¹ Jesus babota ghu musenge a Bethlehem,ghu itigni cha tsenge a Judée,mu lekese li kumua tsenge Hérode a badenge yivonda chi yineni.Makese ma lota va yula a bote ghua Jesus,baate ba kima ba badenge ngulu yi letèdi la pola,ba yighenge bamfuilili,gni ba yade ghu musenge a Jerusalem. ² Bo gni ba fulu baate :Wu ba buti ,wu ka bade kumu ba Juif ,ghugni a lidi? Besa lemogni mfuuilili ngulu yi letèdi la pola.Ndè gni wu leli besa ti ba ma bote ndè, gni mu lo besa liyidi ghu ndè yimbesa. ³ Va kumu Hérode a yoghe lo, ndè na mone ka pagha, na Jerusalem wotchi. ⁴ Hérode na kokese ba védi ba malaghe botchi,na fulu bo ndé:Christ ghugni ba mbé bota,ngana bu ba bighi ba mambe ba lèle? ⁵ Bo gni ba yaghele ndè bo:ghu musenge a Bethlehem,wa ghu Judée,ngana bu mubighia mambe Miché a koma lo. ⁶ To wè Béthlehem,tota a tsenge a Juda,musenge a wè a lidi wu munene,muti mutu mumochi wa tsondè,na kaleghe yivonda. ⁷ A vana Hérode na tède ghu musueghe baate muene ba bayighenge ba mfuilili.Ndè saghenge yabe lekese la kuekuedi li mfuilili a pola. ⁸ Tso vana ,ndè na lèle bo: "yendagni ghu Béthlehem, bena le saghe muyabe yitchighe chi lidi muana. Va be leka bakese ndè, yighabeghengagni ghugni,béna leka yilèle mè, muti mè nèmè mè ka yi yimbese ndè." ⁹ Va duka a vana baate gni ba yende ngulu a musenge a Bethlehem.Bo gniba kemeghe mfuilili wu bo ba mone ghutso tsenge,ya ghu letèdi lapola,nayendenge va busu bua bo,kuanga na chi ndè tchika ghu yulu a nzo yi muana a bada. ¹⁰ Va bo ba mone mfuilili,bo botchi gni ba tsakena na ngombo yalotela. ¹¹ Bo gni ba solele nzo,gni ba gningela,gni ba mone muane bona nguendi Marie. Bo gni ba some mabonge mu toto,gni ba yimbese ndè.Tsovana bo gni ba dibela ma kobo ma bo,gni ba vède:or,encens la lefune bunono,tso na la myrrhe. ¹² Va duka vana, Nzembi na lebele bo ghutso ndoti ndé:ya ba ghabeghagni mu djila yi lidi Hérode.Avana bo gni ba mate ghona mu ghabeghe ghu tsenge a bo,to ba sa ba ghabeghe mu ndjila yi bo ba yade vè.Bo ba ghabegha ka mu ndjile kima. ¹³ Va bo ba mata toma a yulu,na yade ghu mbogha Joseph ghutso ndoti.Na lèle ndè ndé:Tèmenè,bonge muana a wè na nguendi,bata ghu Egypte.Bade ghona kuanga na lekese li mè ka lèle wè mu mate ghona,muti kumu bulongo Hérodea tonde tchindeghe baghodi mu yibome ndè. ¹⁴ Na butsughumuene bona,Joseph na tèmenè,na bonge muane na nguendi,gni ba yende ghu Egypte. ¹⁵ Bo gni ba bade ghona kuange na chi kumu bulonge Hérode akuada,tso va yula a vane bi gni ba mate ghu Egypte. Mambu muene ma yade muti Nzembi a lèle OSée ,mubighi a mabighe mendi ndé gni ma sopogha:Mè gni tède muana mè mu polo ghu Egypte. ¹⁶ Kumu bulonge Hérode na pa kuada ,ndè na yabe ndé baate muene ba kute ndè,ndè na ndè na mone kechi ya lotela.Muti ndè tasenge ndé Jesus ndile va pedia Bethlehem akigni. Hérode na tchindeghe baghodi bendi ghu bome bane ba baghele botchi,bande ba buti lolo na ba lidi na bilema biole.Hérode a yabenge yiléma chi ba bota muana.Cho cha bade tchitse na lekese li ba yighi ba bamfuilili ba mono mfuilili letsughu la tsomi. ¹⁷ Va Hérode a sade bona,vane motchi gni ma sopegha,ngana bu mubighi a mambe Jérémie a kome ki bèlevè,mu mbata Béthlehem va pedia musenge a Rama. ¹⁸ Bakase ghu Rama gni ba lélenge na mikayi mbuli a mbuli:Rachel,kaghe ba kaghe a bakase muene a lélenge mu bane bendi ba ba makuada.Baate gni ba yèleghe mu popese ndè,to bo basa toghe vè,muti bane bendi botchi ba kuada. ¹⁹ Va yulu a leku la Hérode,va lekese li Joseph na yitsuku chiendi ba badenge ghu Egypte,toma a Nzembi na yadele Joseph ghutso ndoti. ²¹ Na lèle ndè:Tèmenè,bonge muane na nguendi,ghabeghagni ghu yitsaghele ghu tsenge a Israel,muti botchi ba seghingi boma muana ba makuada. ²⁰ Joseph na tèmenè,na bonge muane na nguendi gni ba ghabeghe ghu tsenge a Israel. ²² To va bo ba yoghe bo Archelaos a bade kumu ghutso yitini chia tsenge a Judée,va itchighe chia tata a ndè,kumua tsenge Hérode,ndè na mone bome mu yende ghona. Nzembi na lèle ndè ghutso ndoti bu ndè toghele sade.Joseph,Marie na muana gni ba yende ghu tsenge a Galilée. ²³ Bo gni ba yende ghu musenge wu ba tède Nazareth,mu yitsaghele ghona. Ghone gni usopela ghua lebighe li babighi ba lèle bo:Baate gni ba lèle bo ndè muchi Nazareth.