¹ Ve dukiesi, Sésu a burugheghu ndaghu i nenzengu, andi anetsaghle ghutungu dirembu di Galile. ² Piti i dughi ghu tungu andi ne yandi a yende tsaghele ghu mbungu. Ne piti itelme ghu tungu bayulu andi. ³ Ne Sésu a yambile banongure: Mu varitsi a vateghu ye vara. ⁴ Va vare ngandi, mbi mi laghe ghu tunge nzile, bagnogni baneyi. ⁵ Bambi ba mosi tsi la ghe va mbure yimamagni ne mutambe pesu. Kěke ne tsio ubènde, ⁶ Va bale niangu, bivaru bine yumughe mumbare bibile ghu gha mianze. ⁷ Bambi ba mosi balaghe ghu ghare batsende. Batsènde baneboke bivaru. ⁸ Bambi bamosi bane laghe ghu mutambe wu buedi bane veghe time milunde mimbili. ⁹ Wune maru ane yulu. ¹⁰ Basalitsi bane yitseghu Sésu baretombe re: mughe nghuène yambile ne piti ghu ba nongu? ¹¹ Sésu ane ya ghule yawu re: Yenu dine véghu bu yedi bu yulu moamu mi Nzambi sa yawu. ¹² Mumbare wune bio aghu bakondu, ghu vare ake bile ne bimbili. Tu wu sa bio, ne biotsu bi nandi bi ghu bongu. ¹³ Re disine maguène yambile n'awughu nongu, mumbare na si batse bemine base ghuène babe,, nasi batse yulu, basa ne iva ve ghi ghuene yuluawu. ¹⁴ Re ngu ne Mirendu mi Isai mi vange re: yenu di ghu yulu ne maru, yenu dighu bemine ne misu, ne yenu di sake labe. ¹⁵ Re diyambile Isaï re: yenu dighuéne yulu, tu yenu dise ghuéne yululu, di ghuéne labe tu yenu dise ghuéne la bile. Mumbare murime wu mbubi yi usamognu, maru mawu matse time ghu u yulu. Bare nane ghu vare bakere sise uvaghe mabi ba kére bile ne nzalami ghu yobulawu. ¹⁶ Digni mu mbare misu menu ma ghuène la be, ne maru mu mbare ma ghuène yulu. ¹⁷ Imuanze, ma yambilenu, mbili ba lighitsi ne bmbile ba ba sunge me baronde ulabe bivave bighuéne labenu, tu base la be, ba ronde wu yulu maghuéne yu luénu, tu base yulu. ¹⁸ Yu lanu nongu yimuvaritsi. ¹⁹ Ghi labe mutu a ghuéne yulu musamu wu Nzambi ghu gha yulu sanu, dia buake yitse yibe musamu u kebili ghu murine. Re ngu ne bambi ba laghe ve tunde nzile. ²⁰ Bambi balagheghu mbure yimamaghi, re wu ke yulu musamu ne wuyake wone ignunge, ²¹ Tu a sa ne mianzi mi ughuare. Gha mingile mi bulongu mi naitse a ne sendughe. ²² Tsilaghe ghu batsède, re benge u bene maghi ne matase mawu make ghu bandole bake libeni musamu wu Nzimba ba sake vaghi make make rondi Nzambire bavaghi bare gha mutambe wu base batsènde. ²³ Bambi ba lagha ghumutambe wu mughi, re benge wu yulu musamu, re benge wu bure milunde. ²⁴ Sésu a yambile nongu yimosi re: Bufumu bu yulu bure nonge ne wukanighe gha mutu wu vare bambighu nu ngi andi. ²⁵ Nedi kíesi di lamenge batu, mukolitsi ane yitse vara bambi ba bive ane yendenge. ²⁶ Va bende bambi, ne biriri bi buanzi bi tutughe. ²⁷ Musalitsi wu nge nungi ane yitse yambile re: Munengitsi isa vara bambi ba ba gni ghu nungiaghu? Ake mughi ghu biriri bi bive? ²⁸ Ne ane yambile re: Isalu ghi mukolitsi. Ne basalitsi bane tombandire: ironde re diyétsula? ²⁹ Munengitsi ane yalaghewu re hene nzale yene utsule bivaru bibigni. ³⁰ Sisanu bibangu ghi ilonge ngu ne va di ke buke. Dikien diena, maghu yambile bengeubuke re: Buru lanu kire biriri bi bive, sunzanu tsu ghu ditungi bike yoku, kere vana ghu kighanu ba putu sunzanu ghu disase diami. ³¹ Ne vana Sésu ane