¹ Jesus àmane mabighe muène lèle, àmate va Galilée nàyènde ghu kèse a Judé ghu ngulu a nzèli a Jourdain ghu ngulu yiéne. ² Piti a baate mvuayovè yiduku ndè, ndè nabelese bo va kèse muène. ³ Bafarisi bàkukulu ghulidi ndè, nibàsoghe ndè bo: "Ghutso yichange cha mangidi ma Nzembi bachingese bo, lebaghale atoghe bome lekuèle na mukèdi a ndè mu pèti tchambe ? " ⁴ Jesus ayaghele nàlèle ndé: " Béne ka lesarange ti wàvange bo avange lebaghele na mukaase vè ?" ⁵ Ndé nalèle bo ndé:'' Nimulo lebaghele lekagheghe na taate a ndè na nguèndi, lebughunu na mukèdi a ndè, bo bakéteghe mutu ka mumochi. ⁶ Nimulo bo basasèli baate boli kavè, to mutu ka mumochi. Avane baate ba Nzèmbi amabughusu, buédi vè mutu akabakaghele bo. ⁷ Bo nibalèle ndè bo:'' Tkamuki Moise à lèle mukome yichange cha bome ghu lekuele? ⁸ Ndè nàkale bo ndé: " Ndile mu bunono bua mitéme mia béne Moise achingese béne mu bome lekuele na mukedi, to va lebande la tchamba muéne lesabade bone vè. mukome yichange cha bome lekuèle mu funzu mukèdi ? ". ⁹ Mé Ka béne mé lèle : "Mute pèti ndè wa bome lekuèle na mukèdi'andè, muvènge wa buise bukèli, ti ndè bakuèle mukaase mukime, ndè mabuise bukèli. Na lebaghele li lakuèle mukasa wu maboma lekuèle, bukèli na ndè a buise." ¹⁰ Baduki ba Jesus niba lèle ndè bo:'' lebaghele ti nibone alidi va busu bua mukèdi'andè ,ka buédi vè mu kuèlene. ¹¹ To Jesus nakale bo ndé: "Baate botchi ani babakitoghe mambe muéne ma mè longichi uchinge vè, to ndile ghu lidi baate bachingese ti baditeghe mo. ¹² Muti aghone na babaghele babavangele ghutso moyi a nguendi. Ghone na mivange mi baata bavangela tso na mivange mi miakéteghele mu buyumune bua ghu yulu. Wuli lidi tchitse muchilele mambe muène achilela mo. ¹³ Kava batsualele ghulidi ndè baane babangebe mu bo ndè béke bo makake, a bonde mubo. To baduki ba Jesus ni ba kambeghe baate babatsuale bo. ¹⁴ To Jesus nalèle ghulidi bo ndé: "Niaghani baane babangèbè bayaade ghulidi mè, uyaléghani bo muti buyumune bua Nzembi bua ghu yulu ngana bo bulidi." ¹⁵ Ndè béke bo makaka, va mbisavane na mate va kèse muéne. ¹⁶ Va mbisavane mufudu lebaghela ayada ghulidi Jesus nalèle ndè ndé: " A Kumu mamba mamabuè ma mè kisade mu baghe moyi wa mubu na mubu mèni? " ¹⁷ Jesus nalèle ndè ndé : " Mu tchambe na wè fulu mè tchambe lele bué Mutu wu mubué ndile mumochi penze. To ti wè tonde fuade moyi wa mubunamubu, kèle mangidi". ¹⁸ Mutu muène na lèle ndè ndé: "mangidi ka mèni" ? Jesus nalèle ndè ndé: " Ya boma,ya buise bukèli, ya yiba, ya sade bumbanza bua kutu. ¹⁹ Yimbesa taat'awè na ngawè. Tondo mbèghi ngana bu wè tonde muène ". ²⁰ Mufudu lebaghela muène nalèle ndè ndé: " Mè yimbichi mambe muène mocthi. Le mè lidi na nzale alo ka lini ? " ²¹ Jesus nalèle ndè ndé: " Ti wè tondo bade wakogha sombesa biotchi bi wè lidi nabio, na wè vède bio ghulidi baate baba vè na matsonge, tsovane wè kabagha buchina ghu yulu. Tsovana wè yade, wè kaduke mè." ²² To va mufudu lebaghela muène ayogha mambe motchi ma Jesus alèle ghulidi ndè, ndè nayènde ndile ka nimena, mu ndè bade na buchine mvuabo vè. ²³ Avanekaniva Jesus alèle baduki bèndi ndé: " Mumbuli mè lèle béna mé, paghe ghulidi mute wulidi na buchine mu baghe buyumune bua ghu yulu ghu mboghe a Nzembi. ²⁴ Mè na babuèse béne mé: ''Paghe vè ghulidi niame wu batède chameau mu ningele vatso leyuku la tsongi, to mutu wulidi na buchine paghe muningele ghutso buyumune bua Nzèmbi. ²⁵ Va baduki ba Jesus bayogha mambe muéne, baghémbe niba lèlebo: " Wukipoteghe kana? " ²⁶ Jesus akèngese bo nalèle ndé: " Mambe muène ghulidi baate pagha; to ghulidi Nzèmbi mo masalidi paghe vè." ²⁷ A va Pierre ayaghele ndè ndé: " Kumu kéngese, bése lematamene mambe ma bése motchi muduke wè, tsonge yi bése lekabaghe ka yini?" ²⁸ Jesus nalèle bo ndé: " Béna bala duku mè mu babote lebota lanamanza va mè wabonge nzime a baate mè kabade mè tsaghele va yulu a kuange a ya buyimbe, béne nilebade latsaghele va yulu makuange ma buyimbe ma lekumi na moli, mu pase mipame mia bibande bia yichirayele bia lekumi na bioli. ²⁹ Mutu wotchi watamene mendi, baane ba taate a ndè, bakédi béndi, taate a ndè, nguéndi, baane béndi kéni yibognhe chéndi mu ndogh a mè , ndè nabagha bikumbu mvua bio vè. Ndè na babaghe na moyi wa mubunamubu. ³⁰ To baate mvuabovè ba balidi tsomi tsughu yine yi ni babade ka chikela. Babalidi chikele mvuabovè ni babade ka busu.