¹ Jesus a mone piti a baata, na koma ghu yulua mukongo,na tsaghela.Baduki bendi gni ba yibakese ndè. ² Ndè dibele mugno,na longichi ,na lèle bo ndé: ³ Baate ba ba lidi na bupogho bua legnugni,buedi muti buyumunu bua yulu bua bo. ⁴ Ba ba lidi ghutso makondo,Nzembi na kagnise bo magnutu. ⁵ Buedi bu lidi na baate ba ba lidi na mitema mia sonda, muti toto gni yibade a bo. ⁶ Buedi bu lidi na baate ba bakuade na nzala na péyi mambe ma ma songena,muti bo gni ba yogheta ghualotela. ⁷ Buedi bu lidi na baate ba bamone bambèghi tinga.Nzembi na mone tinga bo. ⁸ Buedi bu lidi na baate ba ba lidi miteme tendelè,muti bo gni ba mone Nzembi. ⁹ Buedi bu lidi na baate ,ba balidi na polo,muti ba katède bo bane ba Nzembi. ¹⁰ Buedi bu lidi na baate ba bambeghi ba to boma mu bumbanza bua Nzembi,muti buyumunu bua yulu bua bo. ¹¹ Buedi bu lidi na béna,ti bambéghi batoghe béna,batsake béna,basade bena mabe ma ngusu,bakutule béna mambe ma bé la vè sada,mubata mè. ¹² Kenagni,tsakenagni,badagni na ngombo,muti mutsamena béna wu munéni a lidi ghu yulu. ¹³ Bu museghi a lidi ghutso biéla,bo gni bu lekabade mu bulongo. To ti museghi a fuade nièghè,ka naki bé ka naki bé leki ghabese yo?Ndè va gni busu ka ghu mbèdi,baate ba tchate na matembi. ¹⁴ Bu yivèlè cha sade mu baate ghutso yifundu,bo gni bu béna leka sade mu bulonge.Bola bu ba tonge ghu yulu mukongo bu sa sueme vè. ¹⁵ Munonge mumochi ba sa tsome pagha ,mane ba ka kudughu mulumbe vè? Ba tsome pagha ,mu tembe yo va yulu a kandegha,nzo yotchi yi ka ghutso yivèlè. ¹⁶ Mulinge mumochi na va yivèlè cha béna chayingegha va busu bua baate ,bo ba ka mone lebue li bé la sade.Bo ba kakakese tate a béna wu lidi ghu yulu. ¹⁷ Gniaghagni tase ti mèyidi mu mase mighaghe na babighi,mèyidi a mu mase vè.Mè yidi ndile mu sopesa mo. ¹⁸ Mumbuli mè lèle bena ,yulu na toto gni bidinga ghua lotela,lebighe ti lemochi la mighaghe ba sa kamase vè.Ti lebade mua la pesa,kuanga na mambe ma ka sopegha. ¹⁹ Gni mu lo ,mutu wu ka mase pèti ngidi ya pésa vatso mangidi motchi,na wu ka longichi bambèghi mu sade bona,na bade walotela bukeghe ghutso buyumunu bua yulu. ²⁰ Mè lèle béna mé: ti béna le sa lotele basupili ba mabighe ma Nzembi na ba pharisiens,na mogni ba scribes mu sade mambe ma Nzembi a tondo ndé le sade vè, bé le saka gningele ghutso buyumunu bua ghu yulu vè. ²¹ Béne la yoghenga bu ba lèle bakaghe ba yimbise chabéna bo:yabomagni baate.Wu ka bome mutu,wonana saghe utèmeneva busu bua bapéchi ba mipama. ²² To mè lèle béna mé,mutu wa mone muana nguendi kechi,wo na ndè a saghe ndé batèmese ndè va busu bua bapéchi ba mipama.Wu ka lèle muana nguendi ndé yitute chia buendji chi,ndè na saghe utèmene bua mikutu.Na ndè wu ka tsake muana a ngu ndé wè bupopedo,ndè seghi gningele ghutso muludi a mbuagha. ²³ Mulinge mumochi ti wèyade na nzola wè,wè ka bangele wo muana teyi na tchambe nawè, ²⁴ pa gnaghe nzola awè vana,wè yende ghu pa nonge na muana tata wè ²⁵ Pa vangagni mambe mabena,na wa sombichi wè;tina tina va béna lekigni mu ndjila a yende ghu ba kese misoso.Ti a