balonzawu nongu imosi re: Musamu wunde were dimbi dibonge mutu ane vare ghu nungi andi. ³² Ne dimbi diéna re time di dikieki. Tu gha dime banguaghe, dike kalughi muiri wu munène ghu nungi yotsi, bagnogni bake yitsi vaghi mufu ghu mataki. ³³ Sésu ane bayambile nongu yi mosi re: musamu wu Nzambi wu gha leve yi bonge mughietu, ane pute ghu bietsughu bi reru bi mbu. Mbi ngu ne va make yo. ³⁴ Sésu a lonze piti ne ayimbile ke ghu banongu. Ase re diambu di vaghandi ghu gha nongu. ³⁵ Motsu mane ke ghu lonze ma yambile ba bighitsi: Na ghu yambile ghu banongu, maghu yambile ghubanongu biotsu bi sueghu va kunzu bu longu. ³⁶ Va yanze Sésu piti, yende ghu ndaghu. Babalitsi ba ghu ghulu va yandi bane tombe re: gni ghu le yeta nongu yi biriri bi bive bi bende ghu nungi. ³⁷ A ya lu ghe re: u vare bi varu bi bigni re me, muane fumu. ³⁸ Nungi re bulongu bu. Biraru bibigni re batu bake kielu ne Nzambi. Bane bandi. Bivaru bibive re batu babake vaghi motsu make rumu yawune diabe ghu vaghe. ³⁹ Mukolitsi uvare waru ghi buanzi re diabe. Dikiesi dikitse bavaritsi ghu bake re vake duke bulongu. Bavaritsi re bianze. ⁴⁰ Ne vane nake tungu biriri bi bive ne bio wuyoku ghu mba wi, rengu nake duke bulongu. ⁴¹ Muane Nzambi a ghu sindighe bianze biandi, ba ghu tsule biotsu bike vaghi mabi, ⁴² Ne aghu vera wu ghu mughile wu mbaghu, mbure yike bile bakondu ne wughuerisi minu. ⁴³ Batu ba sungume ba ghu vede me ghaniangu ghu biendumbe bu tayiawu. Babane maru ba yulu. ⁴⁴ Ne bundu me bu Nzambi bure were adole ba sueghu ghunungi ne mutu ane dighise tsîo ane sueghe. Anaebase ne igniunga, ave ye simbise biotsu bíbíle nandi, ne ya usumbe nungiene. ⁴⁵ Bundumbe bu Nzambi bure gha ngé maghasi aghuene bene misange mimigni. ⁴⁶ Va disandi umu gni, ane yende sumbise biotsu bibilandandi ghu wusembewo. ⁴⁷ Bundu mbe bu Nzambi bunde uvere disinge dime lobu ghu mubu dine tole bibere ghe labe disinge dime base balo bilitsi bane lobele disinge ne sunze dio ghutungu. ⁴⁸ Bare bonge bibére bibi gni ne u sunze ghu ponzi bibive bane vere. ⁴⁹ Vake duke bulongu ghu bile re nane. Bianze bighuitse Nzambi a ghu so sise batu ghu va dipasu di milongi ne batu bapolu. ⁵⁰ Baghu veru ghu mulumi mbawu, ghu ghu bilenge ke bakondu, utso ghe ne minu ughuele. ⁵¹ Yenu ditsulu mambu motsua? Basalitsi bane yaghu lande re: ⁵² Hê, yetu ditsulu. Sésu a yambile re ba cribe baba kalughe basalitsi ghu bundumbe bu Nzambi bande gha mutu wune ndaghu, ane vatise bivave bi nune ne bi mone bi bu kiti buandi. ⁵³ Va mane Sésu uyambile motsu mana, abonge ba salitsi bandi ne ba burughe ghu itsighe ghine. ⁵⁴ Va yendandi ghu Nazareth, Sésu a lonzenge ghu ndaghu Nzambi. Baba yulu nguandi baghibme ne bavaghare: ⁵⁵ Wu wu mutua sa yetu. Bubu buyedi bighuéne yitse nde ghugni? Ne a ghuéne bi muile bi nde tsegni? Yandi ke muane sarpendi, Mane re nguandi ne sak, sosef, simu nesuda re bane banguandi; ⁵⁶ Ne ba bule bandi baketsagheli ke ghu dimbu dietu. ⁵⁷ Batu ba ba bilenge vane babuse wu singe re: Sésu re Christi. Sésu ayambile re: Ghu sandi mubighitsi wuke singe ghu tsengiandi ne ghu ndaghuandi. ⁵⁸ Ghuse bile bi muile bi mbili va itsighe ghine mumbare base bile ne ghitu.