¹ Ba pharisiens bona ba Sadducien ni bayade mu tchitse ndè na yifulichi cha muèse bo yilemba chi cha mata ghu yulu. ² To ndè nayaghele bo nde:" va letèdi la kolene be la lèle ti buchi lolo buèdi buki bade; muti yulu yi lidi ya bèngè. ³ Na nguèli béne lalèle ti : Lole na mukungu, muti ghu yulu ghu lidi na lebénge na lepinde. Béne leyébi ngana babasopele bu yulu yilidi, to béne lesatoghe sopele bilémbe bia makèse vè. ⁴ Yimbise chia baate bangua bukèni naba buise ba makèli basaghe yilémbe, to ba saka yilembe vè, muvènge chia Jonas. Tsovana Jesus na mate vane. ⁵ Baduki bàyènde ghu tungu mudibe ghu nguluyéne nibàdimbele mu bonge mapè. ⁶ Jesus nàlèle bo ndé: "Yirambelani bichidili biamambe ma ba Pharisiens na ba Saduceens." ⁷ Baduki nibàyambele pfuèchi a bo muène na bo muène bo: "Ndile mu bésabéne lesabongi mapè vè. ⁸ Jesus a balébele mu lo nàlèle ndé: "Béne baate ba ngua lebioghe lalekèghe, muki béne layambele pfuèchi a béne nalèle ti ndile mu bése lisabongi mapè vè ? ⁹ Bé le madimbele na be lesababangele vè: mu mapè matane mu mitochini mitane mia baate, lerange lamapondji kuè béne latole ? ¹⁰ Voki mapè tsambe ghu li mitochini mina mia baate, to lerange lamapondji kuè béne letuli ? ¹¹ Bé le madimbele na be lesa babangele vè: mapè matane mu mitochini mitane mia baate, lerange lamapondji kuè béne latole ? ¹² Voki mapè tsambe ghu li mitochini mina mia baate, lerange lamapondji kuè béne latole ? ¹³ Va Jesus asota ghu tsèng'a Césaré wa musènge a Philippe, ndè na fulu baduki bèndi nalèle ndé: "Buni ba lèle mu Muan'aMutu ? ¹⁴ Boni ba lèle bo: "Bakè bo wè Jean Baptiste, bana bo wè Elie na bakima bo wè Jérémie, voki mubighi'amambe mumochi va tsobo. ¹⁵ Ndè na lèle bo ndé: " To béne, ndoghe yibéne la vè mè kana ? " ¹⁶ Simon Pierre nayaghele ndé: " Wè christ wè lidi Muaan'aNzèmbi wu lidi moyi." ¹⁷ Jesus na yaghele ndè, na lèle ndé: "Misanga ghu lidi wè Simon muaan'a Jonas, muti'a musoni na ndjine bi muéchichi wè movè, to Taata mè wu lidi ghu yulu. ¹⁸ Mè nalèle wè mé wè lemani, va yulu lemani mèni tonge nzo'nzèmbi'amè, bidibegha bia mbuagha bisaka baada na bungudi mu mbata yo vè. ¹⁹ Mè ni vède wè bichèpi bia buyumunu bia ghu yulu, na biotchi bi wèka ghada mu toto mu, bio nabio ni baghada ghu yule, biwè kaniangele ghu toto ni baniangele bio ghu yulu. ²⁰ Vaa Ka niva Jesus alèle baduki bèndi, ndé yalèle mutu ti mumochi ti mè Christ. ²¹ Vakèti avane, Jesus nà lèle baduki bèndi ndé, ndè yènde ghu Jerusalème ghu mono mimbonde mia mambe mfuamovè mu makake ma bavédi ba malaghe na ma ba Secribe, buédi ti bakabome ndè, mu letsughu la mutata ndè nasoghe. ²² Pièrre na tède ndè va yitchighe cha bupénze nà kambeghe ndè ndé: "Bio biotchi bibade vala nawè, kumu, na bio bisakayadele wè vè. ²³ To Jesus àghèleghe nà lèle Pièrre ndé: " Mate va busu buème mubéli wunuwu. Wè lidi lemani lalebaka mu mbata mè; muti wè samone yibèyi vè mu mambe ma Nzèmbi to ndile mu mambe ma baate. ²⁴ Avakaniva Jesus a lèle baduki bèndi ndé: " Ti mutu atonde duku mè, ndè buédi a pabise ma ndè lidi na mo ndè muène, abonge kurusu a ndè mu duku mè. ²⁵ Muti pèti wulidi na nzale potele moyi a ndè nàvide ndè, na pèti mutu wa vide moyi a ndè mu mè nabakese ndè. ²⁶ Mutu yiki abeghe ti ndè ghanze moyi a ndè muduku mambe ma bulonge? Mutu biki akivède mu sobichi na moyi a ndè ? ²⁷ Muti Muaane a Mutu nayade na buyimbe bua Taate a ndè bone batome bèndi.Tsovana ndè nafutu mutu mutu mu mambe mèndi. ²⁸ Mumbuli mè lèle béne, bana va tso béne va, basaka megha leku vè, ti bo basamone Muaane a Mutu ghu ndè yade ghutso buyumunu buèndi vè.