DCS-Mirror-parfait-ayanou_snq_mat_text

Ibuku 19

¹ Vamâna Sésu uyâmbila nâna aburuga va Gâlila, ayenda gu tsengi yisunde gu simu yisurda. ² Bâtu bambili ba lânda yândi, vâna âbuelusa ya ghu. ³ Ba juarisi bagogula nava yândi mumânga yândi, Bayâmbile re: Mutu âna dinganga muburu la mugâtsi yândi mu pasi dyâmbua? ⁴ Sésu agâbusila yándi re: yenu disâkârângi nakunsa Nzambi dibâgala na mugietu va dibanduâ? ⁵ Na âyâmbila re: kâ dibându mutu ârunga la usisa tâyândi na nguândi na ubila ka na mugâtsi yândi. Yâwu botsu babeyi bakabila nyure mosi. ⁶ Yawu sa bâtu babeyi, yawu botsu ke mutu umoti. Nzambi âyâmbila re: Mugatsi na mulumi ka mutu umoti. Sa burdi mugâba. ⁷ Bayábula yândi re: mugi muyisa âyoûbila re: mutu ârungula ubusa mugatsi ândi? ⁸ Agabusila yawu re: Muyisa âyâmbila nâna ka mu dyâmbu dimirima mienu misa minyi, va dibându vasabila nâna. ⁹ Mayâmbila yanu re: wotsu ukabusa mugâtsi ândi, âsâvâga butsuâri, muyongue mugatsi ususu, akauagi butsuâri. ¹⁰ Bayikitsi bayâmbile Sésu re: mutu mumbara bagiétu Gâbile nâne sâ buedi muyonge. ¹¹ Sésu ayambile yawu te: ba mosi ubânde va buru yâwu basaka lâmi na bagietu mumbâra bâtu bavara yâwu gâ laba yimuvangu, bamosi basakavagi nâna ka mudyâmbu dimânbu ma Nzambi. ¹² Bâtu botu basakakunsi uyulu mâmbu mena vengu baba malonsu. Wotsu urunga la uyulu âyulu. ¹³ Baruga na bââna babakieki nava yandi mure âkavega âywu miula na musâmbila mu yowu. ¹⁴ Sésu ayambila re: Siisanu bââna babakîeki, oiyakâra yâw muruga gu ma mumbâna babaka bila gâ yawu re babakabila bâtu ba fumu yulu vakaruga yandi. ¹⁵ Avega yâwu miula, aburuga vâna. ¹⁶ Mutu umosi âyenda nava Śesu. Ayâmbila nandi re: Mulonsi mavâgi mâmbu mamonyi nda gi mudila monyu umubu na mubu? ¹⁷ agâbusila yândi re: Mugi yigonayubu la ma muvâga mâmbu mamanyi? Ukâvâgi mâmbu motsu mamauyi ka Nzambi, yigâronda udila monyu kiela migiela. Ayùbula yandi re: Migiela, mio nda gi? ¹⁸ Sésu âgôbusila yandi re: Yiyaboke mutu, yiyâvâga butsuâri. Yiyayiba, yiyâ butigila bambatsi mambu, gitsa tâyi ne ngùyi. ¹⁹ Ronda mbâtsi agu naka rondi yu nyuru agu. ²⁰ Mutu wena ayâmbila yandi re: Makakieli mambu mena motsu. Mabévâga nda tsenyi? ²¹ Sésu ayâmbila nândi re: yigâronda ubila mutu umuuyi yesumbisi bivâva biotsu binâgu. Vegabio gu bivasi, gu yulu yikadila bukiti, kotavâna yikoruga mubânda ma. ²² Vayulu mutu wena nana ayendanga kokana utâsa mumbâra âbila na bivâva bimbili. ²³ Sésu ayâmbila na bayikitsi bândi re: mayâmbila yenu re: ²⁴ Sâmu ârungula nyingana mu digola distongi te mutu una bukiti pága yiviogile la munyingana gu yulu. ²⁵ Vayulu bayikitsi nâna bagibama. Baymubula yandi re: Babayobulu nda banyi? ²⁶ Śsu ayâmbila nâwu re: Bâtu bakârâgulu dyâmbu diema. Te Nzâmbi âsâkâragulu. ²⁷ Piera âyâmbila nândi re: yetu ditsasiisa bivava biotsu mulânda y? Yetu dikabila nda tsenyi? ²⁸ Sésu âgâbusila yawu re: Bâtu mayâmbila yenu numgiensa re: va ka ká lulu bîvâva biotsu bimosa ma muâna mutu makabila fumu yiyinena, yenu badînâ landa ma, yenu dikabila munongu umosi. Yenu dika tâ bu langa mâmbu mabandândi ba yisiriela. ²⁹ Wotsu ukasiisa tâyi na ngùyi na bââna bânguândi na mugatsi na bââna bândi na tsengi audi na ndâgu ândi mu ma âkavegu bivâva bimbili na monyu umubu na mubu. ³⁰ Babakabili yu su batsiviogha gu mandzima hé babakibili gu mandzima batsiviogha yusu.