¹ Lekèse le Jesus a polengue ghu nzo Nzèmbi mute mumochi vatso ba duki bèndi, na lèlè ndè ndé: Mulongichi kèngese bubuè bua mamani na manzo ma. ² Ndè nayaghele ndè nde: béna lamone manzo ma manéni maneme na bubuè bua mo? Ghu sakasale ti lémani lémochi va yule a léna li lesaka kakeghe vè ³ Va bo babade ghu yule mukongo wa ba oliviers, wua songuena na nzo Nzèmbi, Pierre, Jacques, Jean na André niba fule ndè ghu tso musuèghè bo: ⁴ Lèle bése lekèse lemambe muène ma ka yade na bilémba bibi ka tsuama bia tsomi? ⁵ Jesus na lèlè bo ndé : Rambelani baate ba ka soghe béna. ⁶ Bakune niba yade na ndoghe a mè, niba lèlè bo: Mèni ni Christ. Na ni baniambese lekabe la baate. ⁷ Va béna leka yoghe midinga na kele midinga, yamonani miteme mangongo. Mambe muènè buédi ti mayade.To a lena aki ni lekese lamachikele ve. ⁸ Muti tsènge yena ni yi luana na tsèguè yéna, na bukumu buona, ni buluana na buona.Tote ni yi tsokena mu bitchighe bia kunu, na nzale ni yitchise baate chighi. A Léna kabade ki lebande la misonge. ⁹ Yi rambelani, bo niba vaghele béna ghuli bivonde bia tsènge, ni babome béna mu tso ma manzo ma Nzèmbi. Ni ba sosese béna va busu bua ba Kumu ba ma matsènge. Mane motchi makabade ndile bumbanza bua bo. ¹⁰ Lekèsè muène na patode, buedi ti tsange yiyibue yipakoghela matsenge motsi. ¹¹ Va bo baka kuate béna na vaghele béna, ya monani paghe mu mambe mabene leka lèlè. Muti va makèse muène, mabena le kayambele niba vède béna .A béna le kayambele vè, to Lénioni la Buyimbe. ¹² Muana ngu na bome muana nguèndi. Na tèyi na bome muande ndè. Baane niba bade na muvongo ghulidi ngaghe abo, na musaghe leku la bangaghe babo. ¹³ Ni babèle béna mu ndoghe a mè. To wotchi wuka sade lembande na cha lechikele, na fuade moyi. ¹⁴ Va béna leka mone mambe ma manone va lekese muene va mfuechi a béne, ti wa range a diteghe, baba lidi ghu judé ba bate yulu mikongo ¹⁵ Wu lidi ghu yulu mubunde a nzo a ya basoteghe mu yènde ghu nzo mu tole bi ndé lidi nanzala. ¹⁶ Na wu lidi ghu nungui a ya ba ghabeghe ghu bongo yighubu chèndi. ¹⁷ To mimbondo mikabade ghu lidi bakase ba bakabade na mimi na babaka bade Na niuse baane mabène mu tsughu muène yéna. ¹⁸ Bondani ti lo lekasongena mu lekése la mangele. ¹⁹ Muti ni ghu bade na mambe ma manono ma basamamono nachi bulongo bua bande vè, Na basakamono makima vè. Mambe ma ngane mane ma sakabade vè. ²⁰ Mbé Nzèmbi asa kukese tsughu vè, mutu ti mumochi wa mbé fuade moyi vè. To ndila mu ba ndè solo a kukese tsughe. ²¹ A va ti mute a lèlè béna ndé: kèngesani, monani Christ, voki ndè ndoghe, ya yaghelani ndè. ²² Muti ba Christ ba kunu, na babighi ba bakuti ni ba yade, Bo ni basadenge bimuile, na bimaghe mu raghese kiti ba ndè sole. ²³ Rambelani, muti mè malébele béne mambe muène motchi . ²⁴ Va yule a mambe ma manone mana, letèdi ni ledima, tsungi na niambese mudanga a ndè. ²⁵ Bamfuilili ni ba raghe, biotchi bibilidi na bungudi ghu yulu nibi panzeghe. ²⁶ A vana, bo ni bamone Muane a Mute a kolena mu yule mabungi na bungudi bua lotele, na buyimba. ²⁷ A vana ndè natchindeghe batoma bèndi baghu yule, ndè na kokese bandè sole mutso mapaka mana, bande ghu tsombo yiyachike yaghu tote yii na tsombe yiyachike yule ²⁸ Bangelani kokome a muti wu ba tède figuier. Va béne la mone matake ka fundu, yabani ti mfulu bèle akade na tubu. ²⁹ Mulinge mumochi, va béna leka mone mambe muène ma yade yabani ti ndè va bèle akade. Ndè va munio nzo akade. ³⁰ Mumbuli mè lèle béne mé baate ba mfueghi basaka lóte ti mambe muène masa sopeghe vè. ³¹ Yulu na tote nibilote to mambe mèmè ma saka lote vè. ³² Mu tchambe la letsughu, na lekèsè mute asa yèbi vè, na batome ba ghu yule, na moni muane Nzèmbi, to ndile Tèyi ndè pénza ni wu yèbi. ³³ Rambelani, badani na bungose, muti béne lesa yèbi lekèse le mambe muène ma kasopeghe vè. ³⁴ Ndè lidi ngana mutu wa yènde ghu muniale a ka niaghe nzo ndè na badiendji bèndi, ndè aka vède mutu mutu yisale cha sade. A ka lèle mukéli a nzo mu bade na bungose. ³⁵ Badani na bungose muti béne lesayèbi lekèse le kumu a nzo aka yade vè, ndè toghe yade na mungumbi, na kèti a kèti butsughu, vo va koke a kokidi. ³⁶ Ti ndè a yade yitsundi a tsundi a ya bakese béne biole. ³⁷ Mamè lèle béne ma, mè lèle mo ghu lidi baate botchi. Badani na bungose.