¹ Rambelani bipèchili biabéne biamipame va buse bua baate ti bamone ndile bo, bo basaka bagha mitsamene mia Taat'abéne wu lidi ghu yulu vè. ² Ni mulo va wè vède nzolo yachighe pambe va buse buawè mu wo baate ba mono, ka ngan'abu bangua levédi basade mutso ba Synagogue namu mandjila , mu bo baate bakakese bo. Mumbuli mè lèle béne, bo ba mamana bagha mitsamene mia bo. ³ To ghulidi béne,ya sadani bone, va béne lavède ma nzole ghulidi baate ba bavè na matsonge yasadani ti baate bakime bamone tchambe muène. ⁴ Bona nibu béne latoghe vède ma nzole ma béne ghulidi baata ba bavè na matsonge ndila ghutso musèghè. Taata béne wu lidi ghu yulu wa kèngese béne na vède béne bisèki. ⁵ Va lekèse lebé la bondo, ya badani ngana ba ngua levédi, baba batonde bondo ndile mutèlè ghutso ba synagogue namu tunge mandjila, mu baate bamone bo. Mumbuli mèlèle béne, bo bamabaghe bisèki bia bo. ⁶ To wè vawè bondo , ningele ghu tchin'anzo wè, dibeghe munionzo, wè ka bondo Taat'awè wu lidi ghu yulu yitchigha cha bupenza. Nibona Taat'awè, va mono wè ghu yitchigha cha bupénza na vèdè wè bisèki. ⁷ Va bena labonde, kolani mabigha ukunuse ngana baate babasa chinge Nzèmbi vè, muti bo batasa bo Nzèmbi a boghele bo mu yambele ghua kunu. ⁸ Ni mulo ya fuanani bo muti Taat'abéne ayèbi bi béna lilidi na nzala a bio, namonie bibéne le safulu ndè kivè. ⁹ To bena nibu béne leki bondong:"Taat'abése wu lidi ghu yulu." ¹⁰ Buyumunu buawè bubaade. Letonde lawè lebaada ghu tote ngana ghu yulu. ¹¹ Vèdè bése lolo biatchade bia tsughu yotchi. ¹² Boghele bése mu mabi mabése lasaada, ngana bu bése laboghele botchi ba basaadele bése mabi. ¹³ Na kèle bése, yachingese ti basoghe bésa, na potele bése na mubéli wu. ¹⁴ Boghelani baata mu mabi ma bo basade béne, muti va béne lasade bona, Taat'abéna wa ghu yulu na boghele béne mabi ma béne. ¹⁵ To ti béna lesaboghele bo vè Taat'abéne asakaboghele béne vè. ¹⁶ Mu lekèse li béna la mine kughi, kole badani nimene ngana bangua levédi, mabunze mabo makeghèle bindjima, bubuè vè baate bakayabe bo, ba kughi bamina. Mumbuli mè lèle béna mé bo bamamane baghe bisèki bia bo. ¹⁷ To mu béne, va lekèse li béna lamine kughi, yobani mèdi mu mutsuè na tsokani lebunzula béna. ¹⁸ Muti baate bakayabe ti béne kughi lamine to ndila Taat'abéna wu lidi ghutso yitchigha cha bupenza. ¹⁹ Uya rokani na kokese mabuè maghu tote ghuli misobi, na malèli na moni bayidi ba kabole, na ba kaningele mu yiba. ²⁰ To buédi muroke mu mabuè maghu yulu ghu musobi na malèli bichi toghe ghanze vè naghu bayidi ba chibatoghe ningele mu yibe vè. ²¹ Muti ghu lidi bushine buawè, mutema a wè ndeni nivana a lidi . ²² Dise ni lèmbi anuitu. Nimoulo ti dise lilidi buédi nuitu yabase na yiyalele. ²⁴ To ti dise lilidi lalebi, nuitu yotchi yabase na yipfundu. ²³ Mutu a chitoghe salele bakumu boli lekèse lémochi vè muti ndè nabèle mumochi ndè katonde wona, ndè nayoghele mumochi a ka vongele wona. ²⁵ Ni mulo mè lèle béne, ya monani paghe mu moyi abéne mubi béne latondo tchade voki bibéne latonde niodo; voki mamu manuitu mabéna, mubi béne la tondo luate. Muti moyi a asalotele biéle, na nuitu yi kalotele biluèti vè ? ²⁶ Kéngesani baniodi baghu yulu ! bo basa vaade ti vaade na tole ti tole vè, na londe mighune vè ghu yulu'achange vè to Taat'abéne wa ghu yulu abongele bo. Béne lesa lotele bo vè? ²⁷ Va pfuèchi'abéne, wa yèleghe musokele moyi andè na matase ma ndè mendi na? ²⁸ Muki béne lilidi na mutsime wa mubi luèti ? To tasani mu bimbe bia ghutso nungi, buni bio biamène, bio bi sadianze vè, nabo basa nameghe matsande vè. ²⁹ Mumbuli mèlèle béna kiti kume bulonge Salomon ghutso buyumunu buèndi asa baade aluate ngana ti mumochi vatso bo. ³⁰ Ti Nzèmbi aluatese bimbe bia nungi bi bilidi va lolo, sabone mbèdi niba buse bio ghutso mbuagha, avana kabuni ndè toghe bene luatese vè, bene lebioghe ndile mua pesa? ³¹ badani nama matase mu lèle ti: "Bésa béne biki liki tchada? Biki liki niode? Voki biki liki luata? ³² Baata ba basayebi Nzembi vè bo ni ba basaghe bikumbu muène; Taat'abéna wuli ghu yulu ayèbi ma béne lasagha. ³³ Pa saghani kèti'atsomi moyi wa buyumune bua Nzèmbi na songene tsovana bikumbe biéne biotchi ndè ka vède bé bio. ³⁴ Kolani mone bome mu letsughu lambédi muti letsughu lambedi namelo.