¹ Na kèti a nguèli, bivonda bia babondili ba baate Nzèmbi, na mukuti ba Juifs ni bakokena mu saghe lesogha la buedi la kutele Jesus mambe va busu bua yivonde cha bichi Rome. Bakéli babo ni ba ghade ndè. boni ni yendena ndè ghu mbogha Pilate, yivonda cha musènguè. ² Pilate na fule Jesus ndé: Wè ni Kumu ba Juifs? Jesus na yaghele ndè ndé: wè malèlè lo. ³ Yivonda cha ba bondili ba baate Nzèmbi nakutele ndè mambe mamabi. ⁴ Pilate na fule ndè ndé: Wè sa lidi na la lèlè vè? Yoghe mambe ma motchi ma ba kutele wè, manaa, ma wè sade! ⁵ To Jesus asa lèlè tchiambe ti likime ve, mu motchi mana, Pilate na ghémba. ⁶ Cho yiku cha kala, mu yiléma chotchi, ghu lidi yivonda cha musengue, va lekèsè la mukungui a Paque mu niangese mute mu mochi, wu baate ba fulengue, ghu tsughu. ⁷ Va lekèsè muènè ghua bade na mutu wu ba tèdènge Barrabas, wa bade ghu tsughu bona baate bakima. Baate muènè basadengue mambe mambe mamabi ghu lidi munguémba yivonda cha Rome. ⁸ Baate ni ba kukule ghu mbogha Pilate, ni ba fule ndè mu nianguesa mutu mumochi ngana bukale. ⁹ Pilate na fulu bo ndé: Béna latonde ti mè nianguesa bé mutu whu béna na lèlè ti ndè ni Kumu? ¹⁰ Ndè lèlè lo muti ndè bade a ma yabe mambe ma mubondili a abaate Nzèmbi a tondengue sade. Bo ni ba kutelu Jesus mambe muti bo Navi dengue ndè mu baate bakunu bakaleghenge baduki bèndi. ¹¹ To bivonda bia ba bondili bia baate Nzèmbi ni ba chimbese baate mu lèlè Pilate mu nianguese bo Barrabas, to a Jesus vè. ¹² Pilate na ba lèlè bo ndé: Ti mè nianguse Barrabas, ka biki be la tonde ti me sade na Kumu a béna? ¹³ Bo ni ba chimena botchi bo komenani ndè! ¹⁴ A vana Pilate na balèlè bo ndé: mu biki? Ndè lebumi ka lini a buichi? Toni ba ba chimene mbuli a mbuli bo kominani ndè! ¹⁵ Muti Pilate a tondengue sade letonde la baate, nde na nianguese Barrabas. Baghodi bèndi nibaghobe Jesus mibèmbi. Va yule a vana Pilate na lèlè baghodi mu tsuale ndemu komine nde mu kurusu. ¹⁶ Baghodi ni babongo Jesus ni ba yèndè na ndè ghu yitchiga cha tso keti va ndanda. Tso bo ni bakokese kongui baghodi botchi ba basalengue lekèse muènè. ¹⁷ Va yule va baghodi bakokena bo ni ba lutese Jesus yilénga cha bènguè. Ni ba pfughu ndè yivèlè cha ma tsèndèlè gu yule mutsuè. ¹⁸ Boni ba solelengue ndè ngana buba sole Kumu a tsèngue. Ni ba lèlè ndè bo: sogha Kumu ba Juifs! ¹⁹ Bo ni ba ghobe ndè ghua kunu ghu yule mutsuè, na mubembi tso ni ba tutele mate gu yula nde. Ni basome ma bongue va buse buendi, mu yighembe cha yimbese ndè. ²⁰ Va bo bamana sèbè ndè ni bamase ndè lengoyi la yibubu li la bènguè. Ni ba luatese ndè mangoyi mèndi, ni ba bèghè ndè vala na musèngue mu tondi a komeni ndè va kuruse. ²¹ To mutu ndoghe Simon wa muchi Cyrene, tate Alexandre na Rufus na buane na bo. Boghodi ni ba tede nde mu bo nde pape kurusu a Jesus. ²² Ba ghodi ni ba bete Jesus ghu yitchige cha yivanza. ²³ Bo ni ba yèleghè vède Jesus malame ma ba bughu na myrrh, to ndè na bisse niode. ²⁴ Bo ni ba komini ndè mu kurusu. Va yule a vana ni ba kabenengue mangoyi mendi. ²⁵ Ghua bade ka lekèsè la mungumbi va bo ba komini ndè