¹ Jesus na lèlè bo ndé: Mumbuli, mumbuli mè lèlè béna mé na baate va fuechi a béna ba basake pa kuade bo buyumunu bua Nzembi pamono ghu buo buayade na pinze vè ² .Tsughu samana va yule a vaana Jesus na yèndè na baduki bèndi: Pierre, Jean na Jacques ghu yulu mukongue. ³ Na ghèlè yindjime va misa ma bo. Lebunzu lèndi ni la yinguegha, mangoyi ni bada na lefuke li basa mone vè, lefuku le mutsuki bi bitsale a vè pose. ⁴ Lekesse muene Elie na Moise ni bayade va pedi a Jesus ni babande yambele na ndè. ⁵ Pierre na bongue ndaghe na lèlè ndé: Chinguese ti letonge ba ghoveghe batate: mu mochi wua wuè, mu mochi wua Elie, mu mochi wua Moise. ⁶ Pierre asa baba na mabigha makime vè, sabona baduki bana bakuadenga na bome. ⁷ Lébungi ni ladibe bo, bo ni ba yogha ndagha ya lèlè ti: A wunewu muana a mè wu mè tonde yoghelani ndè. ⁸ va kèti a vane, bo bakengusè mu mbada bo basa bamono mute mukime vè, ndile Jesus. ⁹ Bo ba bada ka mukongo bakolene, Jesus na léghé bo ndé: Ya lèla ni mute mambe ma béne lémoni nachi Muane a mute aka sogha ghu leku ¹⁰ . Ni bakèlèngue guidi muene mo na fulesenengue lesotese la soghe ghua ghu leku. ¹¹ Bo ni ba fule ndè bo: Muki ba Scribes ba lèlè bo wu ka yighabughe kèti a tsomi Elie? ¹² Ndè na yaghele ndé: Elie a ka pa yade kèti a tsomi mu songuese mambe ma motsi. Bakome bo Muane a mute na mone mimbonde mia lotele mu makake ma baate ba bavide ndè ¹³ . To mè lèlè béna mé Elie a ma yade, na bo ni ba sade ndè mambe ma bo ba tonde ngana bu ba kome mu mabighe ma Nzèmbi. ¹⁴ Va bo ba ghabeghe ghu yitchighe chi baduki bèndi ba bade, ni ba bakese piti a baate yadinga bo, ni ba sosongue bona ba Scribes. ¹⁵ Ba mone Jesus ni ba padena ni ba yèndè matine ghu yi buane na ndè. Ni ba yake ndè na chianzene. ¹⁶ Jesus na fule bo mu biki bo ba sosonengue na béna? ¹⁷ Mute va tso piti na yaghele ndè ndé: Kumu mè tsuèleli wuè muane a mè. Lenioni lalebi laghade ndè ndile ka yimèmè, na yambeghengue, ¹⁸ A ka ghuèdèngue makéke. Mè léli baduki bawè mu bèlèsè ndè basa tughili vè. ¹⁹ Jesus na yaghele ndé : Baate ba ngua mitéma bunone ba, makèsè kuè mè ka badenga na béna? Makèsè kuè mè ka vokedengue béna? Tsuala ni muana muènè. ²⁰ Bo ni ba tsualele ndè muane. Lenioni lelebi le mone Jesus ni laraghesa muane ghu tso niambe, na tchighe va tote, lekéngui ni la polenge ghu tso munio ndè. ²¹ Jesus na fule tate ndè, ndé makèsè ka kuè ndè lidi bunubu? Tate a muane na yaghele ndé lebande la tchiambe va bouguebe buendi. ²² Makèsè motchi lenioni lelebi latètènguè ndè ghu tso mbuaghe, na ghu tso mambe. Lo layèleghè bome ndè. Ti wuè na leniaga mu peti tchiambe, sade, mo bése tinga, yamese bése. ²³ Jesus na lèlè ndè: Ti wuè lidi na chite, mambe motchi paghè vè ghu lidi mute wua bole lebioghe. ²⁴ Tina tina tate a muane na chimene ndé: Mè chilele, boghele mè mè ngua mutéma bunone. ²⁵ Va Jesus a mono piti a baate ya