¹ Mu lekèse muène lena, Hérode wu batède térarque ayogha matsange mamu mbata Jesus na bimuile bi ndè sadenge. ² Ndè na lèle basèli bèndi ndé: " Mutu wunewu ndila Jean Baptiste." Ndè nasughi va pfuechi'aba bakuada. Ni mulo ndè lidi na bungudi buasada bimuila. ³ Monani lébombe li Hérode alèle ndé bakuate Jean, na batète, ndè ghutso tsughu mu mbate Hérodias mukèdi'amuaana'a nguèndi Phillipe. Muti Jean alèle ndè, ndé " Basa vedi wè butome bua bonge ndè ngana mukèdi'awè vè ". ⁴ Vane kanivana Jean a lèle ndé:"li wè chidi léna la viasene na mighagha ma Nzèmbi. "Musosa Hérodias mutéma ,Hérode na lèle baghodi bèndi mukuata Jean. ⁵ Bo ni baghada ndè, ni ba tètè ndè ghutso tsughu. Hérode atondo ndé baboma ndè wotchi na ghu leku, to ndè mono bomo bua matase ma bichi musengè. Muti baata ba kèngese Jean ngana mubighi a mambe ma Nzèmbi. ⁶ Letsughu lemochi va mayaye ma mukungi'a letsughu li babota Hérode latodo, muaana Hérodias wa mukase nakéna va mutéma konz'a baate ba batède, na Hérode namone yinionga. ⁷ Ava ndè na saada ndè pèngini mu vède ndè biotchi bi ndè mbé vondo. ⁸ Vakaniva muaana Hérodias na yènde ghu mbogha nguèndi na fuulu ndè biba togha vondo. Nguèndi na lèle ndè mu fuulu mutsuè a Jean Baptiste. Va yula va nguèndi amane ndè yèlese ndè na lèle Hérode ndé vède mè vaneva: " va yulu yipèle chinichi, mutsuè Jean Baptiste. ⁹ Kumu bulongo abaade ka nimena mu mbata li ndè fuule, to pengini yindè saada va buse bua baata botchi ba batchadenga bona bo, ndè natonde ndé basaadele ndè lo. ¹⁰ Ndè natchindeghe baata mu kèse Jean va lekinga ghu ndè baade ghutso tsughu. ¹¹ Avana niva batsuala mutsuè Jean Baptiste va yulu yipèle niba vède muaana ndè wa mukasa. Ndè na vède nguèndi ndè. ¹² Baduki ba Jean ni bayada va duk'avana, ni babongo nuitu, ni bakundu yo. Va yulu avana boni bayènde ghu yilèle Sese tchambe muène. ¹³ Va duk'avana va Sese ayogha mo ndè na yènde ghutso mbunge ghu ngulu amubu avènangulu wa ghu Galilée. Va baata bayogha, boni ba mata mu musènge miabo, niba duku ndè mutoto mutungu mubu avènagulu. ¹⁴ Va Sese ayaade va tunge amubu avènangulu ghu pédi'abo, ndè na mono piti abaata yinéni. Ndè mone bo lengèbe ndè na bèlese ba béda babaada va pfuèchi'abo. ¹⁵ Va mungumbi atodo, baduki bèndi ni bayènde ghu pédi'andè niba lèle bo: "yitchighe chinichi leghèngi, na buchi ka vala. Tsamena piti muti baate bayènde mutso mala mu yisombe biatchada. ¹⁶ To Sese nalèle bo ndé, bo basalidi na nzala yènde bitchighe pèti bio mu sagha bia tchiada vè. Vèdani bo béne muène bikumbe biatchada. ¹⁷ Baduki bèndi niba lèle bo: " To bésa lélidi vaa ndile na batchui boli ba balamba." ¹⁸ Sese ndé: "tsualani mè bio." ¹⁹ Vaka niva Sese alèle piti a baate mutsaghela va yulu abimbe. Ndè na bongo mapè matane na batchui bole, nakèngese ghu yulu ndè na kakase Nzèmbi nakèse mapè navède ghu lidi baduki bèndi mu kabela piti a baata. ²⁰ Bo botchi ni batchada ni babasa. Boni baghabeghe na biéna bitini bia mapè bi biasalele. Bio ni biabase lekumi la mapondji moli. ²¹ Botchi ba batchade batose mitochini mitane mia babaghale, ghutso bo basa ranga bakaase na baane vè. ²² Va kèti avana ndè na ningese baduki bèndi ghutso mbunge mu bo yènde ngule yéna mukule wu ndè muène aghabesenge piti a baata mu manzo mabo. ²³ Va yul'ava ndè ghabesa piti a baata, ndè na kome ndè pénze ghu yul'amukongo mu bondo. Va mungumbi atodo, ndè na baade ndile va yitchigha muène ndè pénza. ²⁴ To mbungu baduki bèndi ya baada ndile ka ghu mutéme amubu avènangulu, mubiti kavè na mingéba nimiaghobenenge mu yo, muti levogha lasongene bosombo bua ghu mbungu ya yèndenge. ²⁵ Va duku avana, Sese na kolena mukongo mu yènde ghu pédi a mamba. Pfuèchi lekèse lamatata na musamena lana nguèli. Ndè na yènde mu yulu a mamba ghu pédi'a mbungu. ²⁶ Va baduki bèndi batalala ndè ayènde mu yulu a mamba bo batasenge boka mukuyi. Boni bamono bomo, mfuabovè niba chimane makima. ²⁷ Sese nalèle bo va kièti avana ndé: "sosani mitéma awo mè. Ya monani bomo. ²⁸ Pierre na lèle ndé: "a kumu tiwè vède mè butome bua yada ghu pédi'awè mu yulu a mamba." ²⁹ Sese nalèle ndé:,"Yaada. Ni bona Pierre na pole ghutso mbunge na yènde mu yulu a mamba ghu pédi'aSese. ³⁰ To lekèse liPierre asaada letasa lèndi mu mbata levogha, bomo nibua kuate ndè; ndè na banda uniongo, ndè fuule makima mbulambuli na lèle Sese ndé: "kumu yipotele mè. ³¹ Va kèti avane Sese nasokele lekaka, na kuata Pierre, na lèle ndè ndé: "Mute ngua lebioghe lapésa muki wè kuèti mapagha mawo mè niagha wè wè kaniongo? ³² A vana Sese bona Pierre ni banagha ghutso mbungu lévogha ni lavomena. ³³ Baduki bèndi ni bakutune va buse bua Sese niba lèle bo: " na mumbuli wè lidi muaana Nzèmbi." ³⁴ va bo baghabeghele mubu avènangulu sabegha, bo ni basota ghu tsènge aSenesareh. ³⁵ Baata ba yitchigha muène niba dighela Sese, va kani vabo batchindeghe batome bitchigha biotchi biakèse muène niba tsualele ndè babéda botchi. ³⁶ Baata ba babaade mabéda nibabondenge ndè bo chingese bésa lebèmbe lepèpi lalengoyi lawè na botchi baba bèmbenge lo ni babèleghè.