¹ Va yulu vana ba Pharisiens na ba Scribes bakè ba mate ghu Jérusalem,ni ba yende ghu mbogha Jesus,ni ba lèle ndè bo: ² ''Muki baduki ba wè bavongele bichidili bia mambe ma bivonda bia kale? Bo ba sa patsoke makake mu tcade vè? ³ Jesus a yaghele na lèle bo ndé:Béna béna muki béne la vongele mangidi ma Nzembi mu kèle mambe ma bichidili bia kala? ⁴ Nzembi a vède manguidi mole : Ghobichi tate a wuè na nguawè, na mutu pèti ndè wua chibela tate a ndè, vo nguendi, ni ba ghade ndè mukude mu lekinga. ⁵ To béna la lèle baate ti:Ba chingese lèle tèyi a vo ngu ti: Tsonge yi mè mbé vède béna,ka Nzembi mè vède wu mè masade pengini na ndè. ⁶ Va béna la sade lo béna latase ti béna le chi toghe vède yikumbe ghuli yimochi ngaghe béne vè.Mu lo,béna la dimbela ngidi a Nzembi mu bangele ndile mamba ma bakaghe ba béna balongichi béna. ⁷ Béna la votse ti béna baate ba babue.Esaie yimbuli a lèle va ndè yambele mu matase ma Nzembi mu tchambe la ba kaghe ba béna. ⁸ Baate muène bayambela ngana wo bo mè ba yimbesa. ⁹ Bo ba bayimbese mè ndile nzolo, muti bo ba balongichi matase ,ma baate bane bo ba tase longese mambe ma mè toma. ¹⁰ A mane ndè na tède piti a baate,na lèle yo ndé:Yoghagni mambe ma mè ki lèle béna,tchikesagni mo. ¹¹ Yikumbu ti yimochi chi chia ningele ghutso mugnio mutu yi ka sambese ndè vè.To lebighe lotchi li la pole ghutso mugnio ndè ni li la sambese ndè. ¹² Avana baduki ba Jesus ba yade ghu lidi ndè,ni ba lèle ndè bo:Wè yébi wo miteme mia ba Pharisiens mi némini va bo bayughi mambe ma wè lèle yembili? ¹³ A vane ka ni va Jesus a tadele bo kokoma yiniyi:Taate mè ghu yulu na kagheghe na botchi baba longeso bikumbe bi bia viasene na mambe ma ndè longichi ngana bu muchidi manungi a duble bi ndè vè vada,mu kaghele bio na bi ndè vade. ¹⁴ ba pèpidi ba ba béte baate.Ti mupepidi abéte mupepidi mukima,bo botchi ba raghe ghutso lebele lemochi. ¹⁵ Pierre na fulu Jesus ndé:Sopele bese kokome muènè. ¹⁶ Jesus na ba kale ndé Namoni a béna ka lesa tchikese vè? ¹⁷ Béna le sa mone ti biotchi bi bia ningela ghutso mugnio,bia lota ghut yifundu,tsovana bi bia sala,bi ka lote ghutso tsomo vè?A bi mutu a tchade bia sambese ndè vè. ¹⁸ To ghutso mutéma ni ghu ghua mate matase ma mabi. ¹⁹ Lebumi,bukeli,bundigha,yiba,bumbanza bua kutu na bitughi. ²⁰ Abiena ni bikumbu bi bia sambese mutu.To tchada na makaka ma ba vè pa tsoka,ghu sa sambese mutu vè. ²¹ Va yulu vana ,Jesus na mate vane,na yende ghu musenge a Tyrna wa Sidon. ²² Mukase wa muchi Kanaan,wa tsaghelenge kese muène,na yade ghu lidi Jesus.Ndè na chimena,na lèle ndé:Mone tinga a mè,Kumu,mutegheda David.Muana mè wa mukase na legnugni li libi ghutso gniutu li la yongese ndè ghua lotela. ²³ To Jesus a sa yaghele ndè vè.Baduki bendi ni ba yada mu bondo ndè na lèle ti :Ghabese ndè, niaghe chimene ghu mbisa bese a bena tso na le yongese sade. ²⁴ To Jesus na yaghele ndé: Mè batchindeghe ndila mu bibodi bia nzo Israel bi bia gnambena.Muti bo ba sa yébi ngana bu ba todo ghu yulu vè. ²⁵ To ndè na yade,na dengene va busu buendi na lelenge ndé: kumu,yamese mè. ²⁶ Ndè yaghela na lèle ndé:Buédi vè mu mutu pèti ndè wa bonge lebuku la pè la baane a ka veghe baane ba bamfuendi? ²⁷ Ndè na lèle : ni bona Kumu, kiti baane ba bamfuendi ngè ba tchade masesenge ma maraghe ghu tchina tabele a bakumu ba bo. ²⁸ Jesus na yaghele ndè ndé:A mukase wu, lebioghe lawè laleneni li lidi.Buedi ti ba sade lo mu wè,ngana bu wè tondo. Tso muana ndè wa mukase na bèleghe va lekese muènè. ²⁹ Jesus na mata va yitchighe muènè, tso na yende ghu ngula a mudiba wa Galilée. Va ndè koma mukongo, tso ndè na tsaghele ghona. ³⁰ Piti a baate ya kunu ni ya yade ghu ndè lidi, na monia bikata,bapepidi,bimèmè,na ba ngua bichighe bia volo,na babéda bakima mfuabovè.Bo ni ba muese ndè bo va mile miendi mu boghe bo. ³¹ Ni mulo ,piti a baate ni ya mono bimèmè ka yambela,ba ngua bichighe bia volo ka bèleghe,bikata ka yende,bapèpidi kamono.Bo ni ba kakese Nzembi a Israel. ³² Jesus a tède baduki bendi,na lèle bo ndé:Mè mono tinga baate baneba,muti bo ba bachingena na bade nèmè,mana bo ba sa lidi na bia tchia vè.Mè sa tonde baghabese bo na nzale vè muti miange mi ka fuade bo mu nzila. ³³ Baduki ba Jesus ni ba yaghele ndè bo: Ghugni la togha bakese mapè va yitchighe cha leghengi chinechi,mu tchades piti a baate ngana yineyi? ³⁴ Jesus na lèle bo ndé: mapèkuè béna li lidi na mo?Bo ni ba lèle ndè bo tsamba,na mua pésa batchui ba bakèghe. ³⁵ ,Jesus na tsaghese piti a baate. ³⁶ Ndè na bonge mapè tsamba na batchui.Va yula vana ndè na bonde Nzembi,na kèse lepè,na vède baduki bendi.Baduki bendi ni ba vède piti a baate bio. ³⁷ Muti Jesus a sade yimuile mu fugnile biéla,botchi ni ba tchiada, tso ni ba mo bubue.Bo ni batolenge mabuku mama sala ni ma base mapondji bitini tsamba. ³⁸ Mitochini mina mia babaghela ni mi mia tchiada.Bakase na bangebe ba sa bade ghutso lerange muene vè. ³⁹ Jesus na ghabese piti a baate,na naghe ghutso mbunge,na yende ghu kese a Magadan.