Luki 2
1
Hwenɛ́nu ɔ́, Ogwísí Sezáà ɖe gbeta unkpó tɔ́n, bó ɖɔ é ní xa mɛ e ɖo Hlɔ̌manu yě sín acɛkpíkpa glɔ́ có xwíí.
2
Nukɔn nukɔntɔ e è xa mɛ ɔ́ yě ɔ́ hwenu Kilinuwúsi ɖo tokpɔ̀ngán nyí we ɖò Silíí ɔ́ wɛ.
3
Mɛ unkpó unkpó nɔ́ yi ná nyǐkɔ ɖo é ɖésúnɔ sín toxo mɛ.
4
Jozɛfu gosín toxo Nazalɛ́ti tɔn e ɖo Galilée ayǐkúngbán jí ɔ́ jí, bó ɖidó toxo Betelɛyɛ́mu tɔn ɖo Judée yíkúngban ɔ́ jí, fí e è ji axɔ́sú Davídi ɖe é, boná yi na nyǐkɔ; ɖó Davídi hɛ́nnu mɛ wɛ é jɔ ɖe.
5
É kplá asixɔntɔn tɔn Mali e ɖo dɔgo hwenɛ́nu ɔ́, boná yi ná nyǐkɔ.
6
Fínɛ́ wɛ yě ɖe bɔ̀, fǐjizán Mali tɔn sɔgbe,
7
b'ɛ́ ji nukɔngbéfí tɔn, b'ɛ́ nyí súnnu, b'ɛ bú avɔ dó e, bó sɔ́ ɛ mlɔ́ nǔ e mɛ kanlin ɔ́ yě sín nǔɖuɖu nɔ́ nɔ é; ɖó yě mɔ tɛnmɛ ɖo fí e alitanu ɔ́ yě nɔ jɛ́ ɔ́ à.
8
9
Lɛ̌ngbɔ́nyitɔ́ yě ɖo gběhan nɛ́ ɔ́ mɛ, bó ɖo lɛ̌ngbɔ́ yětɔn ɔ́ yě kɔn we kɔn zán nɛ́ ɔ mɛ.
Wɛnsagun Aklunɔ̀ tɔ̀n unkpó ka na wá jɛ yě jí bɔ susu Aklúnɔ tɔ́n ɔ́ sín wěziza jɛ yě có xwíí jí. Bɔ̀ xɛsi ɖaxó ɖé jɛ yě có xwíí jí.
10
Wɛnsagun ɔ́ ka ɖɔ ni yě ɖɔ ná: "Mi ma ɖi xɛsi ó, Wɛn Ɖagbe ɖé dó mi gbe un ja, bɔ é ná nyí awǎjijɛnú ɖaxó nú togun ɔ́ có xwíí.
11
È ji Mɛhwlɛ́ngántɔ́ unkpó ní mǐ éhɔ́nmɛ ɖò axɔ́sú Davídi tomɛ, é wɛ nyí klísù Aklúnɔ nɔ́.
12
Nǔ e mi na dó tunwun ná ɖíe : mi ná mɔ yɛ̌yɛ́fí unkpó bɔ è bǔ avɔ dé e, lobo sɔ́ ɛ mɛ mlɔ́ nǔ é mɛ kanlin ɔ́ yě sín nǔɖuɖu nɔ́ nɔ é.
13
Azɔ̀n unkpo ɔ̀, wɛnsagun wɔ̌buwɔ́bú ɖěe wa gɔ́ ní ɖeée wa dó wɛn ɔ̀, Bɔ yě jɛ mawu mlá jí lobo nɔ ɖɔ:
14
"susu nú Mawu ɖo jixwé , fífá ní tíin ɖo ayǐkúngban ní gbɛtɔ́ é sin nǔ nyɔ́ Mawu nukún mɛ ɔ́ yě.
15
Ée wɛnsagun ɔ́ yě lɛ́ kɔ ɖidó jǐxwé ɔ́, lɛ̌ngbɔ́nyitɔ́ yě ɖɔ nú yěɖée ɖɔ nǎ: "Mi nú mi na wún káká yi Bɛteleyɛ́mu, boná yi kpɔ́n nǔ e jɛ bɔ Aklúnɔ dó wɛn sɛ́ dó mǐ é."
16
Yě hlɛ̌ndó bó yi, yě mɔ Mali kpán Jozɛ́fu kpán, bó mɔ yɛ̌yɛ́fí ɔ́ ɖo ayǐmlɔ́mlɔ́ ɖo nǔ e mɛ kanlin ɔ́ yě sín nǔɖuɖu nɔ́ nɔ é mɛ.
17
Ée yě mɔ ɛ ɔ́, yě jɛ xó e wɛnsagun ɔ́ ɖɔ dó yɛ̌yɛ́fí ɔ́ wú ɔ́ ɖɔ jí.
