¹ Jesus na mate va yitchighe muènè, na yèndè ghu yitini chia musenguè wua Judée, va busu bua Jourdain. Piti a baate ni ya bayade ghuli ndè. Ndè na longuichi bo ngana na bukale ² . Ba Pharisiens ni ba kukele va pedi a ndè, ni ba fule ndè bo: "Mulumi a bome lekuèle na mukèdi a ndè, lo tchiambe le lebuè? Yi fulechi muènè chia bade ndile mu yèlèghè ndè." ³ Ndè na lèlè bo ndé: Moise abade buni a lèlè béne ghu tso yichiangue chia mighaghe?" ⁴ Bo ni kale ndè bo: Moise a chinguese ndé lebaghele na pa ghabese mukèdi ghu ngaghe a ndè, a kakome yichiangue chia bome ghua lekuèle" ⁵ Jesus na lèlè bo ndé ndile mu bunone bua mitéma mia béna ndè komele béna mughaghe muènè. ⁶ To ghu lebande la tsènguè, Nzèmbi asade lebaghele na mukase. ⁷ Na lèlè bo ndé lebaghele ni lemate tate a ndè, na nguèndi, ⁸ a ka bughene na mukèdi a ndè, bo ba boli ba ka keteghe nuite ka yimochi. ⁹ Ni mulo, buédi vè ti mute a ka kaghele ba Nzèmbi a ma bughese. ¹⁰ Va bo ba bade ghu tso nzo, baduki bèndi ni ba basade ndè yifulichi ndile nichio mu tchiambe muènè. ¹¹ Na lèlè bo ndé: Mute wotchi wua bome lekuèle na mukèdi a andè, a ka bakuèle mukime, ndè bukèli a buichi va mise mèndi. ¹² Na mukase na ndè, ti a bome lekuèle na mulumi a andè a ka kuèlene na lebaghele lekime, ndè bukèli a buichi. ¹³ Baate ni tsuale ndè baane ba bo banguèbè mu bo ndè bèmbè bo. To baduk bèndi ni ba ghabesegue bo mbisse. ¹⁴ Va Jesus a mone bone, ndè na kuadele bo kéchi, na lèlè bo ndé: Chinguesani baane ba banguèbè ba yade ghu lidi mè, ya kubusani bo. Buyumune bua Nzèmbi bua yada ghuli baate ba bali ngane a bo. ¹⁵ Mumbuli mè lèlè béne mé mute pèti ndè wua vè chinga buyumene bua Nzèmbi ngane muane nguèbè, mè tase mé asa ka ninguele ghu tso buo ti pése vè. ¹⁶ Va duke vana, ndè na pote banguèbè na mioghe mièndi, na béka bo makake mu vèdè bo misangue. ¹⁷ Va ndè bade ka mubuke a yèndè, mute mumochi na yade matine, na some mabongue va busu buèndi, na fule ndé: A Mulonguichi wu mubuè wu, mè yiki mè kisade mu baghe mukuani a moyi wua mubunabu? ¹⁸ Jesus na lèlè ndè ndé: Wuè muki wuè tède mè wu mubuè? Mute mubuè ti mumochi vè, wuli bubue ndi Nzèmbi ndè pénza ¹⁹ . Wuè yèbi manguidi "Wuè sa ka buise bukèli vè, wuè sa ka bome vè, wuè yibe vè, wuè sa ka pase bumbanze bua kute vè, wuè sa ka vèdè mute ti mumochi mbèlè matsuake vè, yimbese tate wuè na ngua wuè. ²⁰ Mute na lèlè ndè ndé: A Mulonguichi, mè ghobichi mambe muènè ma motchi bande bunguèbè buème ²¹ .Jesus na kèghèse ndè, na mone tinga a ndè. Na lèlè ndè ndé: Wuè kèmbi na yikumbe yimochi. Buédi ti, wè sombese biotchi bi wè lidi na bio, wè vèdè bitute bio. Wè ni baghe buchine ghu yule. ²² To ndè mane yogha ma Jesus a lèlè ndè, mutéme a ndè na duke. Ndè na bade na mutchime wa lotele, na mate vane, na yèndè muti ndè bade na buchine. ²³ Jesus na kènguèsè mu pédia andè, na lèlè baduki bèndi ndé: "Paghe ghu lidi bangua buchine mu ninguele ghu tso buyumune bua Nzèmbi" ²⁴ . Ba duki ba Jesus ni ba ghémbe mu mabighe muènè. To Jesus na ba lèlè bo ndé: "Baane bèmè, paghe ghu lidi na ba basade chite mu buchine, mu ninguele ghu tso buyumune bua Nzèmbi. ²⁵ Niame whu batèdè Chameau paghe mu ninguele va tso puku a tsongui, to ngua buchine paghe mu ninguele ghu buyumune bua Nzèmbi." ²⁶ Bo ni ba ghembe ghua lotele, ni ba lèlène bomuènè na bomuènè bo: A vane va whu ki toghe poteghe ka na? ²⁷ Jesus na kèghèse bo, na lèlè ndé:" a mane paghe na baate, to a na Nzèmbi vè. Muti bikumbe biotchi paghe vè na Nzèmbi. ²⁸ Pierre na yambele na ndè ndé" Mone, bése biotchi la