¹ Wu ya sosani tso ba ka bise béne sose. ² Muti nibasosese béne ngana bu béne la sosese bambèghi. Na chétse chi béna la sale nachio mu yebse. Chetse muēne ndile nichi baka sale na cho mu bonge cha béne chétsa. ³ ka muki wè kèngese yisèsèle cha lekónze chi yilidi ghutso disa la muane teyi, niaghe me mase lepèyi lilidi ghutso dise lawè? ⁴ Ka buni wè toghe lèle muana teyi , niaghe mè mase lekonze tso dise lawe, sabone wè na lepèyi ghutso dise lawe? ⁵ Ngua levedi wu! Pamase lepèyi la ghutso dise la we. Tsovane wè ka mone kènguele mu mase yisèsèlé chilidi ghutso dise la muan'anguawè. ⁶ Wu ya vadani bibilidi bia tendeghe gu li bamfuèndi, wu ya busani baane ba misange va buse bua bangulu, mu bo bua ti bo kaba tchate mio na matsodi mabo, naba sabaghèleghe ghulidi béna, namu nighe béna. ⁷ Fulai tso baka vèdè béna; saghani bena leka sololo,, dumani tso baka dibele bena. ⁸ . Muti wua fulu a bagha; tso gulidi mute wua dumu, ni ba dibele. ⁹ . Mutu na vatso pfuēchi'abéna ti muan'andè a fulu ndè lepè ndè ka vēde ndè lemani? ¹⁰ Voki ti muana afule ndè tchui ndè ka vēde ndè tèdi? ¹¹ kiti béne ba lelidi ba babi béleyibi véde baane ba béna bi kumbe bia bi bue mfua na tate a béna wua ghu yulu, a ki bise vèdè bikumbe bi bibuè gu lidi baba fule ndè bio? ¹² Ka sadani mu bambeghi mótchi béne la tonde ti ba mbèghi ba sadele béna muti a mane nima bichange bia mighaghe na babighi ba mabighe ma Nzembi. ¹³ Ningelani mu munionzo wua mukèghe, muti munionzo wu munéni na ndjila ya yinéni bia béta baata bhu bóngene. Bakunu ni bo baba lote vane. ¹⁴ To munionzo wa mukeghe na ndjila ya yikeghe ya beta ghu móyi pesa bo baba solole yo. ¹⁵ Rambelani babighi ba mabigha ba bakutu, bo ba yade ghu mbógha ghu lidi bene na bindjime bia batabe bia bindombe to bo balidi baniama ba bukēni. ¹⁶ Béna ni ledighele bo milónda miabo. Ba tóghe wu tole mi milonde mima tède ti baraisin ghutso makuake mamalidi namatséndele vóki ba figues ghu yulu ba chardons? ¹⁷ Na monia miti miotchi mimibuè mimia bote mílónde mia mibue. To muti wua mubi abóta milónda mia mibi. ¹⁸ Muti ghu salidi na miti mimi bue mimia bote milónde mimia bole vè, a voki muti wua bolo wua bote milonde mimi buè. ¹⁹ Muti wotchi wu sa bóta milonda mi mibué vé nibakése ndé baka tsógha ndé ghutso mbuagha. ²⁰ Mulinga mumochi béna ni ledighele mio mu milónde miamio. ²¹ A bótchi ba balele kumu kumu bakaningele ghutso buyumune bua Nzembi ve, to ndila baba sade letonde la tata a mè wa ghu yulu. ²² . Baata bakunu nibalenge mè letsughe muéne Kumu, Kumu bése ka lesabegha mainbe mundóghàwé vē, bésa ka lesafunze, badémons, ndila mu ndóghàwè vè bésa ka lesasle. Mamba ma kunu ma milinge-milinga? ²³ Avane mè ni lele bo mé mesayebi béna vé! "Kaghani néme, béna bachidi ba mabi". ²⁴ Ni mulo mute wótchi wa yóghe mabighe mēme, tso va yula vana a ka sade mo, na yule yilala. ²⁵ Mvule a noghe mambe ni mabase levóghe mi la ghóbene mu mbat'anzo muēne to yo yisa kakeghe vē, muti batónge va yule yilala. ²⁶ Mute wótchi wua yógha mabighe méme to ndè a sa sade vè a ka bade ngana mutu wua ve yabe mambe wua tonge nzo ndè gu yula muniènge. ²⁷ Mvule na noghe, nide ni ya yada, le vogha ni la yada na bungudi tso yo ni ya kakeghe to biotchi ni bia ghudu. ²⁸ Va Jesus a mane yambele ma bighe mendi, baate ni ba bade ka na ngombo mu bilongechi biendi. ²⁹ . Muti ndè longesenge bo ngana mute ngua bungundi to a ngana ba Scribcs vé?