¹ mbissa Letsughu la pigha, Marie ma Magdala, na Marie ngua Jacques na Salomé ni ba sombe bikumbe bibi lidi na tsule ngane muyombe mu ghode Jesus mu niute. ² A bade na kèti a nguèli letsughu la tsomi la tsone, bo ni yèndè ghu nguile ³ Bo ni ba lèlè bo: bo wu ki mase bésa béne lemani le badibeghe nguile na? ⁴ Va bo chimbele misa ni ba mone lemani la nguile ba ma mase. ⁵ Bo ni baningule ghu tso nguile ni ba mone mufude lebaghele a luate yilénga chia fuku a tsaghele ngule a mbaghele, bo ni mone bome. ⁶ Ndè na lèlè bo ndé: ya monani bome. Jesus wu bé la saghe wua muchi nazarette, whu ba komini mu kuruse. Ndè a ma soghe! ndè ase lidi ghuni vè. Kenguèsani yitchighe chi bo ba témbe ndè. ⁷ To yèndani ghu lèlè ba duki bèndi na Pierre ndè ma tsuame béne buse ghu Galilée. A ghona nighu béna le ka mone ndè ngane bu lèlè béne. ⁸ Bo ni ba pole ghu tso nguile matin. Bo ni ba reghenengue, ni ba ghémbe. Bo ba sa lèlè ti mute mu mochi vè mu bo bade na bome. ⁹ Na kèti a nguèli mu le tsughu la tsomi la tsone, va yule va ndè soghe ghu leku, ndè na monene tsomi na Marie mukase wu ndè funzu ma manioni ma mabi. ¹⁰ Ndè na yèndè na lèlè baate ba bade na ndè, sabone bo ba bade ndile nimene, na léléngue. ¹¹ Bo ni ba yoghe bo ndè moyi a lidi, Marie a moni ndè, to bo ba sa bole lebioghe vè. ¹² Mambe ma motchi ma vioghe, ndè na monene na baate boli mulingue ka mukime, lekesse le bo ba poleghe ghu tso musenguè. ¹³ Bo ni ba yèndè, ni ba lèlènguè lo ghu lidi ba duki bèndi bana to bo sa bole lebioghe vè. ¹⁴ Ghu busu a muénda Jesus na pole va fuèchi a baduki bendi ba lékumi na mu mochi ba tsaghele va itale. Ndè na sèmbe bo mu lekèmbi, la chite na bunone bua mitéme mia bo, muti bo sa chilele ba bamone ndè va yule a va ndè soghe ghu leku. ¹⁵ Ndè na lèlè bo ndé: Yèndani mu bulongue botchi mu tose baate botchi mabighe ma Nzèmbi ghu lidi baate botchi. ¹⁶ Whu ka bole lebioghe na chilele mambe ma mu nuite a mè, na fua moyi. Whu sa ka bole lebioghe vè ni ba sosese ndè. ¹⁷ Monani bilémbe bi bika muèsesèngue ghu lidi botchi ba ba ka chilele. Mu ndogha mè bo ni ba funzu ma manioni ma mabi . Bo ni yambelenga na mandaghe ma makime. ¹⁸ Bo ni ba kuate ba tèdi na mioghe mia bo, na ti bo ba niode ndombe, a biéne bisaka sade bo yikumbe vè, bo ni ba béke makake va yule ba béde, bo ba ka bèlèghe ¹⁹ Va mbise a va Kumu a yambele na bo, na kome ghu yule, na tsaghele va ma mbaghele ma Nzèmbi. ²⁰ Ba duki bèndi ni ba mate vane ni ba yèndengue mu tose tsangue a ndè bitchighe biotchi, lekesse muènè Kume na dianzengue na bo mu sopele mabighe mèndi na bimuila bia mulinge mulinge bia dukunge bo.