DCS-Mirror-parfait-ayanou_snq_mat_text

Ibuku 23

¹ Sésu âyâmbile na batipi na bayikitsi ² bândi re: Baten ditsi na ba fuâ risi ra biviinga bi Muise ³ vâgânu nakâ lousi yâwu te diyâbila gâ yâwu, mumbâra bakalousi bedi te bâsâkâvâgi mâmbu mena. ⁴ Bayi gâ baba kâbâgisi bambatsi mi funa mitsira te basâkâru nguli nângula nisi pesu. ⁵ Baka vagi mâmbu motsu ka mugobusu na bâtu bâkâduari biduâri bitendu mâmbu na Nzambi na biduâri bituari. ⁶ Bakâsâli bitsiga bibinyi mutsâgala mu dikiesi difu eti. Bakâsâli bitsiga bibinyi mu bandâgu tsibibengunu. ⁷ Bakârondi uyubulu na bâtu va tima kâna. Bakârondi ugobusu na bâtu. ⁸ Mure baka tsit sungu re: Mulonsi. Oiyâbila na nsâla mugobusu na bâtu mutsitsu re: Mulonsi, yenu dina mu lonsi ka umosi. Yenu botsu ka bââna bangúyi. ⁹ Mu tsi yiyi diyâtsitsa mutu re: Tâta, mumbâra yenu dina tâyi ka mosi. Ka yândi uyi gu yulu. ¹⁰ Diyabila na nsàla mutsitsungu re: yivunda, mumbâra yenu dina yivunda ka gimosi, ra kristi. ¹¹ Ukabila mutu umunena va gânagârenu âka bila gâ mudyânsitsi wenu. ¹² Wotsu ukamâkisa manyuru âka sundusu. Wotsu ugamâkisa munyuru âkagobusu. ¹³ Maguga gu yenu badikâ tendi mâmbu na ba fuârisi. Yenu bandyi bamina. Yenu dikâkâri bâtu munyingana gu yulu. Yenu bena disâkanyingani, yenu disakasingisi babaronda nyingana. ¹⁴ Muguga gu yenu badika tendi mâmbu na bafuârisi. Yenu banyi bamina. Yenu dikatsingi musambila mugobusu na bâtu. Mu mâmbu mena yenu dikasosusu mbili. ¹⁵ Maguga gu yenu bedika tendi mâmbu na batuârisi, yenu banyi bamina. Yenu dikâyendi mu tsengi yotsu mulonsa mukâlusa bâtu. Vakakâ luganga yâwu, yâwu bakabevioghi li la ubi, yawu bakayenda gu mbâwu yigâtsima. ¹⁶ Maguga gu yenu, yenu diyi gâ banga pâfu. Mumbára yenu dikâyensi bambâtsi, yenu dikâlousi re: Gâmutu ârabindugu pesi mu ndâgu Nzambi sâ dyâmbu te âgâbindugu pesi mu lora yigu ndâgu Nzambi sâ dyâmbu te âgâbindugu pesi mu lora yigu ndâgu Nzambi. ¹⁷ Yenu banda pâfu ka biduka. Iyâmbu diviogilila nda lora vo nda ndâgu Nzambi? ¹⁸ Yenu dikâ lonsi re: Mutu âgâbindugu pesi mu yiyokulu gimansolu sâ dyâmbu, te âgâbindugu pesi mu dyâmbu dimansolu buedi ârauâga natsayambila yandi, ¹⁹ yenu banga pâfu. Dyâmbu diviogilili nda gi? Nda mansolu vo nda yiyotulu gimanso lu? ²⁰ ukabindugu pesi mu yiyoku lu gimansolu amabindugu pesi mu bivâva biotsu bimasunsu va yulu. ²¹ Ukabindugu pesi mu ndâgu Nzambi âmabindugu pesi mu ukatsagali mu ndâgu ena. ²² Ukabindugu pesi gu yulu âmabindu gu pesi mu bufumu bu Nzambi na mu fumu ena. ²³ Ma guga gu yenu badikâ tendi mâmbu na batuârisi, yenu banyi bamina, mumbâra yenu dikâpeyi di ima nisi bi nungu, yenu disakakieli bandongi tsiotsu. Yenu dikasiisi bandongi tsingiensa. Yenu dikatâbuli mâmbu buedi, yenu disakalabi batu dingieba, yenu disâ batu babanyi. ²⁴ Buedi muvâga mâmbu motsu. Yenu banga pâfu badikâyendi, bambatsi, yenu disakamini munsegu te yenu dikanmini sâmu. ²⁵ Maguga gu yenu ba dikateudi mâmbu na bafuarisi, yenu banyi bamina, mumbâra yenu dikâgungi kopu na yipela ka mu yulu. Gu gâra guka bambindu na mâmbu mamabi. ²⁶ Bafuârisi, yenu banga pâfu, gungânu va marega gu gâra kopu na gu gâra yipela mure mu yulu mukarela buedi. ²⁷ Magaga gu yenu, badikatendi mâmbu na bafuârisi, yenu banyi bamina. Mumbâra yenu diyi gâ basongu tsikunsu buedi va yu lu te gu gâra guka bivisi ma bivova bigabinyi. ²⁸ Na yemi gândi diyi munongu umosi. Bâtu bakâtasi re: yenu bâte babanyi te mu mirima mirnu yenu dikabanyi bamina na yenu disâ na mâmbu mamanyi. ²⁹ Maguga ga yenu badikatzudi mâmbu na bafuârisi. Yenu banyi bamina. Yenu dikâbuti ba songu tsibababiganga mâmbu nukunsa buedi va yulu. Yâwu babila bâtu basungama yeni ba nyi bamina. ³⁰ Yenu digonayá́mbila re: Bababoka bababiganga mâmbu nda batayi betu sâ yetu. Yetu mbe dibila dikiesi dibila balâyi betu mbe disabila nâwu muboka yâwu. ³¹ Mâmbu makâvâgi yenu, bâtu botsu bayâtsi re: yenu ra bandândi babâtu bababoka bababiganga mâmbu ³² Vâgangânu navâganga batâyi benu nisi yenu ditsaviôgibila uvâga mâmbu mamabi. ³³ Yenu dika gâ banyoga. Yenu bambisi. Yenu dikarina mbâwu yigatsima nda tsenyi? ³⁴ Ra dibându makasindigila yenu milonsi na bâtu banga buedi na babaka tendanga mâmbu yenu dikaboka bamosi. Yenu dika dimba bamosi bangânsi gu bandâgu tsibibengunu. Yenu dikaritsi ganga yâw maguga mu bimbu biotsu. ³⁵ Yenu dikavegu mbela mumbâra yenu dikaboka yâwu ka nsolu ma lûngu mabâtu bena makabila va yulu miuru mienu ubânda na ma lingu ma Abela kuà̀nga na ma lú́ngu masakâri yimuâna bârâki uboku vagânagâre yiyokulu gimansolu na ndâgu Nzambi. ³⁶ Mayâmbila yenu nungiensa re: Yenu dikavegu mbela mu mâmbu mena botsu. ³⁷ Yenu bisi sersalema dikoka bababiguaga mâmbu. Na yenu dikǎ̂nongi babakâsindugu gu yenu mamanyi Makiesi mambili matsarondanga ugukiga yenu gâ koku nakâgukigi yândi bââna bâmdi gu asi ma pâpi mândi. Te yenu disaronda. ³⁸ Yenu dika sââ la yenu pinsa mu ndângu Nzambi. ³⁹ Mayanbila yenu re: Yenu disâkabélâba ma kuânga nava yenu dikasângila ma vakaruga ma mu bungulu bu Nzambi.