¹ Mukungi a pake wu bàtchadenge mapè màmà vè nzanzene aba ka bèle. Bivônde bia balôngichi ba baate mambe ma Nzèmbi na bayèbi ba mabighe ma Nzèmbi nibàsaghenge lesôghe la kuate Jesus ghu musuèghe mu bôme ndè. ² Bo nibàlèle bô: ''Lechikuatani ndè va lekèse la mukungi vè, piti a baate yikamone kéchi.'' ³ Va Jesus àbade ghu bole bua Bétani ghutso nzo a Simon wàbàdenge na makédi. Va ndè bade a dèngene va busu bua biéle, mukaase nàningele na tsèdi muyombe wàbadenge na tsulu yiyibuè wu bàsômbe mu lefunu lalenono. ⁴ Baate bane baghémbe nibàlèle va fuèchi a bo bô: ''Bo muyombe wu mubuè wunewu muki baghanze? ⁵ Muyombe muène batôghe sômbese mu makumi matate ma badole, baka vède bo ghulidi baate babavè na matsonge. Bo nibàkambeghe ndè. ⁶ To Jesus nàlèle bo ndé: ''Niaghani ndè. Muki béne lavolese ndè niute? Ndè yidi ghusade tchambe lelebuè mu mbata mè. ⁷ Bitutu bia vè na badole nabéne bilidi lekèse lôtchi, béne latôghe bo sa mambe mamabuè, to mè sàkàbadenge na béne yitchighe yimôchi vè. ⁸ Ndè mè chidili tchambe lebà mbè sade. Ndè niutu a mè asôli mu ndé bakakundu ghutso toto. ⁹ Na mumbuli mè lèle béne mé, makèse môtchi màbàkàtosenge tsange ya Nzèmbi yiyibuè ghutso bulonge buôtchi, nibàbangelenge tchambe la mukaase wunewu achidi.'' ¹⁰ Avana, Juda Isekariote mutu wa bade na baduki bèndi ba lekumi na boli, ayènde ghu mbôghe bavédi ba malaghe mu ndè bade ka na nzale ya kabe Jesus kase. ¹¹ Va bavédi ba malaghe bàyôghe tchambe muène, bo nibà bade ndile ka na ngombe. Bo nibà sade ndè kiti pèngini ya vède ndè badole. Ndè nàsaghenge ndile ka lekèse la kabe Jesus ghulidi bo. ¹² Letsughu la tsômi lebàtchadenge mapè mamavè nzanzene mo va bo bàbômenge baane baba tabe ba mandombe mu tchade mukungi a pake, baate ba Jesus nibà fulu ndè bô: '' Wè ghuni wè tonde wô bayèndani ghu lambe biéle bia tchade va mukungi a pake? ¹³ Ndè tchindeghe baduki bèndi bôli nàlèle bo ndé: ''Yèndani ghu musènge, béne lemone lebaghele lapape tsôbe a maambe béne leduku ndè. ¹⁴ Va ndè ki ningele ghutso nzo, béne lekafulu kumu a nzo ti: ''Yivônde ndé yitini cha nzo chibavèngili mè mu tchade mukungi a Pake bése a baate bème chini?'' ¹⁵ Ndè lo nalaghe béne yitini cha nzo chi yinéni cha ghu yulu chibamavange buébuédi. Aghône ni ghu béne leki lambe biéle bia Pake.'' ¹⁶ Baduki ba Jesus ni batèmene nibàghabeghe ghu musènge. Bo nibàbakese mambe môtchi ndile ngana bu ndè lèle. Avana, bo nibàlambe bié bia mukungi a Pake. ¹⁷ Na mugumbi ndè nàyade bôna baate bèndi ba lekumi na boli. ¹⁸ Va bo bàtchandenge, Jesus nàlèle ndé: ''Mumbuli mè lèle béne mé, mutu mumôchi vatso béne balatchade nème nakabe mè.'' ¹⁹ Botchi nibàbade ndile ka nimene. Avana, mutu mutu nàfulu ndè ndé: ''A Kumu, wu chi togheba mè vè, ''yogha?'' ²⁰ Jesus nàlèle bo ndé: ''Mutu wu bése a ndè lekitubu lepè tchitse ghutso lebungu niwukikabe mè. ²¹ Muti Muaane a mutu ka ghutso bulonge akimate ngana bu bakôme ghutso yichange cha mabighe ma Nzèmbi. To mimbonde ghulidi mutu wukikabe Muaane a Nzèmbi.'' ²² Lekèse latchade letode, Jesus àbonge