1 Yichanga cha imbise cha Jesus Christ muana a David wa muana a Abraham. 2 Abraham a bade tata Isaac, Isaac tata a Jacob, Jacob tata a Juda na bane ba nguendi. 3 Juda a bade tata a Phares bona Zara.Thamar a bade ngua Phares bona Zara,Phares a bade tata a Esrom ,Esrom a bade tata a Aram. 4 Aram a bade tata a Aminadab.Aminadab a bade tata a Naasson.Naason a bade tata a Salmon. 5 Salmon bona mukedi andè Rahab,wu sabade muchi Israel vè ni ba bota Boaz.Boaz a bade tata a Obed.Ruth ngua Obed asa bade muchi Israel vè.Obed a bade tata a Jessè. 6 Jessè a bade tata a David kumu a tsenge. David a bade tata a Salomon. Ngua Salomon apa bade mukedi a Urie. 7 Salomon a bade tata a Roboam.Roboam a bade tata a Abia. Abia tata a Asa, 8 Asa tata a Josaphat. Josaphat a bade tata a Joram. Joram a bade kagha bakaghe ba Ozias. 9 Ozias na bota Joatham. Joatham a bade tata a Achaz, Achaz a bade tata a Ezéchias. 10 Ezéchias a bade tata a Manassé, Manassé tata a Amon, Amon tata a Jonas. 11 Josias a bade kagha Jechonias bona bane ba nguendi. Bo ba bade lekese li Israel a yè buvegha ghu tsenge a Babylone. 12 Va yulu a va bichi Israel ba mata ghu Babylone ghu buvegha,Jéchonias na bota Salathiel, Salathiel tata a Zorobabel. 13 Zorobabel tata a Abiud, Abiud tata a Eliakim. Eliakim tata a Azor. 14 Azor a bade tata a Sadok, tata a Achim,tata a Eliud. 15 Eliud na bota Eliezar. Eliezar na bota Mattan. Mattan na bota Jacob. 16 Jacob na bota Joseph. Joseph a bade mulumi a Marie,ngua Jesus,wu ba loghe Christ. 17 Leranga la bakagha ba bakaghe ba yimbise cha Jesus ni linili:Lekumi la bata bana ba yonge mochi ba bade fuechi a lebande na Abraham kuanga na lekese la David, kumua tsenge. Lekumi na bate bana ba yongi mochi ba bade fuechia lebande la bukumu bua David kuanga na lekese li ba béta Israel ghu buvégha ghu Babylone. Lekumi na baate bana ba yongi mochi ba bade fuechi a lekese la buvegha kuanga na va ba bota Jesus. 18 A manema ni mambe ma lape a yoghe mu tchiambe la lebota la Jesus Christ.Nguendi Marie ,Joseph ni wa vède mudila.To bo ba sapa bughu bitchighe vè.Joseph na pandene ndè ka na dimi li ndè bagha na bungudi bua legnugni la buyimba. 19 Joseph wa vède ndè mudila ,a bade mutu wa kelenge mangidi ma Nzembi.Ka ni va ndè lèle ndè ndé achi ba kuele ndè vè.To ndè satonde bomese ndè na tsogni va mise ma baate vè.Joseph na lèle ndé ndè abonge mudila ghu musueghe,mu kaghegha na ndè. 20 Va ndè tasenge mu mambe muene motchi,toma a yulu na yadele ndè ghutso ndoti,na lèle ndè ndé:Joseph,muana David,ya mono bomo mu kuele mukedia wè Marie,muti muana wu ndè lidi na ndè ghutso moyi wa legnugni la buyimba. 21 Ndè na bote muana ,lebaghela,béna ni leloghe ndè ndogha ya Jesus,muti ndè ni wu ka potolo yitsuku chendi mu mabi ma bo. 22 Bèlevè ,mu mambe muene motchi,Nzembi a bade ama lebele mubighi mabigha ma Nzembi Esaie na lèle ndè mu komemo . 23 Yogha:Nomba mukasa wa vè pa yabe babaghela na mene dimi,na bota muana wa lebaghela,bo ni ba loghe ndè ndogha ya Emmanuel,yi baka sopele bo Nzembi na besa bena a lidi. 24 Joseph na soghe cholo.Na tose bu toma yulu a lèle ndè mu sada.Ndè na tsaghela bona mukedia ndè marie. 25 To bande vana na chi Marie abota,bo ba sa sadenge makuele vè.Marie abota,muane lebaghela,Joseph na loghe ndè ndogha Jésus.