gni bo wè,wu sombichi wè a sose wè mu mioghe mia bapechi ba mipama.Abana ba viose ghu mbogha baghodi,ba tète wè ghutso tsughu. ²⁶ U yabe lineli;tighu tsughu,wè chi pole vè,muti wè chitoghe fute biotchi bi wè nuane wè.Bade na pole na bane ba teyi botchi. ²⁷ Béné le sa yoghe ba lèle bo:Uyabuisagnimakeli. ²⁸ To mè lèle béna mé wotchi wa kengese mukase mu niongele ndè,Nzembi a mone ndé wè ma sade bukèli. ²⁹ Dise la wè la mbaghele le vède wè ghutso mutéma,nzala a sade mambe ma mabi,soghele lo,wè busu lo vala nawè.Muti buedi mu wè,bichighe bia gniutu a wè bikè bikayende ghu bongena, a gniutu a wè yotchi yi ki yende ghu mbuaghe vè. ³⁰ Lekake la wè la mbaghela ti li lidi na bula mu sade mambe ma mabi,kese lo ,wè busu lo vala,buedi mu wè mu bichighe bia wè biena bi ka bongena,to gniutu a wè yi ka bise yende ghu mbuagha. ³¹ Mukedia wè, ti ndè bumbembe vè ,mè lèle bena mé wè tembeghe ndè,wè laghe ndè ndjila buvèchi.Lebaghela lekima le kuele mukase muenè,ndè na ndè yivèchi. ³² Ba lèle bo :mutu wotchi wa bise mukedia ndè,a vède ndè mughande wa boma lekuele. ³³ Va yuulu a vana bena la ba yogha ba lèle mu bakaghe ba besa mabena ti:va béne leka deghe kule mu ndogha Malumbi ghobichi lo. ³⁴ To mè kalele bena mé uyabendeghagni kulu pèti yo na bulagni mu ndgha yulu,cho yitseghili cha buyumunu bua Nzembi. ³⁵ Na ndogha toto yo yitimbili cha matembi ma Nzembi kegni na ndogha Jerusalem,ndè musenge a kumu wu muneni. ³⁶ Na ya ba bulagni na mitsue mia béna.Na ulèle ti ba kese mio,ti béna le chi sopeselo vè.Muti béna le chi toghe ughele yilemba chia lenange la béne vè. ³⁷ Va béne la yambela,buédi ti mabighe ma béne ma bade ma bimbuli.Ma béna la yaghela,le ka yaghela;ma béna la bisa,le ka bisa.Ma ba buese va yula vana ghu mbogha mutu wu mubi,sata,ma mata. ³⁸ Béna la yoghe ma Nzembi a lèle bakaghe ba besa mabena ndé: mutu a tubu wè dise,wè tubu a lendi,ndè kolo dine wè ka kola lendi. ³⁹ To mè kalele mu lèle béna mé:uyasaghagni bunono mu mambe ma ba sedele béna ma mabi.Ti a gni bone vè,ba ghobe lebote mu leboke la mbghela,laghe ndè namogni la kase. ⁴⁰ Ti mutu a sade wè misosomu bonge lengoyi la wè la veste,vède ndè namognili batède bo yiyungi. ⁴¹ Ti mughodi a chimbe wè mu sade mutochini matembi ma muenda bena ndè,sade mitochigni mioli béna ndè. ⁴² Sombichi wa fulu wè tsombi. ⁴³ Bé la yogha ba lèle bo:tonde mua tata wè,bèle na mbène a wè. ⁴⁴ To mè lèle béne mé:tondagni bambène béna,bondagni mu bo,ti ba sade mambe ma mabi. ⁴⁵ Mulo béna gni lebade bane ba tate a béna wu lidi ghu yulu.Muti ndè gni wa pose mianga ghuli bate ba babi,ngana bu ndè vède ghuli bate ba babue.Muti ndè pose niange ghu yula ba ngua ngusu na babue;na ndè noghese mfulu ghu yula ba basasongene vè. ⁴⁶ Ti béna la tonde ndila bambeghi babena,mutsamena wè ka bagha?Kiti babongi ba mapagha ba sade bona.Béna buedi mu lotele bo usade. ⁴⁷ To ti bé solenge gni bana ba ba ngu ba béna,bi béna la sade bia mbuli bi ba mbèghi ba sade na?Né bapaien ba sade lo. ⁴⁸ Badagni ba babue ngana bu tata béna wa ghu yulu a lidi wa bueyè.