va kurusu. ²⁶ Ni bakome le lebighe la tchiambe li ba bome ndè, ni ba sose va yule a kurusu. ²⁷ Lebighe muènè la lèlè ti: "Ndè ni Kumu a ba Juifs." Ni bakomini na moni mibongi miole. ²⁸ Ni ba komini mu mochi ngule mbahele a wona ngule a kase. ²⁹ Ba ba vioghenge ni ba toghenge ndè na tsokesengue mitsuè na lèlè bo: ''Wè! Wa lèlènge wo wè toghe panze nzo Nzèmbi, tso wè ka ba tonge yo mutsughu tate! Ti wè toghe lo sade ³⁰ potoghe wè muènè we soteghe mu kurusu. ³¹ Yivonda cha ba bondili ba baate Nzèmbi na balongichi ba mighaghe mia ba Juifs niba sèbènge Jesus. Niba lèlè bomuènè na bomuènè bo ndè potili bambèghi ba babedingi ghu tso mambe ma manone, ''to ndè asa ba toghe potele ndè muènè vè. ³² Ndè lèlèngue ndé mè ni Christ, mè ni kumu wa tome yitsuku cha Israel.'' Mbé mabighe muènè malidi ma imbuli, ndè mbé a ma mate mu kurusu! A vana bésa lekabade na chite mu ndè! Ba baghele baboli ba bakomini va pedi a ndè nabo niba batoghenge ndè. ³³ Va lekèsè la musamena tote yotchi yabade ghu tso yipfundu, kuange na cha lekèsè la muwua. ³⁴ Mu lekèsè muènè lena, Jesus na fulu makima ma lotela: Eloi, Eloi, Lama sabachthani? ni lèlè ghua ti Nzèmbi a mè, Nzèmbi a mè, ka muki wuè timbighi mè? ³⁵ Va baate ba basale vana ba basayoghese lebighe muènè buébuédi vè ni ba lèlè bo: ''Yoghani ndona a tèdè Elie. ³⁶ Mumochi va tso bo na yèndè matina na bonge bunzonza na tubu ghutso malama manguèni. Na tsokeghe buo mu mubote na kuku ndè ghu tso munio Jesus ndé a vive. Ndè na lèlè ndé: Yadani, letalani, mu mone buni Elie a ki sotese ndè mu kurusu! ³⁷ Tso Jesus na fule makime mbuli a mbuli, na sose yifudi, na kuade. ³⁸ Lekèsè muènè tsande yi ya bade ghu nzo Nzèmbi ni ya kasegha bipèchibioli bande ghu yulu na ghu tote. ³⁹ Yivonda cha baghodi chi cha bade songa songa na Jesus wa ba va kursu a kuadenga na chilele: Mumbuli mutu wunewu ka Muane a Nzèmbi. ⁴⁰ A vana ghua bade na bakase ba kè ba kenguesengue mambe muènè ghu vavala. Va tso bo ghua bade Marie wa muchi Magdala. Ghua bade na Marie makima ma ngua Jacques wa salenge ghu tso mudungetu na Joses. Ghua bade na Salomé. ⁴¹ Bo ba yèndènge na Jesus va ndè bade ghu Galilée, bo ni ba bakesenge biotchi bindè badenge na nzala. Bo ni ba yade na ndè ghu Jerusalem. ⁴² Va mungumbi a kukelunge muti lo la bade letsughu lila dukunu na tsono, letsughu leba vange mambe. ⁴³ Mutu wua ndoghe Joseph muchi Arimathée, na yada. Ndè a badenge mutu wu ba ghobichingi va tso baate ba mukuti a ba Juifs. Ndè na ndè a talenge leya la mukungi a buyumunu bua. Nzèmbi. Ndè na bade na bukidi bua yèndè ghu fulu Pilate mu bonge niutu a Jesus. ⁴⁴ Pilate na ghémbe mu leku la Jesus la tsopela. Ndè na tèdè mughodi na fulu ndè ti mumbuli Jesus a ma kuade. ⁴⁵ Va ndè yoghe leku la Jesus na mughodi, ndè na vèdè niutu a Jesus ghu lidi Joseph. ⁴⁶ Joseph na sombe lengoyi la fuku. Na sotese Jesus mu kurusu. Na pote ndè na tsande ya fuku yéna, na sose ndè ghu tso pechi yi ba boka ghu tso lemani. Ndè na sose lemani va munio nzo a pechi. ⁴⁷ Marie ma Magdala, Marie ngua Jose ni ba talenge yi tchigha chiba sose ndè.