¹ Mu wisi wusamidi. Sesu a vioghengue va puase nungi yi baputu. Ba yikitsi bandi bile bama tsoghe na nzala, badoke baputu, na yanganga yawu. ² Te va ba pharisiens ba labe diambu diena, ba yambile sesu re: laba bayikitsi baghu batse ghighule mughaghe wu saka vaghu wusi wu samidi. ³ Te susu a ba yaghule re: ne ghi yenu di sama rauga di vaghe David na batu bandi va yulu yawu nzale? ⁴ Na nyinguene yawu ghu ndaghu Nzambi mu yi mape ma dilaghu. Diambu diena di wu yi, dise rungulu singusu ne yandi ne: batu ba bile nandi. Mu Nzambi, dio dike di yelimine. ⁵ Na gotsu yenu di ranga ma tenda Moïse, va vaghe yandi re ba vaghitsi ba malaghu ba vougulenge wisi wu samidi te base veghunge mbele. ⁶ Te ma yambile yenu ma mitse ghu yenu; mayiwu ghobe vioghilile ndaghu Nzambi. Kaghu ma ma ghone lousa yenu mayi na dighobe vioghilile ma lonsu yenu ne bakaghe benu. ⁷ Mbe yenu di bangulenge matendumu misonu mi Nzambi. "Ma roude vaghile ba tu mu dironde sake mu vaghe malaghu. Mbe yenu ditse yulusu divindughulu di mambu mene, mbe dise veghe bayikitsi bami mbele. ⁸ :Mande muane mutu na mane dignanga, mu ruma batu make rungule vagha yawu wisi wu samedi." ⁹ Kere vana Sesu a sisa yawu nu nyingene ghu ndaghu Nzambi awu. ¹⁰ Vana vana a la mutu wu bile na dikaka dikatema. Ba pharisiens barondenge simbulenge musosu ke wu di wisi wu samidi. Na, umosi va ghane ghara yawu a yubule Sesu re: Nzambi a singise re mutu a belusu mu wusi wu samidi? Ba dile na ditase re Sesu a tse vaghe dibi, na yawu bake mustundise. ¹¹ A yaghule yawu re: "Ghana vana mbe va ghane ghare yenu mutu a re bile na tabe yi dombe, na yindombe ghiene ghire laghe ghu ghare dibile mu wisi wu samidi. Yenu di ghu sise ghio ke ghu ghare ghu na? Mase tasa! Yenu di ghu mu pusa mbangu mbangu, na yenu dighu silile re diambu di buedi. ¹² Nise nana dighobe di mutu di vioghilile di yindombe. Kaghu, nde diambudi sungema mu vaghe dinyi mu beluse mubetsi mu wisi wu samidi." ^{14 13} Sesu a yambile mutu re: "Sinule dikake, vana vana dikaka dire gneva, na dire belugha gha dina dikaka. Kere ba pharisien ba vate ghu ndaghu Nsambi. Yawu bapute pangu, ba pute fundu mu laba tsenyi barungule mu boke. ¹⁵ Sesu a yabe re ba pharisiens ba ghone ronda mu boke. Na yandi na bayikitsi bandi ba burugha va mbure ene. Piti yiyi nena yi batu, na babetsi ba mu lande na yandi a beluse botsu. ¹⁶ :Te a ve yawu mu ghagha wu buse yambile bambatsi mu yandi. ¹⁷ Va vagha ya mambu mene na dighoba a supsene mabighu matende mubighitsi Esaie ma vaghe re: ¹⁸ "Laba musalitsi wami usole ma, wu ma ghone ronde mbili, na ma sunse ghitu mu yandi. Ma ghu sunse dinyinyi diami mu yandi, a ghu sosisa ba paiens." ¹⁹ A sake be tsuake. Na wu buamughu ghu sandi mutu wuke be yulu dufi diandi mu mimbamba. ²⁰ A ghu ronde batu baba ghobise yandi; gha mutu a bile bebele na difu, a sake mu boke. A ghu sosise batu na disungusulu a ghu lu nse yawu. ²¹ Vana, batu ba ba gha be ba juifs baghu be na ghitu mu yandi. ²² Babaghile Sesu yibubu ghi bile na pa fu mbara a bila na dinyinyi didibi, na yandi a mu beluse mure a yambili na a labi. ²³ Piti yibile vana yi ghibema na yi yambile re: "Mutu wu ra christi, muane fumu David wu ba vingenge?" ²⁴ Va yulu ba pharisiens tsangu yimuila giena ba yambile re: "Sa Nsambi, nde beelzebul, yivunde ghi ba demu wu gho ve dinyanga ghu mutu wuwu mu punse ba demu ba batu. ²⁵ Te Sesu wu yaba nge matasa mawu a yambile yawure: "Bufumu bune dipasu va ghane ghare buka ka panzighi, na pasi divula vo ndaghu yine wurandu bi ghu tsime." ²⁶ Munongu wu mosi, gha satan a punze ba demu bandi yabena, kaghu, a ghone luane mutsingu ke na yabena. ²⁷ Gha nungiensa, Satan re wu na vegheme bungudu bu punze bademu, a ka bayikitsi benu, baghone punze yawu nde mu dine di nyi? Mu bungudu bu Satan? Sa mana! Kaghu a