¹ Va bo ba kukulungu ghu musenge à Jerusalem, va pédia bole bua Bethphagé na Bethanie, ngulu mukongo ba oliviers, Jesus na tchindeghe baduki bendi boli. ² na lèle bo ndé: Yendagni ghu bole bua busu. Va keti va béne leki tode, bena la mone muana niama wu ba tède ane ba kotela, wu mutu ti mu mochi a sa ma naghe ghu yulu à ndè vè. Niangelani ndè, tsualani mè ndè. ³ Ti mutu a fulu béne ndé muki béna la sade lo? Yaghelani ndè ti: Kumu na nzala ndè. Tsovana ndè ka niangese ndè mu yade ghuni. ⁴ Bo ni ba yende, ni ba bakese muana niama ba kotela, va mbedi, ngula ndjila, va pedi mugno nzo. Bo ni ba niangela ndè. ⁵ Baate bakè ba bade vane, ni ba fulu bo: Muki béna la niangele muana niama wona? ⁶ Bo ni ba yaghele bo ngana bu Jesus a lèle bo. Va kagni va bo ba chingese bo mu béte ndè. ⁷ Baduki bendi ba boli ni batsualele Jesus muana niama wu ba tède ane, bo ni ba témbe bighubu va yulu a ndè, muti Jesus a ka naghe ghu yulu a ndè. ⁸ Baate bakunu ba yalenge matsande mu ndjila, bakima ba yalenge mitso mia bitake bia miti bi bo ba kesenge ghutso manungi. ⁹ Baba yendenge ghu busu, na ba dukunge ghu mbisa ba chimenenge: Hosanna! Malumbi na wa yade mu ndogha Kumu. ¹⁰ Malumbi mu le ya la buyumene bua tata besabene David. Hosanna ghu ketia yulu. ¹¹ Jesus na ningele ghu musenge à Jerusalem, na yende ghu nzo Nzembi. Va yula vane ndè na yimene bikumbe biotchi, buchi a ba ka butsughu,ndè na yende bona baduki bendi ghu Bethanie. ¹² Na ngueli mbèdi, ndè na tèmene mu mate ghu Bethanie,to ndè na mone nzale. ¹³ Ndè na talele muti ghu vala, na makayi mfuamovè. Va ndè kukulu va pédia muti muene, na bakese ndile makayi muti lekese muènè le sa bade la milonde mi ba tède figues vè. ¹⁴ Ndè na lèle muti muène ndé: Mutu ti mumochi a sa ka ba tchade mulonda wè vè. Baduki bendi ni ba yogha. ¹⁵ Bo ni ba tode ghu Jerusalem, ndè na ningele ghu nzo Nzembi, na bande funze ba sumbichi bona ba sumbi ghutso nzo Nzembi. Ndè na bondele bitale bia ba sumbichi na bitchigha bi ba sombese ma makonda. ¹⁶ Ndè sa gniaghe mutu ti mumochi mu tsuale ikumbe cha sombese ghu nzo Nzembi vè. ¹⁷ Ndè na longichi bo ndé: Ba sa kome bo; Nzo mè, ni ba tèdenge yo: nzo lebondo, ya matsenge motchi? To béna le ma kalese yo ka yibuenili chia mibongi. ¹⁸ Ba bondili ba baate Nzembi bona ba scribes ba yoghe ma ndè lèlenge, ni ba saghenge mu bome ndè. Na mumbuli bo ba bade na bome buendi muti pitia bate ya badenga na nzala yogha ma ndè longichingi. ¹⁹ Na mungumbi ndè na mata musenge muènè. ²⁰ Va bo ba yighabeghe mambisa mona, na ngueli, bo ni ba mone muti a ma kagni wotchi na ghu mikengi. ²¹ Pierre na bangele, tsovana na lèle ndè: A mulongichi mona! Muti wu wè chibila a kenini. ²² Jesus na tole ndaghe na lèle bo ndé: Badani na chite ghuli Nzembi. ²³ Na mumbuli mè lèle béna, mutu a ka lèle mukonge wu ndé: Nzembi a dubele wè na tète wè ghutso mubua vè na ngulu, ti ndè lèle lo ghua vè ba mapagha ghutso mutema ndè, to ndè ka bade na chita mumbata li ndè leli, lo la songena, lo ni li Nzembi a ka sade. ²⁴ Ni mu lo, mè lèle béne mé biotchi bi béne leka fulu ghutso lebondo, tasa ni ti bé le ma mane bio bagha. ²⁵ Va wè lidi mutèle ghu lebondo, wè ka boghele motchi ma wè sade mu mbata mutu, muti Tata bena wa keti yulu a ka boghele na ndè mabi ma wè. ²⁶ To ti béna le sa boghele vè, tata béna wu lidi ghu yulu a sa ka boghele mabi ma béne vè. ²⁷ Bo ni ba ighabeghe ghu musenge a Jerusalem. Lekèse li Jesus a tchengelenge ghutso nzo Nzembi, ivonda cha ba bondi ba baate Nzembi, na ba scribes, na bivonda bikima, ni ba yende ghu mbogha ndè. ²⁸ Bona lèle ndè: Lèle bésa; Bungudi bu wè sade mambe ma motchi ghu bua mate? wa vè bungudi muene na? ²⁹ Jesus na yaghele bo ndé: Mè fulu béne yifulichi. Béna leyaghele mè, tsovane mè lèle béna ghua mate bungudi muene. ³⁰ Baptème a Jean yo yulu ya mata voki ghu mbogha bate? Yaghelagni mè ³¹ Bo ni ba yambelenge fuechia bo muene, na lèlenge: Ti la lèle ti ghu yulu ya mate, ndè yaghele besa bena ndé: Ka muki béné lesa bole lebioghe mu ndè vè? ³² To ti la lèlagni ti ghu mbogha baate bua mate. Bo ba bade na ngongo a piti bate, muti bo ba tasenge ti ndè mubighi a mambe. ³³ Bo ni ba yaghele Jesus bo: Besa le sa yebi vè. Jesus na ndè na lèle bo ndé: Mè nème ka mè chi lèle béna ghu bungudi bu mè sade mambe muene bua mate vè.