¹ Bufumu bu yulu bunde were: Nge mutambe wu vate ne ipali ghu ye bonge basalitsi ghu nungiandi yi bagninge. Bamane upute ne bara litsi ghu ve yawu badole mu wuisi. ² Ane sindaghawu ghu nungiandi yi bagninge. ³ A vate dighuere dimu reru ane labe bamosi ba babilenge ghu gha sale. ⁴ A yambile re: yenu keke, yendanu ghu nungi, biotsu bi buedi ma ghu ve yenu. Ne vane bayende ghu ye sale. ⁵ Ane ba vate dighuere dimusamenu ne keke dighuere yiwe, ne a vaghe nge diambu ke dio. ⁶ Diyakene dimosighu dighumi di maghuere ne dighuere dimosi a vate ne a daghisi bamosi, ane yambile yawu re: Mughi yenu ditse sale ghu ghu muse wotsu ghu gha sale? ⁷ Bayaghule yandi re: Ghu sandi mutu wu bonge yetu ghu isalu. Ane yambile re: Ne yenu keke yendanu ghu nungi. ⁸ Ne tsisighe, nge nungi ane yambile musali tsi wandi, ⁹ bave ba salitsi ne venge yawu misende muawu, ne musalitsi wu mareghe ne wu masikile. Va yitse basalitsi ba bongu ghu isalu ghu dikiesi di dighumi di maghuere ne dighuere dimosi, mutu ne mutu a dile dole mosi. ¹⁰ Va yitse basalitsi ba ba bongu maregha, ba bile ne matase re baghu vioghilile bane badole, ne yawu ba dileke dole mosi mu mutu. ¹¹ Va mane yawu ubonge misende miawu, baye sose va mbare nge mungi. ¹² Bayambilere: Basalitsi batse boyu masike le batse sale ke dighuere dimosi, ne mane itse veghe yetu botsu ke misande ngu, yetu ditse tsoghe ne ghiusule musingi ipali. ¹³ Ne nge nungi aya ghule ne ayambile ne wumosi wa ghane ghara wure: Bambatsi, va sa yenu diambu di bive. Yenu disa ronde dole mosi? ¹⁴ Bonganu biva bienu ne yendanu; nde ignunge ghu me mu wugheve basalitsi ba masi kile badole ngu nenu ¹⁵ Mase rungule wu va magni mami na ronde me? ¹⁶ Vore misu menu mande ma bive mu mbare ma buedia? Ne vane wu masikile a ghu kalu ghe mareghe, ne wu maregha a ghu kalughe masikile. ¹⁷ Va makenge Sésu ghu serasalem, a bonge dighumi di basalitsi ne banalitsi babeyi nandi. Ghunzile, ayambile yawu re: ¹⁸ dighuene make ghu serusalem, ne muane mutu a ghu ghabu ghu bivunde bimi pere ne barenditsi. ¹⁹ Bave ghe ya mbele re bake bokandi ne wu ghabe yandi ghu bpayi re bake sevengeyandi, bake ghubuelenge yandi mighu ne wu ghominandi ghu kurusu. Te wuisi wu muréru aghu fuangeghe. ²⁰ Ne vana nguyi bane ba sedebée a rughe ne bane bandi ghu Sésu, ane kuteme ve mbara Sésu ne a mutombe diambu. ²¹ Sesu ayaghu landi re: ikonde nde ghi? Ane yambile re: Vaghe re bane bami babeyi batsagheli, wumosi ghu mbaghele ne wunge ghu maghietu, ghu bufumu buaghu. ²² Te Sésu yaghulere: Ase yabe maghuere tombeyu, yenu dike ngu wunu kopu yike numa? Bane yambile re: Dike ngu. ²³ Ane yambile yawu re: Kopuami yenu dighu nu. Te ghu tsaghele va mabaghe mami ne maghietu saghe me wu rungule wu veghe yenu, nde bambure ba kunze tate. ²⁴ Va yulu ngu dighumi di basalitsi bana mayambilenge Sésu ba kambughe ne bane anguyi ba beyi. ²⁵ Sésu a bave yawu ane yambile ya wure: yitse re vunde ghi bapayi ane bungudu ghu yawu, ne batu bangienze ba va yaluawu. ²⁶ Sa buedi dine bile ne yine ngaghululu, wu ronde ubile wu munene va ghane gharenu, buedi ane bile musalitsi. ²⁷ Wuronde wu bile ivunde va ghane gharenu, buedi ane bile musalitsi, ²⁸ Ne vana muane mutu ase yitse ghure a bile ni basalitsi, te ayitse nde ghu usale, ghu veghe mognu wuandi gha ifuti ghu nzoku. ²⁹ Va vatenge yawu ghu sericho, ne piti ilande. ³⁰ Ve labe yandi batu babeyi ne pafu ba matsaghele ghu tungu nzile; va yuhiawu re Sésu ake vioghe, ba rambughe bane yambilre: Fumu muane David yulu ngiebetu. ³¹ Tu piti yi rumbise nga wu. Baba buamughenge mbili "Fumu muane David yulu ngiebetu. ³² Ne va na Sésu a teleme, a bava wune ane tombawu re: yenu dironde ma vaghienu ne ghi? ³³ Bane yambile yandi re: Fumu misu metu matsibughi. ³⁴ Sésu ne dingieba, ane sunze mioghu ghu misu ne misu mane tsi bughe re balandia yandi.