¹ To vana Jesus a yambelenge na baate ndile na makokoma. Ndè: Mutu na vade muti wu ba tède vigne. Ndè na dinge muti muene na muromba, na vange yitchighe chia kamene milonde mièndi mu sade malame, na ba tonge nzo ya va ghili a ghili mu kèle malama, na gna biotchi na bakéli, nayende ngulu kima. ² Lekese la tolo milonda, ndè na tchindeghe museli a ndè ghu mbogha badièndji ba ndè niagha mu tchindegha lendi lekaba. ³ Va musèli a todo, bo ni ba kuate ndè, ni ba bome ndè koba, ni ba ghabese ndè munianga. ⁴ Va mbise a vane Ngua nungui na ba tchindeghe musèli mukima.To ni ba ba nèmese ndè ghu mutso na toghe ndè. Na ba tchindeghe musèli mukima, bo na bome wona naghu leghu. ⁵ Bo ni ba sade yingunzu muene na baselili botchi ba ndè tchindege bo. NBo ni ba luana na bana, ni ba bome bana. ⁶ Ngua nungui a ba na mute mukima ghu ndè sale na ndè, muana ndè wa mutéma, ndè tasenge ndé bo ba ghobichi ndè. ⁷ Badiendji ba mone gu muana ngua nungui a yadenga, ni ba yende kundu: a wu ni wukasale na mabuè, yadani lebomagni ndè, nungui yikasale na besa bena. ⁸ Bo ni bakuate ndè, gni ba boma. Bo ni ba busu niutu a ndè vala na nungui. ⁹ Jesus na fulu bo: bé leyébi bu ngua nungui a ka sade va ndè aka yade? Ndè na yade, na boma badiendji banungui ba babi ba bakelenge nungui, na vange nungui muene mu baate bakima. ¹⁰ Bé le sa range lebighe muene ghutso mambe ma Nzembi vè: Lemagni li batungichi ba nzo ba vèdè, lo la bade lechine latsomi mayuku ma bibagha. ¹¹ Kumu ni wa sade tchiambe muene, besa lo bubue la mono. Bivonde bia ba juifs, bo bayogha bo Jesus a kutili bo ghutso kokome muene, va ndé yambele mu ba diendji ba nungui ba babi. ¹² Tso vana bo ba bade na nzala kuate ndè, to bo ba mono bomo bua piti a bate, bo ba tèmenè, gni ba yende. ¹³ Bivonde bia ba juifs ni ba tchindeghe ba Pharisiens, na baate ba lebuli la Herode, na mona bivonda bia Rome ghu mbogha Jesus. Bo ba tondenge yogha mabighe ma ndè ki lèle mu bakese levike la kuate ndè, tso na bakese miange mia beghe ndè va busu bua mukuti ba romains. ¹⁴ Ba sota, bo ni dumu ndè djida: A mulongichi bésa liyébi ti wè longichi yimbuli, wè sa duku ma baate ba lèle vè, to wèlongichi gni yimbuli chi Nzembi a tondo ndé ba sadenge cho. Ki pa lèle besa bu wè tase mapaghe ma la vede ghu mbogha bivonde bia Rome; lo bubue vo bubi? ¹⁵ Jesus a yabenge matase ma levedi bubi, ndè na lèle bo ndé: muki be la soghe mè ? Tsualagni mè dolo mè pa mono? ¹⁶ Bo ni ba tsuale dolo. Jesus na dume bo ndjida: Na indjime chi be la mono mu dolo wu, na ndoghe a mutu yi be la range mu mbata dolo muene, bio biana? Bo ni yaghele bo bia Cesar. ¹⁷ Jesus na lele bo ndé: Vèghagni César biendi bi ndè bagha, vèghagni Nzembi biendi bi ndè bagha. ¹⁸ Ba Saducéens ba batongelenge bo baata ba-kua, basaba-soge ve. Bo ba yada ghu mbogha Jesus ,bo ni ba dumu ndè nzida: ¹⁹ a mulongichi; Moise a niaghele besa bena ndagha mu yichiange chi ndè koma ndé: Mutu a kuada, a nia mukedi, muane vè, mugege andè abonge mukedi mu bote bane na ndè, bane bana ndile ba mukuidi. ²⁰ Vana, gua badenge babaghele tsambe, bo ngu mumo. Wa ivonda na kuele mukedia ndè, bona ndè ba sa bote vè. ²¹ Mugheghe wa dukunu na nde na ba kuele mukase muene, ndè na nde sa bote na mukase muene vè, na kuada. Muana ngu wa mutate na ba kuele wone nandè ndi mukase muene, ndè na ndè na kuada ghu ndè vè bota baane. ²² Bo botchi ba tsambe ni ba kuada, na mona mukedi na ndè na kuada. ²³ Letsughu li baate baka soghe, va tso botchi ba tsamba kumu mukedi a ka bade ka na? Yabani ti, bo botchi ba bakuele ndè. ²⁴ Jesus na kale bo