18
Bɔ nǔ e lɛ̌ngbɔ́nyitɔ́ ɔ́ yě ɖɔ kpácá mɛ e sé ɔ́ yě có.
19
Mali ka yí xó nɛ́ ɔ́ yě có xwíi hɛn dó ayi mɛ, bó nɔ́ ɖo tamɛ lin ɖ'éwú we.
20
Lɛ̌ngbɔ́nyitɔ́ yě lɛ́ kɔ, bó ɖo susu kpá nú Mawu we, ɖó nǔ e yě se, bó mɔ ɔ́ có xwíi sɔgbe xá lě e wɛnsagun ɔ́ ɖɔ nú yě gbɛn ɔ́.
21
Gbe e gbe fǐ ɔ́ ɖo azǎn tántɔn b'ɛ gbo ada n'i ɔ́, è sun nyǐ i ɖɔ "Jezu"; nyǐkɔ nɛ́ ɔ́ wɛ wɛnsagun ɔ́ yě ó ɖɔ nú Mali ɖ'ayǐ, cóbɔ é mɔ xo tɔn.
22
Hwenu e è ɖoná slá wǔ ní Jozɛ́fu kpán Mali kpán unté e Mɔyízi sɛ́n ɔ́ zɔ́n gbɛn ɔ́ wa su, b'ɛ kplá fǐ ɔ́ yi Jeluzalɛ́mu, boná sɔ́ ɛ xwlé Mawu.
23
Ɖó è wlǎn dó Aklúnɔ sɛ́n ɔ́ mɛ ɖɔ mɛ jí: "Súnnu nukɔngbéví có xwíi è ná sɔ́ ɖó vo nú Aklúnɔ."
24
Yě ká ɖoná hɛn xwelé we, aló ahwannɛ́fí we, boná sɔ́ sá vɔ̌ ná ɖo fínɛ́, unté e Aklúnɔ sɛ́n ɔ́ zɔ́n gbɛn é.
25
Là ɔ́ nya unkpó ka ɖo Jeluzalɛ́mu hwenɛ́nu b'ɛ nɔ́ ylɔ́ ɛ ɖɔ Simɛ́nyɔ́ɔ. Nya nɛ́ ɔ́ ka nɔ jɛ hun dó Aklúnɔ sɛ́n ɔ́ yě jí lobo nɔ́ wa nǔjlɔ́jlɔ́. É nɔ́ nɔ te kpɔ́n sɔ́hɛnmɛ Aklúnɔ tɔn, bɔ Yɛsinsɛn nɔ yizan hwɛhwɛ.
26
Yɛsinsɛn ɖexlɛ́ ɛ ɖɔ é kun ná kú ma mɔ Mɛsia Aklúnɔ tɔn ɔ́ ɖo nukún wú ó.
27
Yɛsinsɛn ka ɖɔ xó d'ayi mɛ n'i i, b'ɛ wa goxɔ́ Yɛsinsɛn tɔn mɛ, bɔ ɖée mɛjitɔ́ Jezu yě kplá yakpɔfí ɔ́ bó yi wa nǔ e sɛ́n ɔ́ yě ɖɔ ɖ'ayǐ ɔ́,
28
Simɛ́nyɔ́ɔ sɔ́ ɛ ɖ'awa tɔn mɛ, lobo dó ku ní Mawu bó ɖɔ nà:
29
"Aklúnɔ a hɛn din ɔ́ a ná na gbe mɛsɛntɔ tuwelo b'ɛ́ ná yi kpán fífá kpán unté o kó ɖɔ gbɛn ɔ́."
30
Ɖó nukún ce mɔ hwlɛngan tuwe,
31
e sín nǔ a sɔ́ ɖ'ayǐ nú togun tuwe ɔ́ yě có xwíi ɔ́,
32
bɛ á nyi wěziza e ná hɔn d'akɔta e ma tunwun Mawu à có jí e, boná nyi susu ní Izlayɛ́li togun tuwe e.
33
Nǔ e Simɛnyɔ́ɔ ɖɔ dó fí ɔ́ wú ɔ́ yě sɔ́ akpakpa dáa tɔn kpan yé tɔn kpán titewungbe.
34
Simɛnyɔ́ɔ xo ɖɛ dó yě jí ló ɖɔ nú yé tɔn ɖɔ: "Mɛ éyɔ́ ɔ́ wa nú ayijijɛ kpán tesisi Izlayɛ́li fǐ gěgé tɔn ɖi wuntun e mɛ có xwíi má ná yi gbe nà á ɖɔhun,
35
bɔ hí ɖesúnɔ ɔ́ dɛ̌kpe ɖé ná zɛ́lɛ we ɖo líndɔn tuwe mɛ, bɔ nǔ e ayi gěgé yětɔn tɔn ɖo linlin we ɔ́ ná jɛ we jí.