tamene mu duke wè. ²⁹ Jesus na lèlè ndé:Mumbuli mè lèlè béne mé va sa lidi na mute ti mumochi wa na, niaghe nzo ndè, na baane ba banguèndi baba baghele, na ba bakase, na tate andè, na nguèndi, na baane bèndi, na yinangue chèndi mu mbate a mè, na mu mbate tsangue yi yibuè. ³⁰ Wa vè baghe mulolo yi, na nzo, na baane bangu baba baghele na baba bakase, na bangu, na baane, na binanaga, bi bia lotele mu bulongu bunebu,ti bade ghu tso mughide, na moyi wua mubunabu ghu bulongu buaghu busu a muénde. ³¹ To bakunu ba bade tsomi ni ba bade chikele, ba bade chikele ni ba bade tsomi ³² Bo ba bade ka mundjile mu yèndè ghu Jerusalem. Jesus na yèndènguè va busu bua bo. Ba duki ba Jesus ba bade ka na matase ma mayonga, bo ni badukungue ndè na ngonge. Jesus na batède baduki bèndi ba lekumi na boli va lembade; na bande lebele bo mu mambe ma ma ka yadele ndè: ³³ Monani, bése béna ka ghu Jerusalem la yèndani, Muane a mute ni ba vaghele ndè ghu lidi bivonda bia bondili bia baate Nzèmbi na ba Scribes. Ni basade ndè kondini yii na ghu leku, ni bavaghele ndè na baate ba vè ya Nzembi. ³⁴ Ni ba sèbe ndè, ni ba tutule mate mu niute a ndè, ni ba ghobè mibèmbi, ni ba bome ndè yii na ghu leku.To va va yule va tsughu tate yi ka lote, ndè na soghe ghu leku. ³⁵ Jacques na Jean baana ba Zébédée ni ba kukule va péndi a ndè ni ba lèlè ndè bo: "A Kumu, bésa latonde ti wè sadele bése mua tchiambe. ³⁶ Ndè na lèlè bo ndé:" Béne yiki béne la tonde ti mè sadele béne? ³⁷ Bo ni balèlè bo" chinguese bése mu tsaghele na wè ghu tso buyimbe bua wè, mumochi ngule a mbaghele, a wone ngule a kase." ³⁸ To Jesus nayaghele ndé: Béne le sa yèbi li béne la fule vè. Béne la toghe niode kope whu mè niode mu muvake, voki uchite ghua batème yi mè bongue mu muvake? ³⁹ Bo ni ba lèlè bo: Bése tchitse na tchitse le lidi. Jesus na lèlè ndé: Kope wu me ka niode, béne la toghe ndè niode, batème yi mè ka bongue, béne la toghe chita mu bongue yo. ⁴⁰ To mu tsaghele béne ngule a mè ya mbaghele voki ngule a mè ya kase, a léna mè sa lidi na butome vè; a léna ndile ghu lidi ba bachile lo ba ka vède. ⁴¹ Va duki ba Jesus ba lekumi bana bayoghe lo, bo ni mone Jacques na Jean kéchi ya lotele. ⁴² Jesus na tède bo, na lèlè bo ndé: Béna lèyèbi ti ba bakèngèsè ngane bivonde bia matsègue ba ghedese bo, na bineni ba tchate bo ⁴³ To lo le sakabade ngane bona vatso keti a béna vè. Mute pèti ndè whua tonde keteghe yineni va fuèchi a béna, a bade musèli a béna . ⁴⁴ Na mute pèti ndè whua tonde bade tsomi va tso fuèchi a béna, a bade muvéghe a botchi. ⁴⁵ Muti Muane Mute asa yade mu ndé ba salele ndè vè, to mu salele baate ba kune. ⁴⁶ Bo ni ba tode ghu Jericho. Va ndè mate ghu Jericho bone baduki bèndi na piti baate yi yénéni, ghua bade na mute ndoghe a ndè Barthimée, muane a Timé, mupèpidi ngua levonde a tsaghele va tungu a ndjile. ⁴⁷ Va ndè yoghe ndé Jesus muchi Nazarette mu ndjile a lidi, ndè na bande buameghe na lèlè ndé: Jesus, muana a David, momè tingue. ⁴⁸ Baate nfua bo vè ni ba sèmbe ndè na lèlèngue ndè bo bachui, to ndè na buameghe mbuli a mbuli, Muane a David, mone mè tingue. ⁴⁹ Jesus na tèmenè, na tome ndé ba tède. Ni ba tède ndè, na lèlè ndè bo: "Kame mutéme, tèmenè, ndè wè a tède." ⁵⁰ Ndè na vède lengoyi lèndi la yibubu, na tèmenè funzudu, na yèndè ghu mboghe Jesus. ⁵¹ Jesus na fule ndè ndé: Wuè yiki wè tonde wo mè sadele wè? Mupèpidi na lèlè ndè ndé: A Kumu, mè tonde mone na mise mème. ⁵² Jesus na lèlè ndè ndé: Yèndè, chite chawè yipotili wè. Va kèti a vana na bèleghè, na mone, na duku ndè.