¹ Sésu a yaghule yawune akagha nonghu: ² Bufumu bu yulu bunde ga mu samu wu mutu ukunzenge dionghe di muanandi ³ Are sindighe ba dianzitsi bandi mu tsitsa botsu ba ba bile yu dionge, ta base ronde urughe. ⁴ Fumu abe sindigha ba salitsi basusu ghu batu: "Labanu ma matse lambe bibodu biami, matse boke ba gniame bami ba vônge ne biotsu bima dughu. Rugharu ghu diyayi di dionge. ⁵ Te batu bene base singe mbile. Bane batu ba yende ke ghu ba nungi bawu basusu ba ghabughu mu ye simbisenge bi vava biawu. ⁶ Ba susu ba dimbe a ba dianzitsi ba Fumu, ba ritsighe yawu maghughe ne ba boke yawu. ⁷ Va yuhe fumu mambu wène à laba kabu; a sindighe di badi diandi muye boke batu bene na a yokise mimbu mawu. ⁸ Va mane ba gole a fumu wu boke batu ne wuyoke mimbu mawu fumu tsengi ayambile ne basalitsi bandi ba susu re: Dikiesi di mayayi ma dionge dima pule te ba matse tsitsa mu rugha ba sandi ba sungenie. ⁹ Kere vana fumu are yambile ba dianzitsi bandi rè: Yendanu mu mimbambe miotso na tsitsanu pasi batu mure ba rughi ghu mayayi ma dionge. ¹⁰ Yawu bare yenda ghu mumbambe, na ba gukiga batu botsu ba deghisa yawu, ne bababi, na babany. Kere vana ndaghu yi kaghunghu dionga yi base ne batu. ¹¹ Te va fumu a gningene mulabe ba yandi atsitse, a labe mutu wuse bile ne Idiari ghi di yayi. ¹² Fumu a tombe yande re: "Waï, itse va nde tséngi mugningene ghughu ghu ghane Idinari ghi diyayi? Ne, mutu obi ne tsiu mumbare ase bile ne dibighu di uyambile. ¹³ Va yulu vane, fume a yambile basalitsi bandi re, katanu mioghu ne bioru bi mutu wu ne veranu yandi ghu diviseme, ghune reghu matsange ne ughuérise minu. ¹⁴ Mbili batsitsu te pesu ba solu. ¹⁵ Va yule vane, bafaresi ba yende mu yié kate bangu mu bene rambe Sésu mu mabighu ma yabène. ¹⁶ Ba sindighilile yawu ba yikitsi bawu, nene ba érodi. Bayambile Sésu re: «Mulonguitsi, yetu diyatsi re yika yambili Imuadze ne re ika londzi nzile Nzambi me imuandze, ne iska yulu maka tasi batu basusu, ne yi sa isandi ne dipasu va ghane ghare batu ¹⁷ Kaghu yambile yétu, yika tase nde tsègni? Diambu di yielimine mu fute balépu ghu sésara buédi vo sa buédi? ¹⁸ Te Sésu a yabenge re baka beni vaghile ya dibi. Yawu ba vinguilenge re a yambile mabighu make rungule mu veghe mbele va wusu bivunde biba suifu vo ne bisi Rome. Te a yambile yawu re: «Bagni ma mine, mughi yénu dighone mange me? ¹⁹ Yenu de ghone bene re mapusi dibighu dike doumbule yénu mu dile disughe dit vegheme mbèle. Ritsighanu me dole yika futu lèpu. Ba ritsighe yandi dole mosi. ²⁰ Sésu a yambile re: «Igholini ghine nde ghi gni ne dine di mudole? ²¹ Bayambile yande re: Nde bi Sésar.» Ne Sésu ayambile yawu re: «Kaghu veghanu Sésar bivave biandi, ne ni Nzambi bi bili bi Nzambi.» ²² Va yulu yawu nane, yawu baghibeme. Yawu basise yandi ne bane yènde. ²³ Wiusi wuène, basadisi ba baka yambili re ghu sa moniu ghu nzime difu. ²⁴ Barughe ghu Sese ne mu tombe gnivuyiyi: Rolonzitsi muïse arènde ma bighu me: Gha mutu afu ghu gha bure muane, muane ngandi ane digniange di yonge mu kuili mu mu veghe itsuku. Muane uke buru mu dionge diena, aghu baghunu gha muane wu buru ne wufu, mure wutse fu a bile ne itsuku. ²⁵ Bane banguyi ba bi tsambu. Umareghe a yonge ne afu ghu gha dile muane. A sise mu ghatsiande ne mughié ghiandi. ²⁶ Va yulu vane udukelene ne tsémi avaghe munongu wumosi, ne wumuréru kuanga ne wutsambu. ²⁷ Va mane yawu ufu, mu ghiétu ne yane ane fu. ²⁸ Yambile yétu, wuisi wu fuangughu, va ghane ghare batsambu, aghu yongu nde ne gni mumbare a bile mughatsi wu yawu botsu? ²⁹ Te Sésu a yaghule yawu re: «Yenu disandi mu nzile, rumbare yenu diska ditighie mirendu, ne bungudu bu Nzambi. ³⁰ Mumbare vake fuangughu batu, ghusake be bile monge, te batu botsu gha bianze bi Nzambi gu yulu. ³¹ Te mudiambu dike fuanughu babafu, yenu kaghu dise range di yambulu yene ne Nzambia, ³² Rare Nzambi yi Abnam, Nzambi yi Isak ne Nzambi yi Sacobe? Nzambi asa Nzambi yi babafu te nde yi batu ba mongiu» ³³ Va yulu piti mane motsu, yawu botsu baghibeme mu mambu ma lonzengue yandi. ³⁴ Va yulu bafarisi, re atse rumbise basadisi, ba yende ghu bengunu. ³⁵ Wu mosi va ghane gbarawu, ivunde ghi mighaghe a dume nzidu yi, mu bene mu tsukighe, ³⁶ Mulonzitsi, mughiele wu munene nde wugni ghu ghare righaghe? ³⁷ Sésu a yaghule yandi re: Ighu rondenge fumu Nzambia ghu , ne ruri me wuaghu wotsi, ne digniugni diaghu diotsu ne ditase diaghu diotsu. ³⁸ Wune re mughaghe wu munene ne wu mareghe va ghane ghare mighaghe miotsu. ³⁹ Ne le ne mughaghe umubeyi, wu baghunu wu mareghe, ronde mbatsi na va ika rondi ibenaghu. ⁴⁰ Digha ghobise mighaghe mi béyi nina dina ghobise mighaghe ne mabighu ma Nzambi ne babighitsi. ⁴¹ Va bile ba farisi mbure mosi, Sésu a veghe yawu gnivu, ⁴² Nu yambile re: «Muane Davide.» ⁴³ Sésu a yambile yawu re, tséngi kaghu Davide ubasu ne digniugni disugeme atsitseu yandi re fumu, va yambile yandi re: ⁴⁴ Fumu atse yambile ghu fumuami, tsaghele va mabaghele mami, kuange ne va make sunze bakolitsi baghu vatsi matambi maghu. ⁴⁵ Gha davide aka tsitsi kristi,«Fumu, tségni yandi ayimuanadi? ⁴⁶ Ghusa mutu uke ghabusili yandi dibighu. Ne, bande wiusi wuène ghuse bo bi mutu ubo rungule tombe ya bagnivu.