¹ Tsughu samune ivioghe, Jesus abonge Pierre na Jacques bona Jean muana a taate a ndé nabèghe bo va mua lepémbe yulu mukongo. ² Ndè naghèle indjime va busu bua bo. Lebundzu lèndi ni layingeghe ndile ka ngana latèdi. Mamgoyi mèndi nimanguéyinenze ndile va ngana misondji mia nianga. ³ Ava kani va Moise bona Elie bayada va bo babade niyambelenge na Jesus. ⁴ Pierre amono bo, atole ndagha,na lèle Jesus ndé:' a Kumu ndile buèdi mu besa béne mu bade na kese yineyi. Ti wè tonde, mè tonge baghovèghe ba tate. Mumochi wawe, mumochi wa Moise. A wone wa Eli. ⁵ Ndè bade ki yambelenga ayambelenge, avanekaniva lebungui lakale muène yitchighe chiotchi. Ndagha yipole ghutso lebungui muene, ni yalèle ti: Awu nuwu ni muane a mè wu mè tondo ghua lotela. Ghobichia ni ndè. ⁶ Va bo ba yoghe ndagha muène, bome bua kuate bo, bo niba kundughu mabunzu mu tote. ⁷ Jesus a yade, abèmbe bo, nalèle ndé: Tèmenani. Yamonani bome. ⁸ Bo bachimbeghe mise ghu yulu, bo basamone mutu ni mute vè, mukabe na Jesus. ⁹ Va Jesus bone baduki bendi bakolenge makonge, ndè na lèle baduki bendi ndé: Ylèlani tchiamba muène ghuli baate, nachi wa bong ndjime a baate akasoghe ghu leku.( va pfuèchi a baate baba kuade) ¹⁰ Baduki bendi ni bafule ndè bo: Ba Scribes ka mu tchiambe na balèle bo Eli buédi akapayade tsomi? v 11Jesus na kale bo ndé: Mumbuli Nzembi asade pengini ndè Eli nayade ghu yivange ndjile mupotili a baate. ¹¹ To mè ka béne mè lèle mé: Eli mumbuli ayade, to bo basadighele ndè vè. ¹² Bo ni basade mambe motchi mamabi ma bo batondenge. A bone ni bu bo bakasade mè. ¹³ Avanekani va baduki bendi batchikesse bo ndè muniute a sa bapetèsete ayambelenge. ¹⁴ Va baduki ba Jesus ba batate baghabeghe ghughuabade baduki bana, na ghughuabade piti a baate, mutu a yade va busu bua Jesus , a some ma bonge mu tote nalèle ndè ndé: ¹⁵ Kumu mone muane a mè tinge. Bèlesse ndè, ndè tchighe abèle. Mimbonde mvua miovè amone. Mu yibéde muène makèse motchi ndè raghenge ndile ghutso mbuaghe na ghutso mambe. ¹⁶ Mè ma bèghe ndè ghulidi baduki bawe, bo basabélichi ndè vè. ¹⁷ Jesus a kale bo nalèle bo ndé: A baate ba ngua mitéma bunone, bablidi na vianavédi. Na lekesse na mè kasokele mutéma?Tsualagni mè muane ghugni. ¹⁸ Jesus akambeghe manioni mamabi, mo nima pole ghutso niutu mufudu muène. Vaketi-avane ndè na bèleghe. ¹⁹ Baduki ba Jesus bakukule va pedi a ndè ghu musuèghe ni ba fulu ndè bo:bésa ka mu tchiamba na bésa lebichitoghe funzu manioni muène? ²⁰ Jesus na kale bo ndé: Ndile mu béne lesalidi na lebioghe la mbuli mu bungudi bua Nzembi vè. Mumbuli mè lèle béne mé béne labade na lebioghe la pèse ngana mulonde muti wubatède mutarde ti béne lalèle ghulidi makonge wunuwu, ti mate vaneve yende ghona, ndé mate aka yende. ²¹ Béne lechi konde tchiambe ti lemochi vè. ²² Va baduki ba Jesus bakokene va kese Galilee. Jesus na lèle ghulidi baduki bendi ndé: Nibavaghele Muane a mute ghulidi baate bababi. ²³ Bo niba bome ndè na ghu leku. To ndè nasoghe ghu leku mu letsughu la mutate. Va baduki ba Jesus bayoghe mabighe muène, bo nibabade ndile ka nimene. ²⁴ Va bo batode ghu Capernaume, mutu wabongenge mapaghe ma ghu nzo Nzembi, a kukule ghughuabade Pierre na lèle ndè ndé: Kumu a béne a safutu mapaghe vè? ²⁵ Pierre na kale mutu muène ndé: A futu. Va Pierre aningele ghutso nzo yi Jesus a bade, ndé na ya tsoghe ndaghe, Jesus abade yambele tsomi na lèle ndè ndé: A chime, babafutu malaghe ghulidi bakumu ba bulonge baane ba bo vo bandjinze? ²⁶ Pierre na kale ndè ndé: Bandjinza! Jesus na kale ndè ndé ka baane ba bo basa fulu vè. ²⁷ To me sade ti mubongui mapaghe a kamane paghe ghutso mutéma, yénde ghu mubu wavena ngulu. We tète lelobe, we pose tchui, wu wè ki pose tsomi, wè bonge ndè, wè ka yende ghu yivède ghulidi mubongi mapaghe mu mè na mu wè.