¹ Va lekèse muène baduki bàyade ghulidi Jesus nibàlèle ndè bo: " Wulidi yivonde ghutso buyumunu bua Nzèmbi ghu yulu na? " ² Jesus a tède muaane a ngèbe ghu lidi ndè, na tsaghese ndè vatso kèti a bo, ³ nàlèle ndé: " Mumbuli mè lèle béne mé, ti béne lesakétèghe ngana baane babangège vè, pèti lesoghe nilebade, béne lesakaningele ghutso buyumunu bua ghu yulu vè. ^{4 5 6} 4 Nimulo pèti mutu wakolene ngana muaane a ngèbè wunuwu, achéne ni yivonde chicha lotele bambèghi ghutso buyumunu bua Nzèmbi ghu yulu. 5 Na pèti mutu wayake muane a ngèbe mumochi vatso baane bangèbè banebe mu ndoghe a mè, ndè mè ayake. 6 To ti pèti mutu abosele muane a ngèbe mumochi vatso bangèbe bababole lebioghe mu mè, ndè vana a masade lebi. Mu ndè, mbé buédi bakaghade ndè lemani lelenéni mu lekinge lèndi, bakatète ndè ghutso yidibe cha mubu avè na ngulu. ⁷ Mimbondo ghulidi bulonge mu makèse ma mambe mamanono. Muti bikumbu muène buédi bikayade. To bubi ghulidi mutu wu bikumbu muène buédi bia yade mu mbate a ndè. ⁸ Ti lekake lawe voki ghulu chawe, cho chi kabade tondi wè, soghele cho, vède cho vala nawe. Bubuè bua lotele ghulidi wè mu ningele na lekake lemochi ghutso buyumunu bua ghu yulu, amu yènde na makake mamoli, na mila mia mioli ghutso mbuaghe ya mubunamubu vè. ⁹ Ti dise lawe la bade mu raghese wè, soghele lo, vèdè lo vale nawe. Bubuè bua lotele ghulidi wè mu ningele na dise lemochi ghutso buyumunu bua ghu yulu, amu yènde na mise mamoli ghutso mbuagha ya mubunamubu vè. ¹⁰ Yirambelani béne lesa vongole ti ngèbè mumochi vatso bo botchi. Muti mè lèle béne mè, ghu yulu, batome ba Nzèmbi, bakéli babo bakèngese Taate mè wa ghu yulu ndile lekèse lotchi. ¹¹ Muti Muaane a Mutu ayade mu toto ndile mu potele baate baba niambene. ¹² Tchiambe muène béne ka na yiki lafuanese lo ? Ti mutu mumochi alidi na mukume bindombe, vatso bio, yimochi yika niambene, ndè ka paniaghe bia makumi wa na bindombe wa biéne mu yèndè ghu yisaghe cha yimochi chéne vè? ¹³ Ti ndè solele cho, mumbuli mè lèle béne mé ndè kuade na ngombe mu cho, ya lotele munganza wu ndè toghe bade na ndè mu mbate a makumiwa ma bindombo bibia vè niambene. ¹⁴ Mulinga mumochi ngana letonde la Taate a béne wa ghu yulu asa tondo ti ngèbè mumochi vatso bo a tsotchini vè. ¹⁵ Ti muaane a taate a we asadale wè lebi, sèmbe ndè va bene a ndè lelidi ndile boli. Ti ndè yoghe akachinge mbèlè a ndè, wè mamane ndè ghabese mu nzile. ¹⁶ Ti ndè sachinge lèle ndè vè, bonge muaane a taate a wè mumochi kèni baate boli , muti mu bumbanze bua baate boli voki bua baate batata, yimbuli chi bavèghèghele chikabade. ¹⁷ Ti ndè bise chinge mbèle a ndè bèghe tchambe muène ghulidi lebundu. Ti ndè bise chinge namonia ma lebundu lekilèlè ndè, bongani ndè ngana mutu wu sa yebi Nzembi vè, kèni ngana mubongi mapaghe. ¹⁸ Mumbuli mè lèlè mé, mambe motchi ma béne leghade ghu toto ghuni baghade mo ghu yulu, namonia motchi ma béne laniangele ghu toto, baniangele mo ghu yulu. ¹⁹ Mè baghabeghele béne ba lèlè mé, ti baate boli va pfuèchi a béne babughu lebighe mu fulu yikumbu, Taate a mè wulidi ghu yulu avèdè bo cho. ²⁰ Muti va baate boli kèni batate bakokene mu ndoghe a mè, mè vatso bo mè lidi. ²¹ A va Pierre a yade na lèle Jesus ndé: "A kumu, mè muaane a taate maboghelo kuè mè kitoghe boghele, va ndè kasade lebi ? Maboghele tsamba ? ²² Jesus na kale ndè ndé " Mè saleli bene mé maboghele tsambe vè, to ndile boghele na boghele yiii na ghu makumi tsambe maboghele, wèka funile mo mayakena tsambe. ²³ Buyumunu bua Nzèmbi bua ghu yulu na kumu a tsènge wàtonde yabe lerange la badole bèndi ba basèli bèndi bàkèlenge bafuanese. ²⁴ Va ndè bande, tsaghele nibàtsuale ndè muséli mumochi wà nuanenge ndè mitochini mioli mia badole. ²⁵ Mu ndè sabade na matsonge ma futu mughane muène vè, kumu a tsènge nàlèle ndé basombese ndè na baane na tsale bèndi na biocthi bi ndè lidi na bio mu futu mughane. ²⁶ Musèli muène a some mabonge va toto va busu bua kumu a ndè na kayile ndè ndé: "A kumu, vède mè mua lekèse, mè futu mughane a wè wotchi. ²⁷ Kumu a mutu muène a mone ndè tinge, na tamene mughane muène wotchi. ²⁸ Va musèli muène a pole ghu mboghe a kumu a ndè, a buane na mbèghi a ndè wua nuanenge ndè mukame badole vatso bambèghi bèndi ba bone a bo basalenge, a kuate ndè mu lengoyi va lekinge, na bameghe ndè va mingonge na lèle ndè ndé: "Futu mè bi wè nuane mè. " ²⁹ To mbèghi a kututnu va busu buèndi na fulu ndè kokole nalèle ndé: "Vède mè mua tsughu, mè nifutu mughane a wè wotchi." ³⁰ To musèli muène a sa chinge ma mbèghi ma ndè lèle vè. Ayènde na ndè na tète ghu tsughu, na chi ndè mbé futu mughane a ndè wotchi. ³¹ Va bambèghi bèndi bane bàmone mambe mamavioghe, ni ba bade nimene ghualotele. Batèmene ni bayènde ghu yole musame a mambe muène wotchi ghulidi kumu a bo. ³² Kumu musèli muène a tède ndè na lèle ndè ndé: "A muséli wa bukèni wunuwu, mè vèghili lenuane lawe lotchi mu wè bondi mè, ³³ Ka wè sambé mone na muaane a taate awè lengèbe ngana bu mè moni wè lengèbe vè ?" ³⁵ Kumu kéchi mvuayovè a bade na yo. Avane kani va ndè vaghele mutu na babumi ba baate yii na va ndè futu bi ndè nuanenge ndè. ³⁴ A bone ni ngana bu Taate a mè wa ghu yulu a kasade béne ti béne lesaboghele muaane a taate a béne na mutéme wotchi vè.