¹ Mu tsu muene, ghua bade na piti a bate mfua yovè, mana biele tchiavè. Jesus na tède ba duki bendi, na lèle bo ndé: ² Mè tinge a bate ba mè mono, bo ba ma sa tsughu tate nèmè, bo bia tchia vè. ³ Ti mè ghabesse bo mu ma nzo ma bo, bo tchiada vè, ba toghe yambeghe mu djila. Ba kè bèle vè ba mata. ⁴ Ba duki bendi ni ba yaghele ndè: Ka ghu la baghe lepè va itchighe cha leghengui chi, mu vè bo? ⁵ Jesus na fulu bo: mapè kue bé leli na mo? Bo ni ba yaghela: Tsambe. ⁶ Jesus na lèle bate ndé: tsaghelagni mu toto. Ndè na bo mapè ba tsambe, na ghabesse bubwè ghuli Nzembi, na bokle mapè, na vè ba duki bendi mukabela baate. Bo ni ba vède bo. ⁷ Bo ni bade na mwa batchui ba bakèghe. Jesus a mane ghabesse Nzembi bu buè, na lèle ba duki bendi mu kabele bo. ⁸ Bate ni ba tchia, ni ba mo bubuè. Ni ba tole matighe ma biéle ma masala. Ma pondji tsambe ma bassa. ⁹ Boni baba va yitchighe muène mitochini mi na mia bate. Jesus na ghabesse bo ghu mbogha bo. ¹⁰ Tina tina, ndè na naghe ghutso mbungu bona ba duki bendi, ni ba yende ghu Dalmanutha. ¹¹ Ba Pharisiens ni ba yade, ni ba bande tsonde na ndè. Bo ni na fule ndè ilemba chia mate ghu yulu , mu tchise ndè. ¹² Jesus a tchikesse, na bungudi bwa lenioni, na lèle ndé: Muki imbisse chi chia fule me ilemba? Mumbuli mè lèle béné, chi imbissa i sa ka mo ilembe mue vè. ¹³ Ndè na nia bo, ni ba naghe mu mbunghu, na yende ngulu mudibe yena. ¹⁴ Ba duki ba Jesus ni ba dimbela bonge mapè. Ni Ghua salenge lebuku lemochi la lepè. ¹⁵ Ndè na komene bo ndé: yi rambelagni mu tsegheli a ba Pharisiens na ya Herode. ¹⁶ Ba duki ba Jesus nia ba bande sose fuechia bo: tsotso mapè bo ba dimbila. ¹⁷ Jesus a yaba ndé bo tsonde ba tsonde, ndè na lè bo: bé muki la sose mu mapè na? Be le sa tchikichi ki vè? Be le sa ditighi ki vè? Be mutema bunono? ¹⁸ Be na misse, be le sa movè? Be na matchui, be le sa yovè? Be le sa tchikesse vè? ¹⁹ Ma pondji ma bapite kue ma sale va yula bongela mitochini mi tane mia bate na bapite ba tane? Bo gni ba lèle ndè: lekumi na pondji mole. ²⁰ To va me tchiadesse mitochini mi na mia bate na ba mapè tsambe, ma pondji kue ma sale? Bo ni ba kale ndè bo: ma pondji tsambe. ²¹ Ndè na lèle bo: Na chia lolo,be le sa ditighi ki vè. ²² Bo ni ba todo ghu Bethsaida. Ni ba tsuale ndè mupepidi, ni ba bonde ndè mu belesse ndè. ²³ Jesus na kuatele mupepidi muene mu lekaka na yende na ndè ghu tsombo a bola. Va yula vana, na ghide matè mendi mu misse ma mupepidi, na béke makaka va yula misse, na fule ndè ndé: Wè mo ikumbu? ²⁴ Ndè na chimbele misse, na lèle ndé: mè mone bate to ngana binchidji bia miti bia yende ²⁵ . Jesus na ba ghabeghela ndè beke makaka mu misse. Na lèle ndè mu kengesse. A vana misse mendi ni ba yalegha, ndè na mono ndi ka kengelè. ²⁶ Jesus na ghabesse ndè ghu nzo ndè, na lèle ndè: ya lota ghula pochi. ²⁷ Jesus bona ba duki bendi ni ba yende ghu bola bu ba tède Césarée de Philippe. Mu ndjila,ndè na fule ba duki bendi ndé: Ndoghe yi bate ba tede mè na? ²⁸ Bo na yaghele bo: bana ba tède wè Jean Baptiste. Bana bo Elie; bane na bo mubighi a mambe. ²⁹ To bena ndoghe yi be la tèmè na? Pierre na yaghele ndè: we Mwana Nzembi. ³⁰ Jesus na komene bo ndé: Ya lèlagni bate. ³¹ Va yulu a vana, ndè na bande bo longichi. Ndè na lèle bo ndé: Muana Mutu, bubue a mo mimbondo mia lotela, bibutu bia bivonde bia lebundu, ba bondili ba bate Nzembi, ba scribes, gni ba bèle ndé, ni ba bome ndè na ghu leku; tsughu tate ya vioghe, ndè na sogha ghu leku ³² . Ndè lèle bo lo kengele. Va yulu a vana Pierre na tède ndè va lembada, mu sembe ndè. ³³ To Jesus na gheleghe, na kengesse ba duki bendi, na kambeghe pierre ndé: Mate va pedia me, wè mubéli. Be le sa saghe mambe ma buyumune bua Nzembi vè, to ndi mu ma buyumune bua baate. ³⁴ Ndè na tède baate, na ba duki bendi na lèle bo ndé: Ti mutu a tondo duke mè, ndè ka tamena ndè muene, ndè ka pape kurusu na duke me. ³⁵ Wu ka kèle moyi a ndè muene, na niambesse ndè, to wa niambesse ndè mu mè na mu mabighememè, na potoghe. ³⁶ Yiki mutu a baghe tia bonghesse legnugni lendi mu bagha mambe ma bulonge buotchi? ³⁷ Yiki mutu a ka sobichi na cho mu sombe legnugni lendi? ³⁸ Wu ka mone tsonia mè, na ya mabighe mème, ghutso yimbisse chia lolo, chia sengue makeli, na sa mabi, mè Muana Mutu, va mè ka yade na batome ba yulu ghutso buyumune bwua tata me, mè ni tone ndè.