DCS-Mirror-parfait-ayanou_mxl_luk_text

Luki 3

¹ Hwenu e dáda hlɔ̌ma tɔn Tibɛ́ɛ Sezáa ɖo acɛ xwe tɔn afɔtɔn gɔ́ ɔ́ bló we ɔ́ Pɔ́nsu Piláti wɛ nyí tokpɔngán Judée tɔn, Elodu ka ɖo tokpɔn Galilée tɔn nu, Filipu nɔví tɔn ɔ́ nyi gán Itulée kpán Tlakonitídi kpán nu, bɔ Lisaniyási ɖo tokpɔn Abilɛ́nu tɔn nu, ² bɔ ɖo yɛhwenɔ́ ɖaxó Hanna kpán Kayífu kpán hwenu nɛ́ ɔ́, Mawuxó ɔ́ (Wɛn Ɖagbe ɔ́) yi Jǎan Zakalíi fǐ ɔ́ gɔn, ɖo axéko jí. ³ É gbɔn Judɛ́ɛn tɔ gbé jí, bonɔ́ ɖo lɛ́vɔ́jɔ sín yɛhwesin lilɛ gbɔn hwɛ sɔ́ kɛ gbla mɛ jlá wɛ. ⁴ Ɖi unte e kó nyí xwlánwlán gbɛn ɖo nǔɖɔd'ayǐtɔ́ Izayíi sín wéma mɛ ɔ́: "Mɛ e ɖo xó sunwe ɖo axekojí sín gbe wɛ: Mi bló ali ɖó nú Aklúnɔ, mi jlɔ́ ali tɔn yě." ⁵ È ɖoná sú do ɔ́ yě có xwíi, boba gbígbá só ɖaxó ɖaxó ɔ́ yě kpán kpɛví kpɛví yě kpán, è ɖoná jlɔ́ qli gɔ́ndɔ́ngɔ́ndɔ́n ɔ́ yě, bó bló fí e nyí kpó ɖě do ɖě yě ɖo. ⁶ Énɛ́ ɔ́ mɛ có ná mɔ Mɛhwlɛ́ngántɔ́ e Mawu sɛ́ dó é. ⁷ Jǎan nɔ ɖɔ ní mɛe nɔ ny'ahwan wá yɛhwesin gbé ɖo gɔ̌n untɔn yě ɖɔ: "Jakpata kúnkan e mi, mɛ̌ ká kplɔ́n mi ɖɔ mi ni hɔn ní xomɛsín Mawu tɔn jǎwe é? ⁸ ́Mi bó ná sínsɛ́n e xlɛ́ ɖɔ mi kó ɖo lɛ́vɔjɔ ɔ́ yě e bonú mi ma ká ɖɔ ɖo ayi mitɔn ɔ́ yě mɛ ɖɔ: "Ablaxámu ɖésú wɛ dó kún mitɔn ó, ɖó ma ɖɔ ní mi, ahwǐnnya e mɔ we mi ɖe nɛ ɔ́ yě ɔ́, Mawu hɛn ɔ́ é ná sɔ́ yě dó ɖó fǐ ní Ablawámu. ⁹ Asyɔ́fí ɖíe ɖo atín ɔ́ yě sín ɖɔ go é, atín e má nɔ́ na sínsɛ́n ɖagbe có ná nyí gbigbo b'ɛ ná bɛ́ yě kɔnnyí myɔ mɛ." ¹⁰ Togun ɔ́ yě nɔ kankyɔ́ Jǎan ɖɔ: "Ani mi ka ɖoná bló?" ¹¹ Jǎan ka yi gbe nú yě ɖɔ: "Enyí mɛɖé ɖo mi mɖe bó ɖo awuga we hǔn ní na unkpó mɛ e ma ɖo ɖě à é." ¹² Tokwɛ́yítɔ́ ɔ́ yě lɔmɔ̌ nɔ wa lɛ yɛhwesin bonɔ́ kanbyɔ́ Jǎan ɖɔ: "Mɛ̌si, étɛ́ mǐ ɖoná wa?" ¹³ Jǎan ka nɔ yi gbe ní yě ɖɔ nà: "Mi ma yí akwɛ́ ɖo mɛ ɖěbǔ sí hú gǎn ée è ɖɔ mi ní é ó." ¹⁴ Sɔ́ja ɔ́ yě lɔmɔ̌ ka kanby'ɛ́ ɖɔ: "Mǐɖɛ́ɛ ɔ́ ani mǐ ká ɖoná bló?" Jǎan ka yí gbe ní yě ɖɔ: "Mi ma fánsú mɛɖé bó yí akwɛ́ tɔn ó, mi ka lɛ́ ɖo nǔvu ɖó mɛɖé nú ó boní azɔ̌kwɛ́ e mi nɔ́ yí ɔ́ ní kpé mi." ¹⁵ Togun ɔ́ ɖo nukúnɖíɖó mɛ bɔ yě có xwíi nɔ kan nǔ byɔ́ axá yěɖée ɖɔ Jǎan wɛ ná kó nyí klísu ɔ́ ǎ cé? ¹⁶ Jǎan ká yí gbe nú yě bó ɖɔ : "Ní ɔ́ sin wɛ un sɔ́ ɖo yɛhwesin lɛ ní mi we, amǎ é jǎwe, mɛ e hú gǎn ní ɔ́, bɔ un jɛxa boná sɔxú tún afɔkpakan tɔn yě vɔ́vɔ́ ǎ. Éyɔ́ ɔ́ Yɛsinsɛn kpán zo kpán wɛ é ná lɛ yɛhwesin ní mi. ¹⁷ É hɛn nǔfúntɛ tɔn alɔ nu boná vɔ́ nǔ e lɛ́ dó eɔ́ yě tò boná bɛ́ jinukún ɔ́ dó kɔ́zún tɔn mɛ, amǎ wɔn ɔ́, é ná do éyɔ́ ɔ́ zo ɖo zo e ma nɔ kí ǎ ɔ́ mɛ." ¹⁸ Jǎan ká ɖo wɛn ɖagbe ɔ́ jlá we kpán lanmɛsyɛ́n gěgé kpán. ¹⁹ Elodu, tokpɔngán ɔ́, e Jǎan ɖo hwɛ dó we ɖó Elodiadi, nɔví tɔn si ɔ́ kpán nǔ e é wlúwa yě kpán wú ɔ́, ²⁰ lɛ́ wa sɔ́ Jǎan wlí dó ganmɛ xú nǔ ɖe ɔ́ yě jí. ²¹ Ée mɛ có xwíi lɛ yɛhwesin fó ɔ́, Jesu lɔmɔ̌ lɛ, hwenu é ká jɛ yɛhwe xa jí ɔ́, jǐnukúnsu ɔ́ hun, ²² bɔ Yɛsinsɛn sɔ́ agbaza bó jɛ te dó jǐwun tɔn, ahwannɛ́ nɔhun. Bɔ gbe unkpó ɖi sín jǐxwé bó ɖɔ : "Fǐ vívɛ́ná wɛ ó nyǐ nú mì, hí ɔ́ mɛ wɛ xomɛhunhun ce ɔ́ ɖe." ²³ Hwenu Jezu jɛ asɔ̌ tɔn jí ɔ́, xwe gban (30) mɔ̌ wɛ ɖo. Mɛ yě nɔ lin ɖɔ Jozɛfu fí wɛ n’i, Jozɛfu ká nyí Heli sín fí, ²⁴ Heli ká nyí Matati sín fí, Matati ká nyí Levíi sín fí, Levíi ká nyí Mɛlukíi sín fí, Mɛlukíi ká nyí Yanayíi sín fí, Yanayíi ká nyí Jozɛfu sín fí, ²⁵ Jozɛfu ká nyí Matatyási sín fí, Matatyási ka nyí Amɔ́si sín fí, Amɔ́si ká nyí Mawumu sín fí, Mawúmu ká nyí Hɛsilíi sín fí, Hɛsilíi ká nyí Nagayíi sín fí, ²⁶ Nagayíi ká nyí ̌ Maatu sín fí, Maatu ká nyí Matatiyási sín fí, Matatiyási ká nyí Semɛ́ɛ sín fí, Semɛ́ɛ ká nyí Yozɛ́ki sín fí, Yozɛ́ki ká nyí Yodáa sín fí, ²⁷ Yodáa ká nyí Yowanáa sín fí, Yowanáa ká nyí Hleza sín fí, Hleza ka nyí