¹ Vane ne vane bayikitsi ba yié la Sésu, ne bayambile re: Ghu buyumunu bu ghu yulu uke vioghilibi bambatsi nde gni? ² Sesu atsitse muane su mukieki ne mu telighé va ghane ghara wu. ³ Ne ayanibile re: Nunguiènze ma yambile yénu: yenu di ghasa singue mbele mabi ménu ne di buse bile gha bane babakieki, disake dile disughe di susu mu dile mognu wu yulu. ⁴ Mu diambu diène, wotsu wusake dume tulu gha muane wu mukiéki wu, a wune ayi wu munene pepe ghu bufumu bu ghu yulu. ⁵ Ne wotsu wuke yake muane wu mosi va ghané gharawu mu diné diami a ghone yake me. ⁶ Te wotsu wuke bene re muane wu mosi va ghane gharawu wune ghitu mu me a va dibi, buédi mu wune, a katu dimagni mu dighore diandi ne avéru ghu ghare itsibe ghi mubu. ⁷ Maghughe ghu tsengui mu dikiési di mambu ma paghe. Ne buèdi re me mambu méne mabili. Te ma ghu ghe ghu mutu wuke rughulu ne mambu mène. ⁸ Gha dikake vo ditambi diaghu gha bile disine di ka vaghi yu mabi Tabule bisigne bine ne vere bio vale naghu. Diambu di buédi mu yu nde mu dile bu fumu bu ghu yulu ghu gha mioghu te sa buédi mu bi ne muoghu mi béyi ne bioru bibéyi mu yié véru ghu mbawu yi gha tsime ne bio. ⁹ Gha disu diaghu re diba soghi yu mu va mabi, lobule dio ne vere dio vale naghu. Le diambu didigni ghu yu nde mu guinguene ghu buyumunu bu yulu yi yiendi ne disu di ibodu, sa buédi mu véru ghu mbawu yi mubu ne mubu ne misu motsu ma dughe. ¹⁰ Di rambìle di kéré lendze va ghane ghare belengui muane wu mosi. Mu mbare ma yiambile yenu, ghu yulu, biandze biawu lika bitele va wusu tate wu ghu yulu. ¹¹ Mumbare muane mutu a rughe mu yiobule baba tsiémughu. ¹² Gha yienu botsu? Gha mutu a gha bile ne mukame batabe, ne mosi ire tsié mughe; asaka sisi tsi maghumi iwuè ne ne tambe iwué mu nè bènè yitse tsié mugha? ¹³ Ne agha daghise yio, nunguiedze ma yambile yénu, aghu labe ignungue vioghihli ghi nandi mu batabe tsi gha tsiémughu. ¹⁴ Munongu wu mosi, sa dironde di tayiénu yi ghu yulu mu bene re muane wu mukiéke umosi a bungini. ¹⁵ Gha muane tayaghu a gha vaghile yu dibi. Ritsighe yia mbèlandi va ghane ghare inandi pidze. A gha yululuyu, itse mu dile. ¹⁶ Te a gha sa yulu ma yambile yu, tsitsi muane tayi wu mosi vo ba beyi, mure bumuégni bu batu ba beyi vo bareru bughu puse imuadze. ¹⁷ Te agha buse dike yambile yawu, baghe diambu ghu dibundu. A gha bé buse ne make yambile dibundu, mu sunzianu ghu dikabu di babagha yabe Nzambi ne mu yakitsi ba lepu. ¹⁸ Nungiedze ma yambile yenu: motsu make kate yénu mu tsi yi, maghu katu ghu yulu. Ne motsu make niangule yenu mu tsi yi, maghu gniangulu ghu yulu. ¹⁹ Nabé yambile yénu, gha ba beyi va ghane gharé nu bare yulusunu mu tsi yi, mu diambu dina tombe yawu, baghu véghu dio ne ayami wu ghu yulu. ²⁰ Mumbare mbure ike bile ba béyi vo baréru baghukeghene mu dine diami, ma ghu bile va puasawu. ²¹ Va yulu vane Pière a tsange ne a tombe Sésu re: Fumu, maghu boghulenge muane tayi raboghulu ma kuè? Va yandi ake vaghilile me mabi? Kuange ne tsambua? ²² Sésu a mu yaghule re: Ra sa yambile yenu mere tsambu. Te kuangue ne maghu mitsambu, te nde kuange ke kame tsiyine ne maghumi yiwuè mama kiési. ²³ Bufumu bu yulu buyi munongu wu mosi gha Ivunde ghi bulongu ghi bene yabe benandi ne basalitsi bandi. ²⁴ Va bande yandi, ba mu rugise musalitsi wu nuanenge yandi dighumi di tosini. ²⁵ Te vase bi yandi ngu mu ghabuse dinuane, ivunde ghiandi a ronde keke re ba sumbi yandi nene ilongue ghiandi mugha tsiandi bane bandi ne biotsu bi biange nandi mu vane mughanu. ²⁶ Musalitsi asumile yandi maghonungu ne wu kuteme va wusuandi ne yambile re: Ivunde, ya yulu me kabu, ne maghu vane biotsu. ²⁷ Va yulu vane, fumu musalitsi wuéne, mudinguiebe diandi, a mu gnangumuse ne mu yambile re yende. Yabe vane bi yi na nuane me. ²⁸ Va vate musalitsi wuène, a bengunu ne mbatsi mu dianzu wu muanenge yandi maghumi ma beyi. Are mu gniunge dingoyi di tulu ne mu sike dilighe ne ma yambile re: "Vane tsombiami". ²⁹ Ne mbatsiandi mudiadzu assumilili yande maghonungu ghu tsiandi ne mu tombe kokolu re. Labe me dinguiebe, maghu vane dinuane dinuane diaghu diotsu. ³⁰ Te musalitsi wuene abuse. A yié nandi kende mu yié muvere ghu tsughu. Kuange ne vake mane yiandi wu vane dinuane diotsu ³¹ Va labe bane bambatsi ba mudianzu na vioghile diambu diène, balabe paghe yi mbili. Yawu ba yende mu yié musambe ghu fumu yi yabotsu. ³² Va yulu vana, fumu musalitsi wuène amu tsitse ne muyambile re: "Yu musalitsi wu mubi, masambulile yu tsombiene mumba ivondileme kokolu. ³³ Mughi ne yu ise labe muane tayaghu dingiebe na va mala yu dingiebe. ³⁴ Fumu ghu ghare kabu yi mbili, a mu vere ghu tsughu kuange ne wuisi wu mane yandi uvane tsombi yotsu. ³⁵ Le nane re na tate yi ghu yulu aghu vaghilengue yiénu gha va ghane gharénu dise singe ko kolu yi muane tayandi ne mureme wotsu wu sungeme.