¹ Buedi mu yabe re monyu wu yulu wu yi munongu wu mosi ga digumi di bipage bi bonge balambi mu yie bengusune mulumi awu. ² Va ganega ra wu, baranu, bile bi dungui ne baranu bana biyiedi. ³ Va teleme bidungui, ba nangule ke balambi pindze gu ga batsuve tsi mambe ma balambi. ⁴ Te biyiedi va teleme yawu, ba bongue ba tsuve tsi mambe ma paghe ne balambi ba wu. ⁵ Va labe yiawu re mulumi a se na palile wu tsangue, botsu baghangu ne biolu. ⁶ Te ne murime dibati ba yulu miabu re : « Mulumi ake tsangue yiendanu mu yié mubéngusunu ». ⁷ Va yulu vane bipaghe biotsu birambughu ne bene banguise balambi. ⁸ Bidungui ba tombe biyiédi re : « veghane yiétu mambe ba lambi tsiétu tsike tsime ». ⁹ Te biyiédi ba yiaghule yiawu re : « le mua nzi yinétu yi yisake be ngu mu vé ne yiénu, buédi yiendanu nde ghu babaka sumbisi mure dike sumbe ménu. ¹⁰ Va singuenengue yiawu mu yiésumbe mawu, mulumi a tsangue ne bababile vane ba yié yinombu nandi ne ghu ndaghu diongue ne ndaghu yibandughu. ¹¹ Va yulu vane, ne bine bipaghe bi tsangue ne ba yiambile re : « Fumu- Fumu tsibulile yietu ndaghu ». ¹² Te a yiaghule re : « nunguièndze ma yiambile yienu, mase yiabe yienu ». ¹³ Billanu missighi kaghu, mumbare yiénu dise yiabe nisi wuisi vo dighuéru. ¹⁴ Mumbare aghu bile munongu wu mosi ghu mutu wu ghanengue yié mugnialu ghu tsengui yisusu. Ne yiandi a tsitse basalitsi bandi botsu nu ba ghabile magni mandi. ¹⁵ Wu mosi va ghane gharawu a véghu manine ma ranu. Ghu mususu a veghe mabeyi ne ghu wu masukise a veghu dinime dimosi. Muane muane aneghu nzi yi yiélimine ne ngane yi ka diazuli yiandi ne yiandi a teleme nu yié mugnalu wuandi. ¹⁶ Mbangu mbangu, wu veghu madile ma ranu a fugnule maranu va yulu. ¹⁷ Na wu dila madila mabéyi ghandi a konda fugnula mabeyi va yulu. ¹⁸ Te musalitsi udila dola mosi ayenda buka duku ghu mutamba mu suegha dola yi fumuandi. ¹⁹ Dikiesi di mbili divioga, Fumu a tsangua na atsigisa basalitsi bandi mutomba na kiela yawu maniva mandi. ²⁰ Musalitsi udila dola yiranu a ruga na yiranu va yulu vana na a yambila re : « Fumu, yi vega ma dola iranu laba na tsi rânu tsiste funyulema. ²¹ Fumu wandi a yambile re « buedi yu yi musalitsi umunyi yina mambu maditema. Yu yibetsi uyelimi na mu mambu mapesu, ma gu konda vega yu mambu mambili. Gu yinyunga gi fumuagu. ²² Musalitsi udile dola beyi a ruga na ayambile re : « Fumu yi vega ma dola beyi, lê ma yakisa yu na beyi tsi dile ma va yulu tsi vegu ma ». ²³ Fumuandi a gabusile yandi re : « buedi musalitsi wu munyi yi ste vaga ka buedi na ndzi yi dile yu, ma gu vega yu bivava bimbili, nyingena gu yinyunga ghi fumuagu ». ²⁴ Ayambile re : « Fumu mayatsi re yu yi mutu nu wuiri yi ka tsuli biga vare yu na yika d(g)umbi biga sole yu. ²⁵ Ma yulu woma ma suega dolagu gu muregi. Bonga dolagu ». ²⁶ Te Fumuandi ayagula yandi re : « musalitsi umubi (una yikali), na mubolu. wu yi yatsi re ma ka tsuli bi ga vare me na ugukiga bi ga sale ma ». ²⁷ Mbe yi sunza badola tsiame gu ndagu yi ka kieli badole, va bugabu gu lu buami mbe ma gu dila badola bami na ba kundiga va yulu. ²⁸ Dumbanu yandi badola tsi nandi ne veganu tsio gu musalitsi udila digumi di dola. ²⁹ Mumbare gu wune bio, ba gu konda yandi biviogilile (mbili), te gu usandi na bivava, bag u dumba nisi mua nzi yinandi. ³⁰ Veranu mudianzitsi wu gane tsongu gu divisema di gu kana gu ba kondu na mirapu. ³¹ Va ka ruga muana mutu gu buyumu nu buandi nene bianza biandi a ka tsagala va yikundu giandi gi bundumba. ³² Batu botsu babulongu bagu gukama va wusu wuandi na a gu yagasena bane na bane munongu ga mukielitsi bi ndombe aka yagasini bi ndomba na ba kangi. ³³ A gu sunza bindombe gu kuba mabagale mandi, ba kangi gu magietu mandi. ³⁴ Vana, Fumu a gu yambila baba gu mabagale mandi re : « ruganu yenu ba batse vegu miule na tata, bonganu mukuagni wu yulu wu kundzulu yenu va dibandu di bulongu ». ³⁵ Mu mbara mayulu nzale, yenu di vega ma bi wuyi, ma yulu yi buile yenu di vega ma biunu, mabile muényi, yenu di yaka ma. ³⁶ Ma bile munyianga yenu di diuse ma biduari, ma bile na ubela, di buga ma ; ma bile gu tsugu, yenu di ruga gu laba ma. ³⁷ Ba basungama ba gu yagule re : « Fumu, dikiesi nde dinyi yetu di labe yu na nzala dine vega yu biuyi ? Vo yi fu na yibuila, di na vega yu bi unu ? ³⁸ Dikiesi nde dinyi yi bile muényi na yetu di na yaka yu ? Vore mugnanga, dine duise yu biduari ? ³⁹ Dikiesi nde digni di laba yu nu ubela vo gu tsugu yetu di ruga gu mogise yu ? ⁴⁰ Fumu a yagula yawu re « nungienza ma yambile yen ure biotsu gi vagila yenu ngiebe mosi va gana-gare bane ba mame, yenu di vagile bio nde ma. ⁴¹ Kora a gu yambile ba bag u magietu mandi re : buruguanu va mbarami bivasi bibi, yendanu gu mbawu yi mubu na mubu yi kunzulu diable mukolitsi na biandze biandi. ⁴² Mumbara ma bile na nzala, yenu di sa vega ma biyi, ma fu na yibuile, yenu di sa vega ma bi unu. ⁴³ Mabile muenyi ne yenu, di sa sangile ma, mabile munianga yenu di sa vega ma biduari ; mabile na ubele na gu tsugu yenu disa ruga gu dode ma. ⁴⁴ yawu gandi ba yagule re : fumu, dikiesi nde gi yetu di laba yu na nzale, vo na yibuile, vo bumuenyu, vo muyanga, vo nubele, vo gu tsugu re yetu di sa dianzile yu ? ⁴⁵ Vanea akulile yawu re : « nungiendza ma yambile yenu re diotsu di yenu dibuse vagile muane umosi umukieki, yabanu re di buse vagile nde ma. ⁴⁶ Ba gu yenda gu mirapu mi mubu na mubu, baba sungama bag u yenda gu monyu umubu na mubu.