Zolobabɛlu sín fí, Zolobabɛlu ká nyí Salatiyɛlu sín fí, Salatiyɛlu ká nyí Nɛlíi sín fí, ²⁸ Nɛlíi ká nyí Mɛlukíi sín fí, Mɛlukíi ká nyí Adíi sín fí, Adíi ká nyí Kɔzamu sín fí, Kɔzamu ká nyí Ɛlumadamu sín fí, Ɛlumadamu ká nyí Ɛ́ɛ sín fí, ²⁹ Ɛ́ɛ ká nyí Jezu sín fí, Jezu ká nyí Ɛliyɛzɛ́ɛ sín fí, Ɛliyɛzɛ́ɛ ká nyí Yolimu sín fí, Yolimu ká nyí Matati sín fí, Matati ká nyí Levíi sín fí, ³⁰ Levíi ká nyí Simɛnyɔ́ɔ sín fí, Simɛnyɔ́ɔ ká nyí Judáa sín fí, Judáa ká nyí Jozɛfu sín fí, Jozɛfu ká nyí Yonamu sín fí, Yonamu ká nyí Eliyakimu sín fí, ³¹ Eliyakimu ká nyí Mɛlea sín fí, Mɛlea ká nyí Mɛnáa sín fí, Mɛnáa ká nyí Matatáa sín fí, Matatáa ká nyí Natáan sín fí, Natáan ká nyí sín fí, Natáan ká nyí Davídi sín fí, ³² Davídi ká nyí Jɛsée sín fí, Jɛsée ká nyí Jobɛdi sín fí, Jobɛdi ká nyí Bowozi sín fí, Bowozi ká nyí Salumɔ́ɔ sín fí, Salumɔ́ɔ ká nyí Naasɔ́ɔn sín fí, ³³ Naasɔ́ɔn ká nyí Aminadabu sín fí, Aminadabu ká nyí Adiminu sín fí, Adiminu ká nyí Aliníi sín fí, Aliníi ká nyí Ɛsilɔ́ni sín fí, Ɛsilɔ́ni ká nyí Falɛsi sín fí, Falɛsi ká nyí Judáa sín fí, ³⁴ Judáa ká nyí Jakɔ́bu sín fí, Jakɔ́bu ká nyí Izáki sín fí, Izáki ká nyí Ablaxámu sín fí, Abláxamu ká nyí Taláa sín fí, Taláa ká nyí Naxɔ́ɔ sín fí, ³⁵ Naxɔ́ɔ ká nyí Selúki sín fí, Selúki ká nyí Hlago sín fí, Hlago ká nyí Falɛ́ki sín fí, Falɛ́ki ká nyí Ebɛ́ɛ sín fí, Ebɛ́ɛ ká nyí Saláa sín fí, ³⁶ Saláa ká nyí Kayinamu sín fí, Kayinamu ká nyí Alifazadu sín fí, Alifazadu ká nyí Sɛ́mu sín fí, Sɛ́mu ká nyí Nɔwée sín fí, Nɔwée ká nyí Lamɛki sín fí, ³⁷ Lamɛki ká nyí Matizamɛmu sín fí, Matizalɛmu ká nyí Enɔci sín fí, Enɔci eyɔ́ ká nyí jalɛ́di sín fí, Jalɛ́di ká nyí Malelée sín fí, Malelée ká nyí Kayinamu sín fí, ³⁸ Kayinamu ká nyí Enɔsi sín fí, Enɔsi ká nyí Sɛ́ti sín fí, Sɛ́ti ká nyí Adámu sín fí, Adámu eyɔ́ ɔ́ ká nyí Mawu sín fí.