¹ Buyumune bua ghu yule bulidi ngana kum'anzo, wa pole na kèti'a nguèli mu saghe basèli ba nungi'andè yi batède bo vigne. Va yul'avana bon'abasèli ni ba songese lefune lafutu bo mu letsughe. ² Ndè natchindeghe basèli ghutso nungi. ³ Ndè napole mu lekèse la mutate a va kani va ndè mone bana basèli babada ndile yitsighe yimochi mudianze usavè. ⁴ Ndè nalèle bo ndé, Béne na béne, yèndani ghutso nungi, biotchi bibili bia bibuè mè vède béna. Bo ni bayènde ghu dianza. ⁵ Avane ndè naba ghabeghe pole mu lekèse lamusamene na lamuwua, na sade tsamuéne. ⁶ Ndè na baghabele pole lekèse la lekumi na yimochi, ndè na pole na bakese bane nabo, ndè nalèle bo ndé: "Muki béne lilidi latséghele niange yotchi ?" ⁷ Bo ni bayaghele ndè bo: "Muti mute asabongi bése mu mudianze vè. "Ndè na lèle bo ndé: "Béne na béne, yèndani ghutso nungi." ⁸ Mungumbi atode, kum'a nungi nalèle mukélichi a ndè ndé: ⁹ Tèdè basèli vède bo mafute mabo bande wa chike nacha wa tsomi. Va basèli ba babande mudianze mu lekèse lalekumi na yimochi bayade, mute mute nabaghe dole mumochi. ¹⁰ Va basèli batsomi bayade bo nibatase bo: " bo bambé baghe ghualotele, to bo baghe ndile dole mumochi mu mutu-mutu." ¹¹ Bo bamane yake mafute mabo, niba kosenge ka kum'a nungi. ¹² Boni balèlenge bo: "Basèli babayidi chikele ba lutuchi ndile lekèse lemochi lamudianza, to wè vé bése matsonge ndile tchitse nabése ba lemoni mimbonde bande nguèli ghutso chotsela. ¹³ To kum'a nungi ayaghele nalèle musèli mumochi va pfuèchi abo ndé: " Mbèghi'amè mè chachidi béne tchambe lalebi vè. Béne lesabughi mutéme nème mu lefutu muène vè ?" ¹⁴ Bongani bibili bia béne na yèndani. Buédi mè moni muvède wa chikele wumè ningichi ghu mudianze ngan'abu mè védi béna. ¹⁵ Lo tchamba lalebi ti mè sade mabuè mèmè ngan'abu mè tondo ? ¹⁶ Ni mulo wa mbisa na bade ka ghu buse, wa buse na bade ka mbise. ¹⁷ Va lekèse li Jesus a bande kome ghu Jerusalem ndè na bonge baduki bèndi ba lekumi na boli. Mundjila, ndè nalèle bo ndé, ¹⁸ "Monani, bés'abéne ka kome lakomani ghu Jerusalem, na Muaan'a Nzèmbi ni bakabe ndè na bivonde bia babondili ba baate Nzèmbi na ba Scribes. ¹⁹ Bo ni babome ndè mbèle ya nacha naghu leku, bo niba vaghele ndè na ba ba vè yabe Nzembi muti bo bakabe ndè, ba kaghobe ndè mibèmbi naba ka komene ndè mumbata kurusu. To letsughe lamutate ndè na sogha. ²⁰ Vayul'avane ngua baane ba Zebedée na yade ghu mbogha Jésus bona baane bèndi nakutene va buse bua Jésus na fule ndè tchamba ndé: ²¹ na yaghele ndè ndé: "Wè biki we tonde? Ndè nalèle ndè ndé:"chingese wo baane bemè ba boli batsaghele,mumochi nghul'ambeghele,awone ngul'akasa,ghutso buyumune buawè. ²² To Jésus na yaghele ndé: "wè sayébi ma wè fule vè.Béne labade na bungudi bua chite mimbondo mi mè ki mono?"Bo ni ba lèle ndè bo: "bése na bungudi." ²³ Ndè na lèle bo ndé: "na mumbuli mimbondo mième béne ni le momio.To mutsaghele va ngulu a mbaghel'amè vo ngul'a kasa, Tate a mè ni wu li na la niange." ²⁴ Lekumi na boli labaduki bèndi bayogha ni bamone kéchi mumbata bambèghi ba baboli. ²⁵ Jésus na tède bo ndé: "wè yébi wo yivonde cha bapayi ghu yul'abo yilidi na binéni bia baate bilidi na butome mu mbat'abo. ²⁶ To lo lechibade ngana bone va pfuèchi'abéne vè. Wa tonde bade yivonde va pfuèchi abéne,buédi abade musèli abéna. ²⁷ Na watonde bade watsomi va pfuèchi abéna abade musèli abéna. ²⁸ Ni mulo muan'a Mutu asayade muti basalèle ndè vè to ndè a kasala mu vède moyi'andè lelaghe mu baate bakunu. ²⁹ Va bo bapole ghu Jéricho,piti'abaate yalotela ni yaduke ndè. ³⁰ Bapèpidi boli ba babade batsaghele va tung'a nzile,va bo bayoghe bo Jésus ndon'aviogho, nibateme na lèlenge bo: "malumbi muaan'a David ,mone ting'abésa." ³¹ To piti'abaate niyakubesenge bo na lèlenge bo mu baade lingii. To bo ndile ghuasenge na chimene mbuliambuli bo: "malumbi muaan'aDavid, mone ting'abesa." ³² Va mbise avana Jésus natemene, na tède bo, na fule bo ndé: "bene biki latonde ti mè sadele béna?" ³³ Bo ni bayaghele ndè bo: "Malumbi bése latonde mise ma bése ma dibene, bése lemone." ³⁴ Jésus abad'abase na tinge, nabèmbe mise mabo. Tinatine, bo niba mone mise mabo kavèlè, na bo nibaduke Jésus.