¹ Ba Pharisiens nibakokena va pedia Jesus naba Scribes bake baba yada ghu Jerusalem. ² Boni ba bamono ba duki ba Jesus bakima ba tchiadange na mbinde, lele ghua ti: bo basa tsoka makake ma bo vè. ³ To Ba pharisiens na ba Juifs basa tchiade ti makake pa fua tsoke vè, ngane bu bichidili bia mambe makale ma lèlè. ⁴ Va ba Pharisiens ba yigabege ghu yitchigha chia mughungui, bo basa pa sondele tchiade ti bo payobe mambe vè. A ghona na bichidili bia mambe makale, bi bo basa kagheghe na bio vè, na tsoka ghua bibungu, na matsoba madighe, na makuange ma va tanda nzo. ⁵ Ba Phrisiens na Scribes niba dumu Jesus ndjide bo: Ka muki ba duki bawè basa ghobichi bichidili bia mambe makale vè. To bo tchadenge makake tsoke vè? ⁶ Jesus na yagele bo ndé: Esaie Mubighi a mambe ayaba tchiambe muènè, baate muènè ba yimbese mè ndila na minio pénza, to mitéma mia bo vale nème. ⁷ Yibondili chi boba bonde me tsonge vè. Na boba kome mi mighagha mia baate ngana mambe ma bo makale. ⁸ Bé lema tamene manguidi ma Nzèmbi mu katena na bungudi na bichidili bia mambe makale. ⁹ Ndè na ba lèlè ndé: Bé lematembegha manguidi ma Nzèmbi mukèlè mambe makale! ¹⁰ To Moise a lèlè ti: Ghobichi tata wè na nguawè, to wua yambele mambe mamabi guli teyi a vo nguèndi a chi fua moyi vè. ¹¹ To béna la lèlè ti mute a lèlè tata ndè vo nguèndi ndé: bi mè mbé vèdè wuè, yo nzole a Nzèmbi. ¹² To béna lesa chingese ndè mu yamese tate kèni nguèndi vè. ¹³ Béne le mabunzulu manguidi ma Nzèmbi, mu bichidili bia mambe ma ba ghulu ba niagha, baate mfua bovè basade mambe muènè ndile mulinga mumochi. ¹⁴ Ndè na batèdè piti a baate na lèle ndé: yoghani mè bé botchi, tchikesani. ¹⁵ Wu salidi nabi bi bia mate ghu mbèdi, na bi mutu a mina bisa ganza ndè vè, to biotchi bi bia mate ghutso keti ndè. ¹⁶ Bi biapola ghu tsokèti a mutu ni bia ghanza ndè. ¹⁷ Va Jesus a mata piti a baate, na ningela ghu tso nzo. Baduki bèndi ni bafulu ndè lesotese la kokome muènè. ¹⁸ Jesus na lèlè bo ndé: Béna lesa tchikisi ki vè? Béne lesa mono ti biotchi bi mutu a tchiade bisa ghanza ndè vè. ¹⁹ Muti bio bisa ningele ghu tso mutéma a ndè vè, to ghu tso moyi a nde, tso bio bika yèndè ghu tsome. Mu lebighe muènè Jesus a tondengue lèlè ti biotchi bi batchiade bia tendeghe bilidi. ²⁰ Ndè na lèlè bo ndé: Bi biapole ghu tso kèti a mutu ni bi bia sambese ndè. ²¹ To ghu tsoketi mutema a mute ni ghu ghua temenè matase mamabi: bumbèmbè, yiba, bome ghua baate, bukèli, ²² lenuingui, bukèni, bupupulu, nzala a bagha, lekani, kabela ghua kase, na lèdi. ²³ Mambe muene motchi mamabi ma mate ghu tso mutéma a mutu. Mo ni ma maghanza mute. ²⁴ A vaana ndè na yèndè ghu mussenge Tyr, na Sidon. Ndè na ninguele ghu tso nzo, to a sa tonde ndé baate ba yaba ghu ndè lidi vè, to asa mbé toghe suèmè vè. ²⁵ Va keti a vaana, mukase wua bada na muana a ndè wua mukasa, wua bada na manioni mamabi, nde yoghe tsanga a Jesus, na yada, na some mabongue va busu buèndi. ²⁶ Mukase muènè wua lekake la Syro-Phénicienne. Ndè na bonde Jesus mu funzu lenioni lila bada ghu tso muana ndè. ²⁷ Ndè na lèlè ndé: Pa niagha baana ba pa tchiada, to ghu salidi buédi vè mu bongue biéle bia baane mu tètèlè bio ghuli baane ba bamvuèndi. ²⁸ To ndè na kale ndè ndé: kumu na moni baane ba bamvuèndi ba balidi ghu tchine table batchiada matsetsengue ma baane. ²⁹ Ndè na lèlè mukase muènè ndé: muti weleli bone, yèndè na pole, muana a wuè a potoghe. ³⁰ Ndè na yèndè, na bakesa muana ndè a lasa ghu yulu a tengui, lenioni lelebi lemamane pole. ³¹ Ndè na yèndè ghu musengue aTyr tso na ghabagha mu Sidon ghu pedia mubu na ngule ya Galileé musengue a Decapole . ³² Boni ni ba tsuale ndè yimèmè, ni ba bonde ndè bo ni béke ndè miogho. ³³ Na bongue ndè va lembade, vale na piti a baate, na sade nde milémba mièndi ghu tso matchui, na belese lelimi lèndi na lekéngui. ³⁴ Nde na kenguese gu yulu na vome mbuli a mbuli na lèlè ndé: Ephphatha sopele ghua ndoghe muènè: Badibili. ³⁵ Jesus na dibele matchui mèndi, na potole lelemi lèndi mu ndé na yambele buedi. ³⁶ Ndé ya lèlè bo ndé: bada lingui. ³⁷ Bo botchi ni ba ghémba niba lèlè bo: Ndè chidi mambe ma mabuè. Kutchi ka yogha, yimèmè ka yambele.