¹ Va mane Sésu wu véghe basalitsi bandi mighandu, ane yènde ghu ye lonzene ghu yeyambile musamu wu Nzambi ghumimbi mawu. ² Sà Baptiste va bilandi ghu tsughu, ayulungu mambu motsu ma vaghenge Christi, a sindighe bapeghi ne bayikitsi bandi, ³ Ne atombe re: Yure wuke sughe, vore divingelende wumosi? ⁴ A yaghule ne ave re: Yénde yambilianu sà motsu ma guéne labénu ne uyulu. ⁵ Babane pafu baghène labe, bikate baghuène telme, benge makiédi baghuène ghungughe, ba bane madibe baghuène yulu, babafu baghuène kundughe, ne batu babane aghuéne yulu musamu wu mugni. ⁶ Ne digni ghu mutu, wu masake vare ma séndughi. ⁷ Va burughenge babale mburine, Sésu a bandule wuyambile ne piti mu kondi yi sà re: yenu ditsié lande ghi ghu dighangi. Mulubi wughuine pupe ne divugha? ⁸ Ane yénu ditsié lande ghi? Mutu ne biduari biliema? Batu ba bane biduari bilioma baketsaghelighu bandughu ba bifumu ba tséngi. Te yénu. ⁹ Ditsie la bende ghi? Mubighitsi? Hè, mayambilénu, yandi a vioghilile mubighitsi. ¹⁰ Re disine ghu rende re: Biminanu mame sindighe kime va wusuaghu, wuke baliléyu nzile va mawusu maghu. ¹¹ Mayambilénu, nungiénze va ghane ghare botsu ba ba buru ne mughietu, ghu sandi wu rungele wu bile ivunde ghi sá mubatisi. Te mutu wugha ghobusu ghu bu funu bu Nzambi re nunde ghiandi. ¹² Musingi batsufu ba sá mubatisi, kuange ne ne mugní, bufumu bu Nzambi, batu ba bake gningeni ke ba ba ne ngudi. ¹³ Mumbare bi gighitsi ne mighíele ba yambile ngune ghu dikiési disa. ¹⁴ Gha yénu dibile ne ghitu, re yandi Elie, yandi re utse barughe. ¹⁵ Wune maru ma wuyulu, ayulu. ¹⁶ Mabaghesaru di kughu dine mugni nde negni? Bakegha bane babaghuene tambe vambure yi kikase, ba ba matsaghele ne ba va mindunge va ghane gharawu, ¹⁷ Ne baghuène yambile re: yétu ditse fulile yu di bike, ne yénu disa ghine. Yétu ditse yambilile yénu mambumapaghe yenu dise bile ne dingiebe ¹⁸ Sà arughe, ase ange dipè ne ase nuange malamu, bavangere, ane dému. ¹⁹ Muane mutu arughe, ayange ne anuange ne bava re: Labenu ane nzingine mu nuitsi, mbatsi bénge wutole lépu ne ba ba ne mabi! Te mabu mandi make ma imuanze. ²⁰ Ne vane Sésu aye yambile ne batu ba babile ghu mimbu ma vaghandi bi muile, mumbare base tombe kokolu. ²¹ Wubi ghuyu, whorazin! Wubi ghuyu, Bethsaïda! Mbéndere bimuile bine bivaghunde ghu tyr ne Sidu, na vaghu bimuile biéne ghu mbughénu, mbé yawu ba mane utombe kokolu mbe ba bonge ba péngine dibufu. ²² Te, wuisi wu mutsundu, mimbu mi Tyr ne Sidu baghu tsunduse ke ne dingièbe. ²³ Neyu, Capernaüm, yiya ndére bambatsi ba ghu yimbiléyu re ike make ghuyulua? Hé, ighu ghulumuse ngune ghu Hades; mumbare mbéndere bimuile bine bivaghu nde ghu sodome mbe yawu batombe kokolu ne mbé bake va mburène ngu ne nemugni. Tè mayambilénu diambu dighu bile dilenge ghu mutambe wu sodome wuisi wu mutsundu. Tè yénu disa me sise wu mabi. ²⁴ Nzambi a ghu vèghe mbèle batu botsu bi bive babake tsagheli ghu sodome, tèyu, yighu véghu mbèle yimbili wisi wu disuku sulu. ²⁵ Dikiési dine, Sésu ayambile re: Digni ghu yu tate, fumu yi yulu ne tsi, mumbare isuèghe matase mavioghilile, ne ilubese mò batu ba base nénge ne bane ba biléngi. ²⁶ Hè, tate, ne ngu naronde yu. ²⁷ Mambu motsu mane ma véghu mò ne tate, ghu sandi mutu wu yatsi muane venghu tayi ne ghu sandi mutu wu yatsi tayi véngi muane, he mutu wuke ronde muane wu lonze. ²⁸ yitsanu ghu me, yenu botsu ba bane ne argnuru vo vdene mbili mambu, make vèghe yé́nu polu. ²⁹ Bonganu mu fune wanai, mumbare mande ne murime wu sunde ne yénu di ghu dile polu. ³⁰ Mumbare mufune wami wu sa paghe wuke ulènge.