vana a ruga gu sesu na a yambila re : mbolu mulondzi. 50 Sesu a yambila yandi re : mbatsiami, vaga bitsa rugila yu nyavu. Kora vana ba ruga, ba sunze dikaka mu sesu na ba mu gangile. 51 52 51- La ba umosi gu gara bababila na sesu a sukula dikaka/gogu diandi. A pusa diyenga diandi na ubimba. Musalitsi wu ivunda gi ba vegitsi ba malagu na atabula yandi diaru dimosi. Vana, sesu ayambila yandi re : gabusa diyenga diagu va itsiga giandi mumbara botsu babaka diadzi diyenga bagu boku na diyenga. 53 Yi tasa re ma saka rugula utomba tayami uka sindigila ma dikabu di bianza di ka viogilila digumi na ba beyi ? 54 Te tseni mirendu mi gu rungula usupugila mika vagi re buédi mambu mena ma na pulila (labena). 55 Sesu a yambila piti re : yenu muyibitsi ga amavioga di gu ruga na batolu na diyenga ? Mabilenga batsufu botsu gu ndagu nzambi na ulonzenga yenu, disa ganga ma. 56 Mane motsu ma labunu mura motsu ma tende ba bigitsi make supugila. Kora balanditsi botsu ba sisa yandi na ba rina (ba tsamugila yandi). 57 Ba baganga sesu bayenda nandi gu mbuga Caïphe ivunda gi ba vegitsi ba malagu gu ba tenditsi na bivunda ba bile ba gukagena. 58 Pierre a landenga yawu gu nzima kuanga ne gu dikanga di muvegitsi umunema wu ma nzolu. A pula na a tsagala na bakielitsi mu laba make vioga. 59 60 Bivunda bi bayokitsi ba malagu na migaga ba benenga dibigu di utapigila sesu mu uboka yandi. 0 Base dagisa diambu nisi na va tutuga (labunu) mbili bi muenyi bi ufure. Dikiesi di vioga, ba beyi ba ruga. 61 Na ba yambila re : ma na bungudi bu panza ndagu yi nzambi yi mu urunga yo mu tsufu yireru. 62 Yivunda gi bayokitsi ba malagu a telema na ayambila yandi re : yi se gona yagula ? Babe ba gona yambila nde gi mu yu ? 63 Sesu a bila ka nasi. Yivunda gi bayokitsi ba malagu a yambila yandi re : ma singisa yu mu yambila yetu mu dina di nzambi monyu yu ga re christ, muana wu nzambi. 64 Sesu a yagula yandi re : yi tse yambila ndio yibene ; te ma yambila yu re : yu, yigu laba muana mutu atsagale va mabagale ma nzambi. A guitsa gu gara dibungi gu yulu. 65 Vana, ivunda gi ba tenditsi ba mabigu ma nzambi a kaka dingoyi diandi na a yambila re : mugi manenu di na nzale bu muenyi ? yenu di tse mana yulu na madumbe yandi bu ndumbe bu nzambi. 66 Yenu di na tasa vaga nde tsenyi ? Ba yagula re :a tse ronda difu. 67 Ba tulile yandi ma te gu mbalenga ; ba dimba yandi na makake mawu. 68 Ba yambilenga re : sokile yetu christ, utse dimba yu nde nyi ? 69 Pierre a bila matsagala gu kana va dikanga, musalitsi umosi a ruga gu yandi na a yambila re : na yu yi bile na sesu, muisi Galilée. 70 Te a runa yandi va misu ma batu botsu, a yambila re : ma se yaba diambu/diki di gone yambila yu. 71 A yenda va mure ndagu wu ka vatu/pulu, musalitsi umosi a laba yandi na ayambila ba babila vanene re : mutu wuwu na yandi a bila na sesu yi Nazareth. 72 A konda runa yandi : ma sa yaba mutu wuna. 73 Dikiesi di pesu di vioga, ba bagangu vavena ba ruga na ba yambila pierre re : na yu yi bile va ganegare wu mumbare yi na yiyambilitsi/nuambululu giawu gi gona salula yu. 74 Vana a bindugu babafu re : ma sa yaba mutu wuna. Vana na vana koku yi kore. 75 Pierre a bangula mabigu ma nzambi a yambila yandi re : koku na gi kora yu yi gu runa ma maruna mareru. A laba paga, a pula na a lila mbili.