lepè, àkakese Nzèmbi, àbokele nàvède bo ndé: ''Bongani yo ni niutu a mè. ²³ Ndè bàbonge lebungu malame, àbonde Nzèmbi, nàvède bo. Bo bôtchi nibàniode. ²⁴ ''Nàlèle bo ndé: ''Ayineyi ni ndjine ya yifuèni cha ndèghi. Ndjine yiyikiyiteghe mu baate mvuabovè. ²⁵ Mumbuli mè lèle béne mé, nacha letsughu le mè kabaniode malame ghutso buyumunu bua Nzèmbi mè chibaniode malame vè.'' ²⁶ Bo nibàyimbe mimbe ma mukungi muène, bamane nibàyènde ghu mukonge wa miti mia baôlivié. ²⁷ Jesus nàbàlèle ndé: ''Béne bôtchi la bate mu mè. Muti bàkôme ghutso yichange cha mabighe ma Nzèmbi bô: Mè nibôme mukéli bibôdi, batabe bakatsameghe.' ²⁸ Vayulavane mè nisôghe, mè katsuame ghu Ngalilé. ²⁹ Pierre nàlèle ndé: '' Bambèghi nibatémbeghe wè, mè sakatémbeghe wè vè.'' ³⁰ Jesus nàlèle ndè ndé: ''Mumbuli mè lèle béne mé, na butsughu bua lolo, koke napakokidi makokidi moli, wè lo wè tone mè matône matate. ³¹ To Pierre nàlèle ndè ndé: ''Mè nakuade bésenawe, mè chisade tchambe muène vè. '' Avave bo bôtchi nibàsade pèngini muène. ³² Bo bàmate va kèse muène, nibàsôte va yitchighe chibàtèdenge bô Ghétsemané. Basôte va yitchighe muène, Jesus nàlèle baate bèndi ndé: ''Tsaghelani vaneve, mè payènde ghu bonde.'' ³³ Ndè bonge Pierre na Jacques na Jean nàyènde na bo. Ndè nàmone ndile ka paghe. Bome nibuàkuate ndè. ³⁴ Ndè nàlèle bo ndé: ''Leniôni lème ka paghe yalôtele lamone na cha ghu leku. Salani vaneve ya lasani chiole.'' ³⁵ Jesus àyènde mua vale, àsôme mabonge nàbonde ndé, ti batôghe mase tchambe muène. ³⁶ Jesus nàlèle ndé: '' A Taate, wè na bungudi bua sade mambe môtchi. Mase ghulidi mè tchambe la lenono lineli. A ngana bu mè tonde vè, ndile bu wè tonde. ³⁷ Ndè ghabeghe ghu baduki bèndi bàbade, na bakese bo ka chiole nàlèle Pierre ndé: ''A Simon wè ka chiole? Wè chipatôghe bade muchighi mu mua lekèse vè? ³⁸ Bade muchighi bonde, wè karaghe ghutso makanese. Leniôni mambe mamabuè mvuamovè lelidi na mo, to musôni wavole alidi. ³⁹ Ndè ghabeghe ghu bonde, ndè nàbàghabele mabighe muène lèle. ⁴⁰ Ndè baghabeghe ghu baate bèndi bàbade nàbàbakese bo ndile chiole. Mu mise ma bo màbade mama lème na chiole, bo bàsàbabaghe lebighe lakale ndè vè. ⁴¹ Ndè baghabeghe ghulidi bo mu leghebeghe la mutate nàlèle bo ndé: ''Béne ndile ki chiole lalase? Avane ka tchitse. Lekèse lemamane tode. ⁴² Muaane a mutu bèle bakade na vaghele na baate bababi. Sôghani, wôkani. Wukikabe mè ndône wône ayade.'' ⁴³ Va ndè bade ki na bo àyambelenge, Juda wubàde vatso baduki bèndi ba lekumi na boli nàsôte na yinombe cha baate bàbade na mambédi na mibote, ba bivônde bia bavédi ba malaghe na bia baate bàbàyabenge mabighe ma Nzèmbi na bivônde bàtchindeghe. ⁴⁴ Wàkabede ndè àbade amalaghe bo yilèmbe ndé: ''Mutu wu mè kisambene na ndè niwu béne lekikuate. Béne lekuate ndè, lekabèghe buébuédi.'' ⁴⁵ Juda àsôte àyènde ghu Jesus àbade nàlèle ndè ndé: ''A Kumu'' Vayulavane nàsambene na ndè. ⁴⁶ Avanekaniva bo bàkuate ndè. ⁴⁷ Mutu mumôchi vatso baate bàbàkémbenge na Jesus, àpôse leyènge lèndi, nàkèse letchui la musèli yivônde cha