yade ghu lidi ndè na kambeghe lenioni lelebi ndé: Mè lèlè wuè mé pole ghu tso nuitu a muane whu, yaba ghabeghe mambise. ²⁶ Lo ni la buameghe na bukèni. Muane na yambeghe, va yule a vana lenioni lelebi ni la pole ²⁷ . To Jesus na kuate ndè mu lekake, na temesè ndè, muana na temenè. ²⁸ Va Jesus a niguele ghutso nzo, baduki bèndi ni bafulu ndè va tso kundu bo: Bése muki lesa tughui funzu lenioni lelebi vè? ²⁹ Ndè na yaghele bo ndé: Mulinga a le lenioni muènè la pole ndile na lebonde. ³⁰ Bo bayèndè ni ba vioghe ghu Galileé. Jesus asa tonde ndé bayabe ghu bo bade vè. ³¹ Muti ndè longuichingui baduki bèndi. Ndè na lèlènguè bo ndé Muane a mute ni ba vaghele mu makake ma baate ba kabome ndè. Va yule a vana ndè na soghe mu letsughe la mutate. ³² To bo basa tchikesè lebighe muènè vè , na base yeleghè ndè fule lesotese la lo vè. ³³ Bo ni batode ghu Capernaum. Va bo ba ninguele ghu tso nzo Jesus na fule baduki bèndi ndé: Béne biki leyembilingui mu ndjile? ³⁴ Botchi basa ba tsoghe ndaghe vè, muti bo basa saghengue wu ka bade yivonde va fuèchi a bo. ³⁵ Ndè na tsaghele, na tède botchi ba lekumi na bole, na lèlè bo ndé: Wotchi wua tonde bade wuatsomi a pa bade wua chikele a botchi, a bade museleli a botchi. ³⁶ Ndè na bongue muane mukeghe na temese ndè va fuèchi a bo. Na kuatele ndè va tso makake mèndi na lèlè bo ndé: ³⁷ Wotchi wua yake muane a nguèbe ngane a muane whu mu ndoghe a mè, ndè a ma yake wua yake mè. Ti mute a yake mè na moni a wua tchindeghe mè. ³⁸ Jean na lèlè: A Mulonguichi, bése le moni mute a funzu manioni ma mabi mu ndoghe a wuè, bése ni lelighui ndè, muti ndè asa lidi na bése vè. ³⁹ To Jesus na lèlè ndé: sa léghani muti, mute achi toghe sade yisale chi yibuè mu ndoghe a mè, mane a ka lèlè tchiambe lelebi vè. ⁴⁰ Mute whu sa bèle bésa béna vè, na besa béne a lidi . ⁴¹ Peti mutu wua vède yibungu chia mambe mu ndoghe Christ, mè lèlè béne mumbuli, mé asa ka vide mutsamene ndè vè. ⁴² Whotchi whua raghese mumochi, whu lidi na chite mu mè vatso béna, buédi ti ba ghade ndè lemani mulekinga ba tètè ndè ghu tso mubu wua vè na ngule. ⁴³ Ti lekake lawuè raghese wuè, buédi mu kèsè lo. ⁴⁴ Muti buédi ghu li wuè mu fua moyi wua mubu na mubu na ghoghe yitini, a mu yèndè ghu mbuaghe na mioghe miole vè. ⁴⁵ Ti ghule chia wuè chia raghese wuè, kèsè chio, muti buédi mu baghe moyi wua mubu na bu na ghule yimochi a mu ba ka tètè wuè ghu tso mbuagha na mile miole vè. ^{46 47} Ti dise lawuè le raghese wuè, soghole lo muti buédi mu ninguele ghu tso buyumenu bua Nzèmbi na yipoti, a mu bade na mise mole ba ka tète wuè ghu tso muludi a mbuaghe vè ⁴⁸ . Ghu yibabede na mbuaghe bisa dime vè. ⁴⁹ Muti mbuaghe yikabade ka musèghui mu niute a mute wotchi. ⁵⁰ Musèghui yikumbe chi yibuè, to ti ndè nièghe ya fuade batoghe yo baghabese? Badani bé muènè miseghi, na badani na pole penguidi a béne bambèghi na mbèghi.