36
Nǔɖɔɖ'ayǐtɔ́ unkpó ɖo fínɛ́ b'ɛ nɔ́ ylɔ́ ɛ ɖɔ Ana; fǐ nyɔ̌nu Famuwɛli tɔn e jɔ ɖo akɔta Asɛ́ɛ tɔn mɛ e wɛ ni. Xwe tɔn ko sɛ yi tawun. Ée é nɔ kpɔ́ xa asú tɔn ni xwe tɛ́nwe, hwenu é ɖo ɖyɔ̌fǐ mɛ ɔ́.
37
É nɔ asúkyɔ́si mɔ̌ káká bó ɖo xwe kanwe-nukún-ɛnɛ (84); é ká nɔ́ sɛtɛn sín sín goxɔ Aklunɔ́ tɔn ɔ́ mɛ à, bonɔ́ ɖo sinɛn nǔwiwa yě kɔn zǎn kéze ɖo nublabla kpán yɛhwexixa kpán mɛ.
38
Hwe unkpó ɔ́ nú e nǔ ɔ yě ɖo jijɛ we ɔ, nawé ɔ jɛ́ Mawu kpá jí o jɛ́ fǐ ɔ́ xó ɖɔ ni mɛ e ɖo tè kpɔ́n Jeluzalɛ́mu sín hlɛngán ɔ́ yě.
39
Ée Mali kpán Jozɛ́fu kpán wa nǔ Aklunɔ́ sɛ́n ɔ́ zɔ́n yě ɔ́, yě lɛ́ kɔ kpán fǐ ɔ́ kpán yi Nazalɛtì ɖo Galilée.
40
Fǐ ɔ́ ɖo susu we ó ɖo sinnyɛ́sinyɛ́, é ɖo sɛnunyɛ́ bɔ fɛ́nú Mawu tɔ́n ɖo kpɔ́ x'ɛ́.
41
Xwewú xwewu ɔ́, Jezú kpán mɛjitɔ́ tɔ́n yě kpán nɔ́ yi ɖu Paskwa ɖo Jeluzalɛ́mu.
42
Hwenu Jezu ka ɖó wěwe ɔ, yě lɛ́ yi xwe ɔ́ ɖu gbé ɖo Jeluzalɛ́mu unté hwɛndonuwá ɔ́ ɖó gbɛ́n é.
43
Ée yě ɖu xwe ɔ́ fó ɔ́, yě wlí xwé li; lo ɔ́, fí Jezu ɔ́ kí Jeluzalɛ́mu bɔ mɛjitɔ́ tɔn ɔ́ yě tɔnwun à.
44
Hwenu yě ɖo kpɔ́ xá mɛ e kpán yě kpán ɖo ali zɔn we ɔ́ yě ɔ́, yě kó xɔ́ azǎn unkpó cóbó wá jɛ bib’ɛ́ jí ɖo mɛ yětɔn ɔ́ yě mɛ
45
Ée yě ma mɔ ɛ à ɔ́, yě lɛ́ kɔ yi Jeluzalɛmu bó yi b’ɛ́ ɛ.
46
Azǎn tɔn atɔn gbe wɛ yě wá mɔ ɛ ɖo goxɔ Mawu tɔn mɛ, ɖo nukplɔ́nmɛtɔ́ ɔ́ yě tɛ́ntin b’ɛ ɖo tó ɖó yě we, bó ɖo nǔ kanby'axa yě wɛ.
47
Nunyɛ́ tɔn kpán xósin tɔn kpán kpácá mɛ e ɖo xó tɔn sé wé yě.
48
Ée yě mɔ ɛ ɔ́, é kpácá có, bɔ yé tɔn byax'ɛ ɖɔ: “fǐ ce, ani wutú ó ká bló mɔ̌ xá mǐ?” Daa tuwe kpán ní kpán mǐ ɖo bibawe we adohu adohu.
49
É yí gbe ní yě ɖɔ: “ Mǐ tunwun ɖɔ un na kpenukún dáa cé sín nǔ lɛ́ gó á wé ná?"
50
Yědɛ́ɛ ká mɔ nǔ jɛ nǔ é ɖɔ ní yě wɛ é ɖe ɔ́ go à.
51
Jezu ká sí te, bó xwédó yě wa yi Nazalɛ́ti. Yé tɔ̀n ká hɛn nǔ ɔ́ yěé có dó ayi tɔn mɛ.
52
Jezú ɖo susu we, bɔ nǔnyɛ̌ tɔn ɖo jijɛ jí we Mawu kpán gbɛtɔ́ ɔ́ yě kpán yí wǎn n'i.