ndé: bé lesa yebi mabé la yambele vè. Mbé bé ba leyébi yichiange chia mambe ma Nzembi, na bu Nzembi a lidi, mbé béna lesa yambele bo vè. ²⁵ Va baate botsi ba ka sogha, ba sa ka bakuelene vè, bo ba ka badenge ka ngana batome ba Nzembi ba ghu yulu. ²⁶ Yoghalani mè, mè yambele bena mu lesoghe la baate va mbisa leku. Tso yichiange chi Moise a koma mu tchiambe la lesogha la bate ba bakuada, ba kome bo: Nzembi a lèle ndé: mè muene Nzembi a mbogha Abraham, Isaac na Jacob. ²⁷ Nzembi a sa lidi Nzembi a baate ba bakuade vè, to wa baate ba baki moyi. Mu lo bena lelidi ghutso mbele. ²⁸ Mutu mumochi wa longichinge mighaghe mia ba juifs, ndè yogha motchi ma Jesus a yaghele ba Saducéens buédi. Va ndè kukule va pédia Jésus ndè na fulu ndè: Ghutso mangidi motchi yini yi lidi ya ineni? ya lotele mana mangidi? ²⁹ Jesus na kale ndè ndé: Ngidi ya ineni yiniyi: Yogha Israel, Nzembi a bese ma bena ndi mumochi. ³⁰ Tonde Kumu a wè, Nzembi a wè ,na mutema wè, na leniuni la wè, na matase ma wè tso na bungundi buawè. ³¹ Ngidi ya muyole, yineni: tondo mbeghi ngana bu wè tondo niutu a wè muenè. Mangidi motchi ma chi lotele ma moli ma vè. ³² Musupili a mabighe ma Nzembi na lèle Jesus ndé: Mulongichi, wè buedi wè yeghili; wè leli wo Nzembi gni mumochi pénza, mukime vè. Wè ni ba lèle wo tondani Nzembi na mitema mia bena miotchi, na magnugni, na matasa, tso na bungudi bua bena. ³³ Wè ni wa ba lèle wo, tonde mbeghi ngana bu wè tondo niutu a wè muene, we sa mambe muène lo, lilutili bubuè ghu mbogha Nzembi a ngana ma malaghe ma la sadengagni va tsomi. ³⁴ Jesus a mone ndé ndè mutu muène na buyédi a yeghili ndè. Jesus na kale ndè ndé: wè bèle wè ka na buyumune bua Nzembi. Mute mukima vè wa ba dume ndè mandjide makime vè na soghe ndè ve. ³⁵ Ghubusu, va Jesus alongichingi baate ghu nzo Nzembi, na lèle bo ndé: baate bane ba, ba longichi mighaghe mia ba juifs ghutso indimbele ba lidi, va bo ba lèle ti krist mutu ngana besa bena, ndè mutegheda David. ³⁶ David ndè muene, mu bungudi bua leniuni la buyimba na lèle mumbata Jesus ndé: Nzembi a lèle mumbata Kumu a mè ndé tsaghele va ngulu a mbaghela mè va, mè yimbese wè, walotele peti mutu, kuanga nachi méka ghudusu bambène ba wè. ³⁷ David ndè muéne a tède ndè ndé Kumu a mè, Krist achi ba toghe bade mutegheda ndè vè. Ndè ni wu lidi Kumu a David. Baate bakunu ni yoghele ndè na ignonga va ndè ka longesenge mambe muène. ³⁸ Va Jesus a longesenge baate, ndé na lèle ndé: Rambelani mu sade ngana basupili ba mabighe ba Scribes, Bo nzale leghobe la bate, tsovana bo ba luate bilenge bia wobelo mu muesese va bo baviogho ti bo bate ba mbuli. ³⁹ Bo ba tonde ti baate ba sole bo na leghobo mu bitchighe bia piti a baate. Bo tondenge tsaghelenge mu bitchighe bia busu ghutso ba Synagogues. Bo tondenge tsaghele mu bitchighe bia bate ba baghobichi. ⁴⁰ Ba ba poka na imbamba bia bakuili. Bo ba tase bo bobali bayèbene mu boba sa mabonde ma malamala va piti baate. La tase ti mulo Nzembi na tchise bi chighi. ⁴¹ Va yula vana, Jesus a bade a tsaghela va busu bua biebe bia manzolo ghu nzo Nzembi. Va ndè bade a tsaghele vana, na kengesenge ghu miyumunu mia tetenge badolo mfuabovè. ⁴² To ituku chia mukuili na ndè na yade na tembe badole bole, ba ba vè na levu. ⁴³ Va kani va Jesus a kokese baduki bendi na lèle bo ndé: Mumbuli ti miyumunu mi miotchi bali na badole ba kunu. ⁴⁴ To bo, ba védi ndi mwa pesa. To mukuili wa mukase, wu sa lidi na badolo ngana bo vè, a timbi ghutso chièbe chia manzolo ndji ya sale ndè mu mfuade moyi. To ituku chia mukuili muène a lutili miyumunu miotchi.