bavédi ba malaghe. ⁴⁸ Jesus nàlèle ndé: ''Béne ka mu tchambe na layade ghulidi mè na mayènge na mibote ngana wô, mè ka mubongi? ⁴⁹ Sabône tsughu yôtchi va mè lôngichingi béne ghu nzo Nzèmbi béne lesàkuèti mè vè. To yabani ti tchambe muène letsughi ndile muti tchambe lebàkôme ghutso yichange cha mabighe lesôpeghe.'' ⁵⁰ Baate bôtchi bàbàbade na Jesus bàtamene ndè nibàbate. ⁵¹ Mufudu lebaghele wàbade aluate tsande yaleghobe mu niutu nàduku ndè. ⁵² Bo nibàtonde kuate ndè, to ndè tamene tsande nàbate muniange. ⁵³ Bo ni ba bèghe Jesus ghu mbógha yivónda chi yiném, yivonda, na yivonda cha babindili bia baata Nzèmbi ghu bo babade ba kókena bóna yivónola na ba scribes. ⁵⁴ Pierre na dukungendè Naningele ghu mbògha ⁵⁵ yivónda cha babóndi li ba baâta Nzèmbi na yinombe cha baate bendi ni ba saghenge mabómbe mu mbata Jesus mu bóme ndè. To basabakesa vè. ⁵⁶ Nuti bo ba bada mfua bove ba pasenge bumbanze bua bubi mu mbata Jesus, to bumbanze buabo bu sasóngenenge vè. ⁵⁷ Bakè ba tèmenenge ndi mu vède bumbanze bua kutu mumbata ndè. Nibalèlenge bó: besa leyughi ma ndè lèle ndé ⁵⁸ Mè ni nianze nzo Nzèmbi yi baâta ba tónge na makaka ma bo. Mu tsughe tate mè kaba tònge yikime yi baâta ba vè tonga na makaka. ⁵⁹ Kit nivana, bumbanz bua bo buba Songene vè ⁶⁰ yivónda cha babóndi li ba baâta Nzèmbi ni cha tèmene va pfuèchi a bo nafulu Jesus ndé: "wè lebigha lakale vè? mu ma baâta ba lèlè mu wè? ⁶¹ To ndé na bada ndile ka lingi na yaghele vè yivónda cha babóndili ba baâta Nzèmbi nabafulu ndè ghu tso mabigha ma ndé: Wè ni muana Nzèmbi? muana ngua misange? ⁶² Jesus na yaghele ndé: Wóne ni mè, Wè nimono muana Nzèmbi va ndè Nzèmbi na vandè ghutso mabunge. ⁶³ Yivónda cha babóndi baâte Nzèmbi mabake ndè manzóyi nalile ndé: Besa bena le ba bade na nzala bimóni ⁶⁴ Be muène leyughi muvonga ndè? Bème ka buni latasa? Bò ni bachilele mtète nde Gughu ya leku ngana wó ndè tchambe asada. ⁶⁵ bana ni batutule ndè matè na ghóbe ndè mabólo na lèlè ndè ti: Bèghe mamba, bagho di ni batóle nolè na bèghè ndè ghu tsughu ya leku ⁶⁶ Vana Pierre a bada va mbédi, muséli mumóchi ya yivónda cha babóndili baâta Nzèmbi, nayade va pèdia ndè ⁶⁷ Ndè na mone Pierre abade va tunga mbuaghe. Ndè na yimene ndè nalèle ndè ndé: Wè nawe ngé wé kémbenge bena Jesus ⁶⁸ To ndè na tóna ndé: mè sa yèbi na yóghe ma wè yambela mane vè - kètiavana, ndè na póla ghu mbèdi. Koko na kokidi ⁶⁹ To ghóna mudièndji na ba mono ndè, naba bande nabaghabeghele lèle bótchi ba babade vane ndé: lébaghele li a baade bòna bo muti ndè mugaliléen. ⁷⁰ To ndè naba tòna letóne lekima. Mua lekèse lelóta ba babade vane niba lèlè Pierre boti: latase ti wè nawè we baâda bèna ndi muti wè nawè muichi galileè. ⁷¹ A vana, banda mone ndè ndé ghutso michibele akade nabule ndé: mè satchikese mambe mabéne layambele mane vè. ⁷² kaniva kèti'avane koko nabakokidi makokidi moli.Tso Pierre nabangele mabighe ma Jesus alèlènge ndé. Va busu vana ndé koko napakokodi makokidi moli, wè nipa tóne matóna ma taata. Avane kaniva matsanga mahiteghe ndè mu mise.