DCS-Mirror-parfait-ayanou_snq_mat_text

Ibuku 17

¹ Tsufu isamunu yirevioghe, Sésu abonge nandi: Piere, Sack, ne sa muane guandi. Ne yawuba ghawu ve tungu ghu yulu mukongu. ² Mbalengandi yingeyima va wusuawu munongu. Umosi ne gnangu. Ne biduari biandi bigheyima munongu umosi gha yívèle. ³ Ne vana, Muïse ne Ili batutughile yandi, ne yawu bayembila nandi. ⁴ Pière nu ulabe yawu, ayembile ne Sésu re: «Fumu! Buedi manenu botsu dibili ghughu. Ghayironde, makerunge ghughu masambe mareru: Dimosi diaghu, dimosi di Muïse, dimosi di Ili. ⁵ Vayambilenga yandi, na dibungi disibighile yandi, ne dufi divate ghu dibungi diyembile re: wuwu re muanemi wu dironda, yuluanu yendi». ⁶ Ve yulu bayikitsi diambu dièna, baghudema bambalenge mutsi, ne balabe wome umunena ⁷ Kere vane, Sésu arughe, nusunse makake mendi mu yawu, nu yembile re: rambughanu, diyalabe woma. ⁸ Kervana babemina ghu yulu, te baselabe mutu vengu ne Sésu. ⁹ Ve ghulumughe yawu mukongu Sésu ayembile yawu re: Diayembile diambu dimelabe yenu ghu pèsi mutu kuanga ne mu dikiesi dike fuanghughu muane mutu ghu difu. ¹⁰ Bayikitsi bendi batombe yendi re:«Mughi ghendi batsenditsi baka yembili re: Buédi Ili are fuangughu Marèghe? ¹¹ Sésu avyaghulawu, nu yembile re: Ghiènsa Nzembi alèghile re Ili aghuitse marèghe mu lonsa muitsu u fumu. ¹² Te mayembile yenu: Ili amane yitsi, te base yabsene yendi. Te baritsi yendi maghu gha, nu vaghe motsu naronda yawu. Munongu umosi, muane mutu akelaba maghugha mu makake mawu. ¹³ Vane ne vane bayikitsi bayulu sunu re ayembila yawu nde mu samba-tiste. ¹⁴ Veghabugha bayikitsi bareru ghu bambetsi ne ghu tselu yi piti yitandeme, mutu umosi ayitse ghu Sésu, nu sume makotulu ve wusu Sésu. ¹⁵ Ne, ayembile re:«Fumu! Labe muane wèmi udibaghele dighiebe, ne béluse wyendi, mu mbara a nde ne ubèle ubagnambu ne ulaba maghughe mambili, mu diâmbu di wubèle wena, makiési mamosi, akalêghi gu ghare mbawu, ne ghu ghare mambe». ¹⁶ Matse baghe yendi ghu bayikitsi baghu. Te, basarungule ubéluse yendi ¹⁷ Sésu a yaghule yawu ne uyembile re: «Batu bane mugni, ni mirima mi wiri, ne ugni wumine: Nguna wusi ghi, masindile yenu? Baghanu me ya ghughu! ¹⁸ Sésu abétile dému, nu putse yendi, na demu avate mu muane dibaghele, ne yendi abelughe mu dighuere dièna. ¹⁹ Ve kérevana bayitsi, baghoghule ghu Sésu ghu disuêle, ne bayambile nendi re:«Mughi yétu disarungule wupunse démuène? ²⁰ Sésu ayèmbile nawhe re: Nde mumbara yénu di sane ghitu ghingiènse mu bungudu bu Nzembi. Mayembile yenu nu ghiènse! Gha yénu dine ghitu nisi ghighikiéki gha dimbi di dirupu: dirungule wuyembile ghu mukongu wuwe burughu vave; yende ghune, ne yendi akeghobi se, nuyende. ²¹ Ghusa yivave ghisake rungula yénu. ²² Mu kikiési di béngunu bayikitsi ghu tselu yi Galile, Sésu ayembila yawu bayikitsi re: Muane mutu ake ghabu va ghaneghare makake ma batu. ²³ Ne bake boke yendi, te mu wusi umuréru ake fuangughu ghu difu." Bayikitsi bendi nuyulu nane, babile ne mugnongu umbili. ²⁴ Ve pule yaw ghu Capernaüm, babaghe le babakielenge mansolu ma noaghu Nsambi barugha ghu Pierre, nuyembile yendi re:«Mulonsi wénu asaka vèni lepua?» ²⁵ Ayaghule re: "Hé akaveni lépu" ve gningene Pierre ghu ndaghu yi Sésu, ne ghiuyembile, yèndi re: Ghu yu simu, bivundi bitsénghi bakabongi lépu nde mu bâgni? Nde mu bâne bâwu, vo nde mu bégni? ²⁶ Pierre ayaghule re: "Mu bégni", ne Sésu aghabusile yendi re:«Kaghu bane basane mbèle». ²⁷ Te, mubuse vâghe diâmbu dighadigni ve ghaneghare babongitsi ba lépu; yende ghu mbu (mambe) vère dilobu, ne dute yibére ghikerughe marèghe. Vaketsibule yu mune wendi, yighulaba badole, kereyana tsio mu vane lépu ne yèmi, ne yàghu.