ghu ritsighe yenu re matase menu masa ma yelimina. ²⁸ Te gha ma punze ba demu mu Dinyunyi di NDAMBI, vana bundumbe bu NASAMBI bu mitse ghu tselu enu ²⁹ Ma ghu ritsighe yenu mughi mane dignange di punse ba demu. Mutu a se rungule nyingene ghu ndaghu diba ghele dine kale ghu gha nena kate ya bakudu. Gha tunge ya mikudu kora a ghu dile ndaghu andi. ³⁰ Babase ghone silile re Dinyunyi re didi ghone ve ma bungundu bu punze ba demu nde bakolitsi bami, na babase ghone ghukigha batu mure bake kalughe bayikitsi bami ba ghone panze. ³¹ Yenu dighone vaghere sa Dinyinyi dighone veghe me bungudu bu punze bademu. Kaghu ma yambile yenu re: botsu baba ghone dukuse bambatsi mirima, ba ba ghone senge bambatsi gha ba kalughe buyedi, na bare ghabuse kokolu yi gienza ghu NZAMBI, a ghu singe. Te a sake singile kokolu ghu yawu ba base ghone singile bambatsi kokolu, ne bonge usenge, na wu vongule Dinyunyi Disungema. ³² NZAMBI a ghu singile kokolu ghu buba ghone giele ma, ma muane mutu. Te, ma ghone lubuse yenu re NZAMBI a sake singile kokolu ghu yandi wu ke vongule Dinyunyi Disungeme nisi na ma papa nisi ghu bulongu buke rughe. ³³ Muiri wotsu wu munyi wu ka buri milunda miminyi, na muiri wu mubi, wuka buri milunde mimibi. Muiri umunyi wuka yabeni mu milunde miandi. ³⁴ Yenu badi dibure di mbisi, batu bababi, mughi yenu dighu yambile matase mamanyi? Mbare maka pusi muna maka burughi ghu murime. ³⁵ Mutu wu munyi a ka veghi busine bu mureghi wandi wu ka yakisi mambu ma buedi, na mutu wumubi a ka veghi busine bububi bu mureghi wandi wu ka yakisi mambu mabive. ³⁶ Na mayambile yenu re, mu wisi mutsundu batu ba ghu ve tsotsu mu mabighu mamabi ma tube nge yawu. ³⁷ Mu mabighu menu, yenu dighu lunsu, mu mabighu menu, yenu dighu veghu mbele. ³⁸ Ba scribes bamosi, na ba pharisiens ba yambile Sesu re "Mulonsi, yetu dighone ronde laba yilimbe ghi rughe ghu yu. ³⁹ Te Sesu ya ya ghule yawu re: Batu bababi badikiesi didi, na butsuari ba ronde la ilimbe te basake ritsughu nisi ghi mosi vengu ghi Jonas mubighitsi. ⁴⁰ Ghana Jonas a vaghe tsufu ireru na mabati ma reru ghu ghare di Fumu di ibere re naka vaghe muane mutu tsufu ireru, na mbati ma reru ghu time mutambe. ⁴¹ Bisi ninive baghu telema mu bile nenu mu wisi wu mutsundusu wu NSAMBI, mumbara ba sise wu vaghe mabi va Jonas a lubuse yawu. Mamitse ghu yenu, labanu mane dighobe vioghilile Jonas, kaghu, NZAMBI a ghu disosise. ⁴² Yivunde ghi tandu ghi mughietu. Ghi ghu rambughe mu wisi wu mutsundu na batu ba dikiesi diene bake veghe ya mbele mu mbare a rughe ghu tsombu bulongu mu yulu buedi su Salomon na lambanu, ghuyi mutu wumuene vioghilile Salomon. ⁴³ Dinyinyi didibi dighamu pule ghu ghare mutu, dika yendi ghu bitsigha bi yighangi nu wu bene mutu uke rungule ve ya polu. ⁴⁴ A gha bunu, a tase re: "Maghabughi ghu ndaghu yi biengama. Va ghabugha yandi, a dese re dinyunyi di Nsambi dise ghone rume monyu wu mutu wene. Monyu mutu wuyi munongu wu mosi gha ndaghu yi ghombulu, yi kunzu ne muasi. ⁴⁵ Koravana a re bonga manyunyi tsambu mamosi ma vioghilile ya bukanyi, na yawu botsu baghu tsaghele ghu mburene. Disukusulu di mutu wene di ghu bile pagha vioghilila na bile yandi ghu dibandu. Re nake bile batu ba dikiesi didibi ba batse yulu na lonsa ma. ⁴⁶ Va konde yambilenge sesu ghu piti, laba nguandi ne bane ba nguandi baba baghele baba bile mitela va kane, basidighe mutu mu yambile nandi. ⁴⁷ A vaghe re: "Laba, nguaghu na bane banghaghu ba ghone vingile va kane na ba ronde yambile naghu." ⁴⁸ Te Sesu a yaghule wu yambila nandi re: "Nguami nde nyi? Na banu ba nyuami nde banyi? ⁴⁹ Na songise ya goghu ghu bayikitsi bandi, "Monighanu , baba ra nguami na bana ba nguami. ⁵⁰ Botsu baba ghone vaghe dironde di tata yi ghu yulu, mutu wena re muane mama wu dibaghe la na wu mu gietu, na nguami."